یەکم قورنتییل 1:18 - کتاب مقدس به زبان کردی جنوبی - گویش کلهوری

¹⁸ چوینکه پێخام سەلیب ئەڕا ئەوانه که وەرەو نابودی چن گیلگەوجیه، وەلێ ئەڕا ئیمه که هایمنه ڕێ نجات هێز خوداس.

یەکم قورنتییل 1:18 ပူးပေါင်းရင်းမြစ်များ

کاریل ڕەسولەیل 13:41

«بنوڕن، ئێ تویلەکی کەریل، ئەڵاجویدان باێ و له بین بچن، چوینکه وه ڕوژگاریل ئیوه کارێ کەم، تەنانەت ئەگەر کەسێ ئەڕادان بویشێدێەو هەراێهەر باوەڕ نیەکین.»

کاریل ڕەسولەیل 17:18

بڕێگ له فیلسوفیل فرقەیل ئپیکوری و ڕەواقییش وەگەردیەو باس کردیان. بڕێگیان وەتیان: «ئی وڕاوەکەره چه تواێ بویشی؟» بڕێگتریان وەتیان: «دیاره بانگەوازی ئەڕا خودایل بێگانه کەێ.» چوینکه پولوس، مزگانی عیسا و زنیەو بوین مردگیل دیاده پێان.

کاریل ڕەسولەیل 17:32

وەختێ له باوەت زنیەو بوین مردگیل شنەفتن، بڕێگ بزگەخەنه دان، وەلێ بڕێگتر وەتن: «یەێ جارتر توایم لێ باوەته له لێد بشنەفیم.»

کاریل ڕەسولەیل 2:47

ستایش خودا کردیان. لەلاێ گشت مەردم عەزیز بین؛ خوداوەندیش هەر ڕوژ ئەوانه که نجات پەێا کردیان، وه جەمیان فێشترەو کردیا.

رومیەگان 1:16

چوینکه مه له ئینجیل شەرمزار نیم، ئەڕا ئیەکه هێز خوداس ئەڕا نجات هەر کەسێگ که ئیمان بارێ، یەکم جار جویلەکە و لەشونی یونانی.

یەکم قورنتییل 1:21

چوینکه له ئەوره که بەنا وه زانیاری خودا، جهان نەتویەنست وه پێ زانیاری خودا بناسێ، خودا ئەوجورە سەلاح زانست که وەگەرد بانگەوازی گیلگەوجانه، کەسیلێ که ئیمان تیەرن، نجات بێی.

یەکم قورنتییل 15:2

له ڕێ ئەوه نجات پەێا کین، ئەگەر وه ئەو کەڵامه که ئەڕادان بانگەوازی کردم چنگ بێین. مەر ئیه که، وه هویچ پەتی ئیمان هاوردوین.

یەکم قورنتییل 2:14

ئایەم نەفسانی چشتیل روح خودا وەرنیەگرێ، چوینکه ئەڕا ئەوه گیلگەوجیه و نیەتویەنی بفامیدەێ، چوینکه زانستن خاس‎خراوی ئیجور چشتیلی هەوەجی وه دەرک روحانی دێرێ.

یەکم قورنتییل 2:2

چوینکه پشت ئەڕاێ بەساویم وەناودان چشتێگ نەزانم بێجگه عیسا مەسیح ئەویش وه سەلیب کیشریاێ.

یەکم قورنتییل 3:19

وەبونەێ ئیه که زانیاری ئی جهانه له وەر چەو خودا نەزانیه. ئەوجورە که وەناو کتاو ئەیوب نویسریاس: «زانیاریل تویش فێڵبازی خوێان تیەرێ.»

یەکم قورنتییل 4:10

ئیمه وەبونەێ مەسیح نەزانیم، وەلێ ئیوه وەناو مەسیح زانیارین! ئیمه بێهازیم، وەلێ ئیوه هێزدارین! ئیمه سوکیمن، وەلێ ئیوه وه حرمەتین!

دویم قورنتییل 10:4

ئەڕا ئیه که چەک شەڕ ئیمه هن ئی جهانه نیه، بەڵکەم وه هێز خوداییه که تویەناێ خاپور کردن قەڵایل هەس.

دویم قورنتییل 4:3

تەنانەت ئەگەر ئینجیلەگەمان شاریاسەو، ئەڕا کەسیلێگ شاریاسەو که هانه ڕێ مەرگ.

یەکم تسالونیکییل 1:5

ئەڕا ئیه که ئینجیلێگ که ئیمه جار دایمنه نه تەنیا وەگەرد کەلیمەیل، بەڵکەم وەناو هێز و وەناو روح‌القودوس و وەگەرد دڵنیایی کامڵ وه پێدان رەسێ، ئیوه زانين که وه خاتر ئیوه رێ رەوشتمان وه‌ناودان چوی بی.

دویم تسالونیکییل 2:10

هەر ئیجوره ها گەرد گشت جور شەڕئاشویی، که ئەوانه که هانه ڕێ نابودی، گول دەێد. ئیانه وه ئەو خاتره له بین چن که نەتواسن ڕاسی دوس بیاشتون و ئیجوره نجات پەێا بکەن.

عبرانییل 12:2

باین چەو بوڕیمنه عیسا که بنیادنەر و کامڵکەر ئیمانمانه، که ئەڕا ئەو خوەشیه که له نوای بوی، سەلیب تاموڵ کرد و نەنگ ئەوه سوک وه حساو هاورد و ئێرنگه وه لاێ ڕاس تەخت خودا نيشتیه.

عبرانییل 4:12

چوینکه کەڵام خودا زنیه و کارکەره و تێژتر له هەر شمشێر دو دەمێگه و ئەوجورە چوده ناو که گیان و روح، مەفسەلیل و مەخز سقانیل جیاوه کەید و فکریل و نیەتیل دڵ هەڵسەنگنێد.