Evvan 6:14 - Skolt Koltta Gospel of John 1988

¹⁴ Ko oummu vuõiʹnne tõn õõmâstuâj, sij cieʹlǩǩe: «Tõt lij tuõđi tõt profeʹtt, koon pueʹttem lij vuõrddum maaiʹlme.»

Evvan 6:14 ပူးပေါင်းရင်းမြစ်များ

Evvan 1:21

Sij eʹpet kõʹčče: «Ǩii šât ton leäk? Leäk-a Eʹllj?» «Jiõm leäkku.» «Leäk-a ton profeʹtt, koon mij vueʹrddep?» «Jiõm», Evvan vaʹsttii.

Evvan 11:27

«Ååskam, Šurr», Määrf vaʹsttii, «mon ååskam, što ton leäk Kristõs, Vuâsppååʹd Päʹrnn, koon pueʹttem lij maaiʹlme vuõrddum.»

Evvan 2:11

Tän vuõssmõs õõmâstuâjas Isõs tuejjii Galilea Kaanast da čõõđti čuõvvâdvuõđâs, da suu mättʼtõspäärna oskku suu.

Evvan 4:19

Neezzan cieʹlǩi suʹnne: «Šurr, mon vuäinam, što leäk profeʹtt.

Evvan 4:25

Neezzan cieʹlǩi: «Kâʹl mon teâđam, što Messias puätt — tõt koon cieʹlǩet Kristõssân — da son iʹlmmat miʹjjid puk.»

Evvan 4:42

Da sij cieʹlǩǩe neezzna: «Jeäʹp teäʹnab ååsk tuu saaǥǥi diõtt, ko mij jiijj leäʹp kuullâm da tieʹttep, što son tuõđi lij maaiʹlm kaʹjjeeja.»

Evvan 6:2

Suu viõǥǥte jiânnai oummu, kook leʹjje vuäinnam suu õõmâstuâjaid, ko son pueʹrii puõʒʒjid.

Evvan 6:26

Isõs vaʹsttii: «Tuõđi, tuõđi mon ceälkam tiʹjjid: tij jeäʹped ooʒʒ muu tõn diõtt, što leäʹped vuäinnam õõmâstuâjaid. Tij pueʹttveʹted muu mieʹldd tõn diõtt, ko vuäǯǯaid poorrâd kââllas.

Evvan 6:30

«Muʹvddem õõmâstuâj tuejjääk, što mij vuäinčep tuu?», sij kõʹčče. «Mâiʹd joordak tuejjeed?

Evvan 7:40

De jeärraz naroodâst, ko kuʹlle tän, cieʹlǩǩe sij: «Tät lij tuõđi profeʹtt.»