یەکم قورنتییل 13:1 - کتاب مقدس به زبان کردی جنوبی - گویش کلهوری

¹ ئەگەر وه زوانیل ئایەمیل و فریشتەیل قسیه بکەم، وەلێ مابەت نیاشتوم، دێوڵ ناوڕاس چوڵ و سەنجێگ پڕ قرموقاڵم.

یەکم قورنتییل 13:1 ပူးပေါင်းရင်းမြစ်များ

ئنجیل مەتا 25:45

ئمجا جواویان دەێ: ”وه ڕاسی، وەپێدان ئویشم، هەر چی ئەڕا یەکی وه ئی بویچگترینیله نەکردین، ئەڕا مه نەکردین.“

مەرقوس 16:17

ئەوانه که ئیمان تیەرن، ئی نیشانەیله ها گەردیان: وه ناو من دێویل کەنه دەیشت و وه زوانیل تازه قسیه کەن،

رومیەگان 14:15

چوینکه ئەگەر وەگەرد ئەو چشته که خوەید، براگەد دەردەدارەو کەی، دیتر ڕێ رەوشتد وەناو مابەت نيه. وەگەرد ئەو چشته که خوەید، ئەو کەسه که مەسیح وەبونەێەو مرد، نابود مەکه.

یەکم قورنتییل 12:10

وه یەکیگتر تویەناێ وه جێ هاوردن موجزەیل درێید، وه یەکیگتر نەبوەت و وه یەکیگتر تویەنایی ناسین روحیل. ئەڕا یەکیگتر قسیه کردن وه زوانیلتر بەخشریەد و وه یەکیگتر هەڵوگەردانن زوانیلتر.

یەکم قورنتییل 12:16

جا ئەگەر گوش بویشی، «ئەڕا ئیه که چەو نیم، وه جەسه تالوق نێرم،» ئیه بایس نیود که ئەنامێگ له جەسه نود.

یەکم قورنتییل 12:8

ئەڕا ئیه که وه یەکی له ڕێ روح خودا، کەڵام زانیاری درێید، وه یەکیگتر له ڕێ هەر ئەو روحه، کەڵام ماریفەت و

یەکم قورنتییل 13:8

مابەت هەراێهەر بنێ نیەتێی. له باوەت نەبوەتیل، ئەوانه له بین چن و زوانیل بنێان تێد و ماریفەت له بین چود.

یەکم قورنتییل 14:2

ئەڕا ئیه که ئەوه که وه زوانێگتر قسیه کێ، نه وەگەرد ئایەمیل بەڵکەم وەگەرد خودا قسیه کێ. ئەڕا ئیه که هویچکەس قسیەێ حالی نیود؛ وەلێ ئەوه له ڕێ روح رازیل ئویشێ.

یەکم قورنتییل 14:4

ئەوه که وه زوانێگتر قسیه کێ ئیمان خوەێ بنیاد نی، وەلێ ئەوه که نەبوەت کێ بایس بنیاد ناین ئیمان کلیسا بود.

یەکم قورنتییل 14:5

ئاوەختیم ئیەسه که گشتدان وه زوانیلتر قسیه بکێن، وەلێ فرەتر توام که نەبوەت بکێن. ئەوه که نەبوەت کێ، گەوراتر له ئەوەسه که وه زوانیلتر قسیه کێ، مەر ئیه که زوانەگه هەڵوگەردنێ تا بایس بنیاد ناین ئیمان کلیسا بود.

یەکم قورنتییل 8:1

له باوەت خواردەمەنی پیشکەشی وه بتیل: زانیمن که «گشتمان ئایەمیل زاناێگیم.» وەلێ زانایی بوده بایس لویتبەرزی، وەلێ مابەت، بنیاد نێ.

دویم قورنتییل 12:4

و چشتیلێگ شنەفت که نیود تاریفێ بکی، که قسیه کردن له ئەوانه ئەڕا ئایەم ڕەوا نیه.

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

نامه وە غەلاتییل 5:6

چوینکه وه ناو مەسیح عیسا نه خەتەنه بین و نه خەتەنه نوین هویچ نیەتیەرزێد، بەڵکەم تەنیا ئەو ئیمانه گرنگه که وه پێ مابەت کار کەی.

یەکم نامەێ تیموتاوس 1:5

ئامانج ئی فەرمانه دوس داشتنه، دوس داشتنێگ که له دڵ پاک و وژدان درس و ئیمانێگ بی دوڕویی هەڵساس.

یەکم پتروس 4:8

گرنگتر له گشتێ، یەکترەکی وه گیان و دڵ مابەت بکێن، چوینکه مابەت، گونایل فرەێگ داپوشنێ.

دویم پتروس 2:18

چوینکه ئەوانه وه دەنگ بەرز قسیەيلێگ کەن که له ڕوی لویتبەرزی و گیلگەوجیه و وه وەسلەێ هەواوهەوەسیل هەرزەی جەسه، کەسیلێگ گیر تیەرن که تازه له چنگ گومڕایێل دەرچینه.

وەحی وه یوحەنا 14:2

جا دەنگێگ له ئاسمان شنەفتم جور گرمەێ ئاویل فره؛ جور دەنگ هەوره تریقەێ بەرز؛ ئەو دەنگه که شنەفتم مینستیاده دەنگ چەنگ‎ژەنیل ئەو وەخته که چەنگیلێان بژەنن.