یەکم قورنتییل 1:7 - کتاب مقدس به زبان کردی جنوبی - گویش کلهوری

⁷ وه لەونی که ئیوه له هویچ خەڵاتیێگ بی نسیو نين، هەر وەئەو حاڵه که چەوەڕێ ئاشکرا بوین خوداوەندمان عیسا مەسیحین.

یەکم قورنتییل 1:7 ပူးပေါင်းရင်းမြစ်များ

ئنجیل مەتا 25:1

«وه ئەو وەخته، پادشایی ئاسمان مینێده دەگله دویەت ئازەو که رەفیقەیل وەویێن، چراخ مویشیەگانێان هەڵگردن و چینه پیری زاواوه.

لوقا 12:36

جور کەسیلێ بون که چەوەڕێن تا گەورەێان له سویر باێدەو، تا وەختێ له ڕێەو رەسی و دەر کوتا، زویزی دەر ئەڕاێ واز بکەن.

لوقا 17:30

ڕوژ هاتنەوەێ کوڕ ئنسانیش هەر ئیجوره بود.

رومیەگان 8:19

چوینکه گشت درسکریایل خودا وه تاسەێ تەمام چەوەڕێن تا کوڕیل خودا ئاشکراوه بون.

رومیەگان 8:23

جا نه تەنیا درسکریایل خودا، بەڵکەم خوەمانیش که نەوبەر روح خودا دێریم، له ناخمانەو ئاخ هەڵکیشیم، هەر ئەو جوره که وه تاسەوه چەوەڕێ زڕکوڕی، یانێ ڕزگاری جەسەیلمانیم.

یەکم قورنتییل 4:5

جا له باوەت هویچ چشتێگ وەرجه هاتن خوداوەند داوەری مەکەن. خوداوەندێگ که چشتیلی که ئێرنگه وەناو تیەریکی شاریاسەو، وەناو ڕوشنایی ئاشکرا کێ و نیەتیل دڵ ئاشکرا کێ. ئەوسا هەرکەس له لاێ خوداوه هان دریەد و تاریف کریەید.

دویم قورنتییل 12:13

وه بەراورد وەگەرد باقی کلیسایل، چ ستەمێگ له حەقدان بیه، بێجگه ئیەک هەراێهەر بارێگ وه سەر کوڵدان نویمه؟ ئەڕا ئی هەڵەمه بوەخشینەم!

نامه وە غەلاتییل 5:5

چوینکه وه وەسلەێ روح خودا و له ڕێ ئیمانه که ئیمه خوەمان وه ئەزرەتەو چەوەڕێ ئەو سالح بوینیمنه که وه ئمێدێەو دەیمنەێ سەر.

نامەێ فیلیپییل 3:20

وەلێ نیشتمان ئیمه ئاسمانه و وه تاسەێ تەمام چەوەڕێم که نجات دەر، یانێ خوداوەند عیسا مەسیح، له ئەورە ئاشکرا بود.

نامه وه کولوسییل 3:4

وەختێ مەسیح که زنەیی ئیوەس، ئاشکرا بود، ئەو وەخته ئیوەیش وەگەرد ئەیو وەناو جەڵاڵ ئاشکرا بین.

یەکم تسالونیکییل 1:10

و تا چەوەڕێ هاتن کوڕ خودا له ئاسمان بوین، هەر ئەوه که خودا له مردگیل زنیەو کرد، یانێ عیسا، که ئیمه له خەزەوێگ که ها له وەرەڕوی ڕزگاری بەخشێد.

دویم تسالونیکییل 1:7

تا ئیوه که بەرد کیشین و هەرئیجورەیشه وه ئیمه، ئارامی بێید. ئیه وەختێگ تێدە دی که خوداوەند عیسا وەگەرد فریشتەیل تویەناێ خوەێ وەگەرد ئاگر گڕانیگ له ئاسمانەو ئاشکرا بود.

دویم تیموتاوس 4:8

ئێرنگه تاج سالح بوین ئەڕام ‎گورجه، تاجێگ که خوداوەند، ئەو داوەر دادپەروەره، له ئەو ڕوژه بەخشیده پێم، نه تەنیا وه مه، بەڵکەم وه گشت ئەوانه که تاسەێ ئاشکرابوینی، داشتنه.

تیتوس 2:13

چەوەڕێ ئەو ئمید بمارکمانه بویمن یانێ ئاشکرا بوین جەڵاڵ خوداێ گەورامان و نجات دەر ئیمه عیسا مەسیح.

عبرانییل 9:28

مەسیحیش لەشون ئەوه که یەێ جار قوروانی بی تا گونایل قێر فرەێگ بگرێده سەر شانێ، دویم جار ئاشکراوه بود، نه ئەڕا پەرچەو کردن گونا، بەڵکەم تا ئەوانه که وه تاسەوه چەوەڕێ ئەوەن، نجات بێید.

یەکم پتروس 1:13

جا فکر خوەدان ئەڕا کار گورجەو بکەن، هوشیار بوین و ئمید خوەدان یەسەره بنەنه مل فیزێگ که له وەخت ئاشکرابوین عیسا مەسیح وه پێدان بەخشریەد.

یەکم پتروس 4:13

بەڵکەم خوەشاڵ بوین له ئیەک وەناو رەنجیل مەسیح بەشدار بوین، تا له وەخت ئاشکرابوین جەڵاڵ ئەیو هەم دڵشاد بوین و هەم خوەشی بکێن.

یەکم پتروس 5:4

وەختێگ گەورەێ شوانیل ئاشکرا بود، تاج جەڵاڵێگ که له بین نیەچود، گرین.

دویم پتروس 3:12

چەوەڕێ هاتنەوەێ ڕوژ خودا بوین و جوری زنەیی بکێن تا ئەو ڕوژه زویتر برەسێ. وەبونەێ ئەو ڕوژه ئاسمانیل وه ئاگر کیشیەن و تویچیەن و ئەجرام ئاسمانی هەر ئەوجورە که سزیەن، تاویەنەوه.

یەکم یوحەنا 3:2

ئێ عەزیزەیل، ئێرنگه ڕوڵەیل خودایم، هێمراێ ئاشکرا نویه بویمنه چه. وەلێ زانیمن وەختێ ئەیو ئاشکرا بود بویمنه وێنەێ ئەیو، چوینکه ئەیو هەر ئەوجورە که هەس، دوینیمنێ.

یەهودا 1:21

خوەدان وەناو مابەت خودا بپارێزنن، وه ئەو حاڵەو که چەوەڕێ بەزەیی خوداوەند ئیمه عیسا مەسیحین تا ئیوه وەرەو زنەیی ئەبەدی بوێد.