یەکم قورنتییل 13:7 - کتاب مقدس به زبان کردی جنوبی - گویش کلهوری

⁷ مابەت وەگەرد گشت چشتێگ کەفێه یەک، مابەت گشت چشتێگ باوەڕ کێ، مابەت هەمویشه ئمید دێرێ، مابەت وەناو گشت چشتێگ تاموڵ دێرێ.

یەکم قورنتییل 13:7 ပူးပေါင်းရင်းမြစ်များ

ئنجیل مەتا 10:22

گشتیەکی وەبونەێ ناو مه قینێانه لێدان تێ. وەلێ هەر کەس تا وه ئاخر بەردەوام بمینێ، نجات پەێا کەی.

مەرقوس 9:23

عیسا وەت: «ئەگەر تویەنی؟ ئەڕا کەسێ که ئیمان دێرێ گشت چشتێگ بود.»

رومیەگان 15:1

ئیمه که وه هێزیم، ها ملمانا که بی هازییل ئایەمیل زەیف تاموڵ بکێم و وەشون خوەشنودی خوەمان نویمن.

رومیەگان 8:24

چوینکه وه ئی ئمیده نجات پەێا کردیم. ئێرنگه ئمیدی که بوینرێید، دی ئمید نیه. چوینکه کیه که وه ئەو چشته که دوینی ئمید بیاشتوی؟

یەکم قورنتییل 13:4

مابەت سەور دێرێ و مێرەبانه؛ مابەت حەسویی نیەکێ و وه خوەێ شانازی نیەکێ، مابەت لوەیتبەرز نیه،

یەکم قورنتییل 9:12

ئەگەر کەسیل تر حەق دێرن که له لێدان سود بوەن، ئێ ئیمه فرەتر حەق نێریم؟ وەلێ ئیمه سودێگ له ئی حەقه نەگردیم، بەڵکەم هەر چشتێگ تاموڵ کردیمنه تا نوای ڕێ ئینجیل مەسیح نەگریمن.

نامه وە غەلاتییل 6:2

باریل قورس یەکترەکی هەڵبگرن که ئیجوره شەریعەت مەسیح وه جێ تیەرێن.

دویم تسالونیکییل 1:4

وه ئی بونه، ئیمه خوەمان وەناو کلیسایل خودا وەبونەێ بەردەوام بین و ئیماندان وەناو گشت عەزاویل و بەردیلی که تاموڵ کین، وەپێدان شانازی کيمن.

دویم تیموتاوس 2:24

خزمەتکار خوداوەند نەبایه شەڕ بکێد، بەڵکەم باێه وەگەرد گشتیەکی مێرەبان بود و تویەناێ تالیم و سەور بیاشتوید.

دویم تیموتاوس 3:11

عەزاویلێگ که کیشامه و رەنجیلێ که دیمه، دیده‎ و له ئەو چشته که له شاریل ئەنتاکیه، قونیه و لستره وه سەرمەو هات و عەزاویلێگ که و مه رەسێ، خاس ئاگاداری. وەلێ خوداوەند مه له ناو گشت ئەوانه دەراورد.

دویم تیموتاوس 4:5

وەلێ توی وه هەر حاڵێگەو هوشد بود؛ سەختییل ئەڕا خوەد هامارەو بکه؛ کار مزگانیدەر وه جێ بار و خزمەت خوەد وه کەماڵ وه جێ بار.

عبرانییل 13:13

جا باین بچیمنه دەیشت ئوردوگاه ئەڕا لاێ ئەیو و ئەو سەرزەنشته که ئەیو تاموڵ کرد، وه کوڵ خوەمانەو هەڵگریم.

یاقوب 1:12

خوەش وه حاڵ ئەوه که وەناو ئەزمونیل بەردەوامه، چوینکه وەختێ له ئەزمون سەربەرز باێه دەیشت، ئەو تاج ژیانه گرید که خودا وه ئەوانه که دوسی دێرن، وادەێ داس.

یەکم پتروس 2:24

مەسیح خوەێ گونایل ئیمه وەناو جەسەێ خوەێ کیشاده بان سەلیب، تا له باوەت گونا بمریم و ئەڕا سالح بوین زنەیی بکێم. ئیوه وه زامیلێ شەفا پەێا کردینه.

یەکم پتروس 4:8

گرنگتر له گشتێ، یەکترەکی وه گیان و دڵ مابەت بکێن، چوینکه مابەت، گونایل فرەێگ داپوشنێ.