Evvan 20:17 - Skolt Koltta Gospel of John 1988

¹⁷ Isõs cieʹlǩi: «Lueʹšt muu. Jiõm leäkku veâl mõõnnâm Eččan årra. Mõõn särnnad viilljään, što mõõnam Eččan da Vuâsppåådan, tij Eeʹjjed da tij Vuâsppååʹded årra.»

Evvan 20:17 ပူးပေါင်းရင်းမြစ်များ

Evvan 13:1

Leša ouddâl eʹjjpeeiʹv prääʹzneǩ Isõs tiõʹđi, što suu äiʹǧǧ leäi puättam da son mõõnči sõrgg tän maaiʹlmest Eeʹjjes årra. Son leäi räʹǩstam tõiʹd, kook maaiʹlmest leʹjje suu jiijjâs, da räʹǩsti siʹjjid loopp räjja.

Evvan 13:3

Da Isõs tiõʹđi, što son leäi vuäǯǯam puk vääʹld Eʹjstes. Son tiõʹđi, što leäi puättam Vuâsppååʹd åʹrnn, da tiõʹđi, što mâânn väʹst Vuâsppååʹd årra.

Evvan 14:2

Muu eeʹjj pääiʹǩest liâ mäŋgg jieʹllemsââʹj. Ko ij nuʹt leʹčče, ceälkčem-a mon tiʹjjid, što mon mõõnam valmšted tiʹjjid sââʹj?

Evvan 14:28

Tij kuulid, mâiʹd mon cieʹlǩǩem: ’Mon mõõnam meädda, leša puäđam mååusat årrseed’. Ko tij räʹǩsteʹččid muu, teeʹst leʹčči rämm tõʹst, što mon mõõnam Eččan årra, tõn diõtt, Eʹčč lij šoorab ko mon.

Evvan 14:6

Isõs vaʹsttii: «Mon leäm čuâǥǥas, tuõđšvuõtt da jieʹllem; jeeʹresnalla ij ni ǩii piâzz Eeʹjj årra.

Evvan 16:28

Mon vuõʹlǧǧem Eeʹjj åʹrnn da puõʹttem maaiʹlme. Ååʹn kuâđam maaiʹlm da mõõnam väʹst Eččan årra.»

Evvan 17:11

Ååʹn puäđam tuu luuzzad. Jiõm leäkku teäʹnab maaiʹlmest, leša sij liâ. Pââʹss Eʹčč, ton leäk iʹlmmtam muʹnne nõõmad viõǥǥ. Varjjâl siʹjjid täin viõǥǥinad, što sij leʹčče kõskkneez õhtt nuʹt mâʹte muäna še leäʹp õhtt.

Evvan 17:25

Eʹčč, ton leäk vuõiggâdmiõllsaž. Maaiʹlm ij toobd tuu, leša mon toobdam, da täk muu jiõččan teäʹtte, što ton leäk vuõlttääm muu.

Evvan 17:5

Eʹčč, kaagg ton ååʹn muu čuõvvâdvuõʹtte, uuʹd seämma ciist, mii muʹst leäi, ko leʹjjem tuu loonnad ouddâl maaiʹlm raajjmest.

Evvan 20:27

Da son cieʹlǩi Fooma: «Piij ååʹn suõrmad tääzz da ǩiõčč ǩiõđään da piij ǩiõđad jeärttsan. Jeäʹl leäkku pannååskast, naǥa ååsk.»

Evvan 7:33

Isõs cieʹlǩi: «Leäm veâl siõmmna ääiʹj tij luʹnn da tâʹl mõõnam suu årra, kååʹtt lij muu vuõlttääm.