Evvan 3:17 - Skolt Koltta Gospel of John 1988

¹⁷ Ij Vuâsppåʹd vuõlttääm Pääʹrnes maaiʹlm suudâm diõtt, pâi tõn vääras, što maaiʹlm suu pääiʹǩ peälštõõvči.

Evvan 3:17 ပူးပေါင်းရင်းမြစ်များ

Evvan 1:29

Nuuʹbb peeiʹv Evvan vuõiʹni, što Isõs leäi pueʹttmen suu årra. Son cieʹlǩi: «Ǩiččâd, Vuâsppååʹd lääʹbbes, kååʹtt väldd meädda maaiʹlm rieʹǩǩ!

Evvan 10:36

mõõzz tij tâʹl ceäʹlǩǩveʹted tõõzz, koon Vuâsppåʹd lij pââʹzztam da vuõlttääm maaiʹlme: ’Ton viggtak Vuâsppååʹd’, tõn diõtt, što mon sarnnum: ’Mon leäm Vuâsppååʹd Päʹrnn’?

Evvan 11:42

Mon kâʹl teâđam, što ton kuulak muu, leša säärnam täi oummi diõtt, što sij ååskče, što ton leäk vuõlttääm muu.»

Evvan 17:18

Nuʹt mäʹhtt ton leäk vuõlttääm muu maaiʹlme, leäm mon še vuõlttääm siʹjjid maaiʹlme.

Evvan 17:21

Moʹlidvââstam, što seeʹst leʹčči kõskksaž õhttsažvuõtt, nuʹt mäʹhtt ton, Eʹčč, leäk muʹst da mon tuʹst. Moʹlidvââstam, što sij še leʹčče õõutsââʹjest muännain, što maaiʹlm ååskči, što ton leäk vuõlttääm muu.

Evvan 17:23

mon seeʹst, da ton muʹst, što sij leʹčče tuõđi õhtt. Nuʹt maaiʹlm fiʹttjeʹčči, što ton leäk vuõlttääm muu da räʹǩstam siʹjjid nuʹt še, mäʹhtt ton leäk räʹǩstam muu.

Evvan 17:25

Eʹčč, ton leäk vuõiggâdmiõllsaž. Maaiʹlm ij toobd tuu, leša mon toobdam, da täk muu jiõččan teäʹtte, što ton leäk vuõlttääm muu.

Evvan 17:3

Tõk, kook tåʹbdde tuu, õõut tuõđi Vuâsppååʹd, da Isõõzz Kristõõzz, koon vuõlttiiǩ, tõk jeäʹlle juʹn âʹǩǩpâjjsaž jieʹllem.

Evvan 17:8

Mon iʹlmmtam siʹjjid saaǥǥ, koon uʹvddiǩ muʹnne, da sij vaʹldde tõn vuâstta. Sij teäʹtte, što leäm tuõđi puättam tuu åʹrnn, da sij åskka, što ton leäk muu vuõlttääm.

Evvan 20:21

Isõs cieʹlǩi oʹđđest: «Rääuh tiʹjjid! Nuʹt še mäʹhtt Eʹčč lij vuõlttääm muu, vuõlttääm mon še tiʹjjid.»

Evvan 3:34

Son, koon Vuâsppåʹd lij vuõlttääm, särnn Vuâsppååʹd saaʹnid, ij-ǥa Vuâsppåʹd käʹccmõõđ uʹvdded Jiõggâs.

Evvan 5:36

Leša muʹst lij jijstan ravvsab tuõđštõs ko Evvnest. Tuâj, mâiʹd Eʹčč lij ouddam muʹnne tuejjeem diõtt, tuõđšte, što Eʹčč lij muu vuõlttääm.

Evvan 5:38

Suu sääʹn tij jeäʹped vääʹld vuâstta, ko tij jeäʹped ååsk suu, koon Eʹčč lij vuõlttääm.

Evvan 5:45

Jeäʹlled jurddu, što mon tiʹjjid viârtam Eeʹjj ooudâst. Tij viârteei lij Moʹssai, ǩeäzz leäʹped naʹddjõõttâm.

Evvan 6:29

«Vuâsppåʹd vuârdd, što tij åskkveʹted suu, koon Vuâsppåʹd lij vuõlttääm», Isõs vaʹsttii.

Evvan 6:38

Jiõm mon puättam ââʹlmest tuejjeed mâiʹd jiõčč täättam, pâi suu täätt, kååʹtt lij muu vuõlttääm.

Evvan 6:40

Eččam tätt, što jueʹǩǩkast, kååʹtt vuäinn Pääʹrn da åskk suu, lij âʹǩǩpâjjsaž jieʹllem, da mon coounam suu mââimõs peeiʹv.»

Evvan 6:57

Eʹčč, kååʹtt jeäll, lij muu vuõlttääm, da suʹst mon še leäm vuäǯǯam jieʹllem. Nuʹt še tõt, kååʹtt påårr muu, jeäll âʹǩǩpââjas.

Evvan 7:29

Mon toobdam suu, ko suʹst mon leäm. Son lij vuõlttääm muu.»

Evvan 8:11

«Ij ni ǩii, Šurr», neezzan vaʹsttii. De Isõs cieʹlǩi suʹnne: «Jiõm ni mon tuu suud. Mõõn, leša jeäʹl täʹst õõudâs rieʹǩǩ tuejjad.»

Evvan 8:42

Isõs vaʹsttii: «Jõs Vuâsppåʹd leʹčči tij Eʹččed, tij räʹǩsteʹččid muu, tõn diõtt ko mon leäm puättam Vuâsppååʹd åʹrnn. Jiõm mon leäkku puättam jiõččan täättast, leša son lij muu vuõlttääm.