Evvan 8:55 - Skolt Koltta Gospel of John 1988

⁵⁵ jeäʹped-ǥa toobd suu; leša mon toobdam suu. Da jõs mon ceälkčem, što jiõm toobd suu, leʹččem mon seämmanallšem ǩeeʹles, mâʹte tij leäʹped; leša mon toobdam suu da ååskam suu sääʹn.

Evvan 8:55 ပူးပေါင်းရင်းမြစ်များ

Evvan 1:18

Ij ni ǩii leäkku vuäinnam Vuâsppååʹd ni kuäʹss, pâi oʹdinakai Päʹrnn, kååʹtt lij Eeʹjj ââʹsǩest, lij Suu tieʹđtam.

Evvan 10:15

Nuʹt mäʹhtt Eʹčč tåbdd muu, toobdam mon Eččan; da mon ooudam jiõggan saauʒi ooudâst.

Evvan 15:10

Tij ko jäkktõõllveʹted muu päkkmuužžään, tij põõššveʹted muu räʹǩsvuõđstan, nuʹt mäʹhtt mon leäm jäkktõõllâm Eččan päkkmuužžid da põõžžam suu räʹǩsvuõđstes.

Evvan 15:21

Puk tän sij tuejjee tiʹjjid muu diõtt, tõn diõtt ko sij jiâ toobd suu, kååʹtt lij muu vuõlttääm.

Evvan 16:3

Nääiʹt sij tuejjee, ko sij jeäʹla tobddâm Eeʹjj jiâ ni muu.

Evvan 17:25

Eʹčč, ton leäk vuõiggâdmiõllsaž. Maaiʹlm ij toobd tuu, leša mon toobdam, da täk muu jiõččan teäʹtte, što ton leäk vuõlttääm muu.

Evvan 6:46

Ij nuʹt, što ni ǩii leʹčče vuäinnam Eeʹjj; õhttu Päʹrnn, kååʹtt lij puättam Vuâsppååʹd åʹrnn, lij vuäinnam Eeʹjj.

Evvan 8:19

Sij kõʹčče suʹst: «Koʹst tuu eʹčč lij?» Isõs vaʹsttii: «Tij jeäʹped toobd muu, jeäʹped ni muu Eeʹjj. Jõs tij toobdčid muu, toobdčid še muu Eččan.»

Evvan 8:29

Son, ǩii lij muu vuõlttääm, lij muiʹn; son iʹlla kuâđđam muu õhttu, ko mon pâi tuejjääm tõn, mii lij suʹnne miõl mieʹldd.»

Evvan 8:44

Tij leäʹped eeʹjjest piârgglõõǥǥâst, da eeʹjjed haalid tij haaʹleʹped kulddled. Son lij leämmaž koʹddi juʹn aalǥâst. Son iʹlla tuõđšvuõđ peäʹlnn, ko tuõđšvuõtt lij suʹst kuʹǩǩen. Ko son ǩeâlstââll, son maainast jiijjâs aaʹššid: son lij ǩeâlstõõlli da ǩeeʹlesvuõđ eʹčč.

Evvan 8:51

Tuõđi, tuõđi mon ceälkam tiʹjjid: kååʹtt åskk muu saaʹnään, son ij jääʹm ni kuäʹss.»

Evvan 8:52

Juudlažneeʹǩǩ cieʹlǩǩe suʹnne: «Ååʹn mij fiʹttjep, što ton leäk ǩeähnas jiõgg vääʹld vueʹlnn. Aabraham lij jäämmam, da profeeʹtt liâ jäämmam, da ton ceälkak: ’Kååʹtt åskk muu saaʹnään, son ij jääʹm ni kuäʹss’.