Evvan 6:70 - Skolt Koltta Gospel of John 1988

⁷⁰ Isõs vaʹsttii: «Mon vaʹlljeem tij kuâtmlåkkaz, da tõn diõtt õhtt teeʹst lij piârgglõk.»

Evvan 6:70 ပူးပေါင်းရင်းမြစ်များ

Evvan 13:18

Jiõm mon maainâst teeʹst pukin: mon teâđam, ǩeäiʹd leäm vaʹlljääm. Leša tät Pââʹss ǩeeʹrj sääʹnn âlgg šõddâd tuõttân: ’Tõt, kååʹtt påårr muu leeiʹb, lij kaggõõttâm muu vuâstta.’

Evvan 13:2

Isõs leäi mättʼtõspäärneesvuiʹm pričaašš väʹlddmen. Piârgglõk leäi maazzlâsttam Juudas Iskarioot, Semman pääʹrn ǩiõllâd suu.

Evvan 13:21

Ko Isõs leäi ceälkkam tän, õõʹʒʒi suʹnne peʹccel. Da son cieʹlǩi vuõiʹǧǧest: «Tuõđi, tuõđi mon ceälkam tiʹjjid: teeʹst lij õhtt, kååʹtt muu ǩeâll.»

Evvan 13:27

Ko Juudas leäi poorrâm leiʹbbkooska, mõõni suʹnne piârgglõk. Da Isõs cieʹlǩi suʹnne: «Tuejjad sõrgg tõn, mâiʹd joordak.»

Evvan 15:16

Tij jeäʹped vaʹlljääm muu, pâi mon vaʹlljeem tiʹjjid. Pakkum tiʹjjid mõõnnâd da šõddeed šââdd, kååʹtt pââšš. Tâʹl Eʹčč oudd tiʹjjid puk, mõõn suʹst muu nõõmâst äännveʹted.

Evvan 15:19

Ko tij kuulčid maaiʹlme, maaiʹlm räʹǩsteʹčči tiʹjjid mâʹte jiijjâs. Leša tij jeäʹped kuul maaiʹlme, pâi mon vaʹlljeem tiʹjjid tõn kõõskâst. Tõn diõtt maaiʹlm vâjjad tiʹjjid.

Evvan 17:12

Ko mon leʹjjem sijvuiʹm, varjjlem siʹjjid nõõmad viõǥǥin. Varjjlem siʹjjid, ij-ǥa ni ǩii seeʹst šõddâm tuʹššen, pâi son, kååʹtt õõlǥi šõddâd attu, što Pââʹss ǩeeʹrj oudldõs tuõđštõõvči.

Evvan 2:2

Isõs da suu mättʼtõspäärna še leʹjje koččum naimmu.

Evvan 20:24

Fooma, koon cieʹlǩǩeš Juuʹmǩen da kååʹtt leäi õhtt tõn kuâtmlåkksest, iʹlleämmaž tõʹst, ko Isõs pueʹđi.

Evvan 6:64

Leša tij jooukâst liâ måtam, kook jiâ ååsk.» Isõs tiõʹđi aalǥâst juʹn, ǩeäk jiâ åskkam da ǩii suu ooudči õõlmâs.

Evvan 6:67

«Tättveʹted-a tij še mõõnnâd meädda?», Isõs kõõjji tõn kuâtmlåkksest.

Evvan 6:71

Isõs säärnai Juudaazzâst, Semman Iskariot pääʹrnest. Håʹt-i tät še kuuli tõn kuâtmlåkkaz jouʹǩǩe, son ääiǥai uʹvdded Isõõzz õlmmsa.

Evvan 8:44

Tij leäʹped eeʹjjest piârgglõõǥǥâst, da eeʹjjed haalid tij haaʹleʹped kulddled. Son lij leämmaž koʹddi juʹn aalǥâst. Son iʹlla tuõđšvuõđ peäʹlnn, ko tuõđšvuõtt lij suʹst kuʹǩǩen. Ko son ǩeâlstââll, son maainast jiijjâs aaʹššid: son lij ǩeâlstõõlli da ǩeeʹlesvuõđ eʹčč.