Evvan 19:6 - Skolt Koltta Gospel of John 1988

⁶ Ko jõnnpaapp da ceerkavstaarâst vuõiʹnne Isõõzz, sij čuõʹrvvje: «Tääǥǥ riʹstte, tääǥǥ riʹstte!» Pilatõs cieʹlǩi siʹjjid: «Tääkkad jiijj. Mon jiõm leäkku kaunnâm suʹst ni mõõn veäʹr.»

Evvan 19:6 ပူးပေါင်းရင်းမြစ်များ

Evvan 18:3

Juudas pueʹđi muõrršâddpäikka, da suʹst leʹjje mieʹldd sääldatviõkk da jõnnpaappi ceerkavstaarâst da farisõõzzi päkldõõzz feânrivuiʹm da tuõssʼsivuiʹm da säiʹttsueʹbbivuiʹm.

Evvan 18:31

Pilatõs cieʹlǩi: «Viikkâd suu meädda da suudâd jiijj lääʹjjed mieʹldd.» Juudlažneeʹǩǩ vaʹsttee: «Meeʹst iʹlla lååʹpp ni ǩeän kåʹdded.»

Evvan 18:38

«Mii lij tuõđšvuõtt?», Pilatõs kõõjji. Ko tõn leäi ceälkkam, mõõni Pilatõs juudlažniiʹǩǩi årra da cieʹlǩi: «Mon jiõm kaaun suʹst ni mõõn vââʹjj, mõõn diõtt suu vuäitči suudâd.

Evvan 19:15

Juudlažneeʹǩǩ čuõʹrvvje: «Kååʹdd suu! Kååʹdd suu! Tääǥǥat riʹstte!» Pilatõs kõõjji: «Tij koonǥõõzz-ǥo mon tääǥǥteʹččem riʹstte?» Jõnnpaapp vaʹsttee: «Ij meeʹst leäkku koonǥõs, meeʹst lij caar!»

Evvan 19:4

Pilatõs mõõni eʹpet åålǥas da cieʹlǩi narooʹde: «Pooutam suu tiiʹǩ åålǥas tiʹjjid, što teâđčid, što mon jiõm kaaun ni õõut veäʹr, mõõn diõtt suu õõlǥi suudâd.»