Evvan 8:28 - Skolt Koltta Gospel of John 1988

²⁸ Isõs cieʹlǩi siʹjjid: «Ko ââʹleʹped Oummu Pääʹrn, mättjeʹped tieʹtted, što mon leäm tõt, ǩii mon leäm. Mon jiõm tuejjad ni mâiʹd jiõččan täättast, a säärnam, mâiʹd Eččam lij muʹnne mättʼtam.

Evvan 8:28 ပူးပေါင်းရင်းမြစ်များ

Evvan 11:42

Mon kâʹl teâđam, što ton kuulak muu, leša säärnam täi oummi diõtt, što sij ååskče, što ton leäk vuõlttääm muu.»

Evvan 13:19

Ceälkam tän juʹn ouddâl ko tõt šâdd, što tij ååskčid, što mon leäm tõt, mii leäm.

Evvan 16:10

Son čuäʹjat čuõkku Vuâsppååʹd årra, tâʹl mon mõõnam Eččan årra meädda tij kueʹsttmest.

Evvan 18:32

Tõt šõõddi, što Isõõzz sääʹnn jiijjâs jääʹmmemnääʹlest šõõddči tuõttân.

Evvan 19:18

Tåʹben suu takku riʹstte da seämmanalla kuõʹhtt jeeʹres åumma suu paʹldde nuʹbb nuuʹbb peälla.

Evvan 3:11

Tuõđi, tuõđi mon ceälkam tuʹnne: mij mainstep tõn, mõõn tieʹttep, da tuõđštep tõn, mõõn leäʹp vuäinnam, leša tij jeäʹped priim mij tuõđštõõzzeen.

Evvan 3:14

Nuʹt mäʹhtt Moʹssai ââʹlii kuuʹd poostaijânnmest, nuʹt âlgg še Oummu Päʹrnn ââʹleed,

Evvan 4:26

Isõs cieʹlǩi suʹnne: «Tõt leäm mon. Son maainast tuin.»

Evvan 5:19

De Isõs vaʹsttii da cieʹlǩi siʹjjid: «Mon ceälkam tiʹjjid, što Päʹrnn ij vueiʹt ni mâiʹd tuejjeed jiijjâs täättast, pâi tõn, mõõn son vuäinn, što mâiʹd Eʹččes tuejjad. Mâiʹd Eʹččes tuejjad, tõn Päʹrnn še tuejjad.

Evvan 5:30

Jiõm mon vueiʹt tuejjeed ni mâiʹd jiõččan täättast. Mon suudam tõn mieʹldd, mäʹhtt Eččam ceälkk. Tõk liâ vuõiggâd, ko mon jiõm tuejjad jiõččan täätt mieʹldd, pâi suu täätt mieʹldd, kååʹtt lij muu vuõlttääm.

Evvan 6:38

Jiõm mon puättam ââʹlmest tuejjeed mâiʹd jiõčč täättam, pâi suu täätt, kååʹtt lij muu vuõlttääm.

Evvan 8:24

Cieʹlǩǩem tâma mon, što tij jääʹmmveʹted rieʹǩǩest. Tij tuõđi jääʹmmveʹted, ko jeäʹped ååsk, što mon leäm tuõđi tõt, mii mon leäm.»

Evvan 8:27

Leša sij jiâ fiʹttjam, što Isõs mainsti siʹjjid Eeʹjjest.

Evvan 8:58

Isõs cieʹlǩi siʹjjid: «Tuõđi, tuõđi mon ceälkam tiʹjjid: ouʹddelgo Aabraham šõõddi, mon leäm leämmaž.»