Evvan 17:24 - Skolt Koltta Gospel of John 1988

²⁴ Eʹčč, ton leäk pâi åskkam siʹjjid huâđđsan. Täättam, što sij liâ muin õõutâst tåʹben, koʹst mon še leäm, da vuäiʹnne tõn čuõvvâdvuõđ, mõõn leäk muʹnne ouddam, ko räʹǩstiǩ muu juʹn ouʹddelgo raʹjjiǩ maaiʹlm.

Evvan 17:24 ပူးပေါင်းရင်းမြစ်များ

Evvan 1:14

Sääʹnn šõõddi ooumžen da jeälsti mij kõõskâst. Mij vuõiʹnim suu čuõvvâdvuõđ, koon Eʹčč leäi ouddam oʹdinakai Pärnnses. Son leäi tiudd äärm da tuõđšvuõđ.

Evvan 12:26

Jõs ǩii-ne haaʹlad muu sluužâd, puäđas muu mieʹldd, što kääzzkam leʹčči tåʹben koʹst mon leäm. Muu Eččam ciʹsttai tõn, kååʹtt sloož muu.

Evvan 14:3

Håʹt mon mõõnam valmšted tiʹjjid sââʹj, puäđam mon väʹst da vääldam tiʹjjid årrsan, što tij še leʹččid tåʹben, koʹst mon leäm.

Evvan 15:9

Nuʹt mäʹhtt Eʹčč lij räʹǩstam muu, nuʹt mon še leäm räʹǩstam tiʹjjid; põõššâd muu räʹǩsvuõđstan.

Evvan 17:2

Ton uʹvddiǩ puk oummid suu vääʹld vuâlla, što son ooudči âʹǩǩpâjjsaž jieʹllem pukid tõiʹd, koiʹd leäk suu huõđđu åskkam.

Evvan 17:22

Mon leäm ouddam siʹjjid seämma čuõvvâdvuõđ, mõõn ton uʹvddiǩ muʹnne, što sij leʹčče seämmanalla õhtt, mäʹhtt muäna leäʹp:

Evvan 17:5

Eʹčč, kaagg ton ååʹn muu čuõvvâdvuõʹtte, uuʹd seämma ciist, mii muʹst leäi, ko leʹjjem tuu loonnad ouddâl maaiʹlm raajjmest.

Evvan 6:37

Jueʹǩǩkaž, koon Eččam muʹnne oudd, puätt muu årrsan, jiõm-ǥa jåårǥlââʹtt meädda ni ǩeän, kååʹtt årrsan puätt.

Evvan 6:39

Son tätt, što jiõm mõõnteʹčče ni õõut tõiʹn, koiʹd son lij muʹnne ouddam, pâi coounčem siʹjjid mââimõs peeiʹv.

Evvan 8:58

Isõs cieʹlǩi siʹjjid: «Tuõđi, tuõđi mon ceälkam tiʹjjid: ouʹddelgo Aabraham šõõddi, mon leäm leämmaž.»