Evvan 16:19 - Skolt Koltta Gospel of John 1988

¹⁹ Isõs tiõʹđi, što sij haaʹlee kõõččâd tõn suʹst, da cieʹlǩi: «Tõn-ǥo tij smiõttveʹted kõskkneed, ko mon cieʹlǩǩem: ’Siõmmna ääiʹj ǩeeʹjjest tij jeäʹped teäʹnab vueiʹn muu, leša eʹpet siõmmna ääiʹj ǩeeʹjjest vuäǯǯveʹted vueiʹnned muu’?

Evvan 16:19 ပူးပေါင်းရင်းမြစ်များ

Evvan 13:33

Rääʹǩǩes päärna, leäm tijvuiʹm veâl siõmmna ääiʹj. Tij ooccveʹted muu, leša ceälkam tiʹjjid seämmanalla ko juudlažniiʹǩǩid: tij jeäʹped vueiʹt pueʹtted tåk, koozz mon mõõnam.

Evvan 14:19

Siõmmna ääiʹj ǩeeʹjjest maaiʹlm ij teäʹnab vueiʹn muu, leša tij vueiʹnnveʹted. Ko mon jeälam, tij še vuäǯǯveʹted jieʹlled.

Evvan 16:16

Siõmmna ääiʹj ǩeeʹjjest tij jeäʹped teäʹnab vueiʹn muu. Leša eʹpet siõmmna ääiʹj ǩeeʹjjest vuäǯǯveʹted vueiʹnned muu.»

Evvan 16:18

Mii lij siõmmna ääiʹj ǩeeʹjjest? Jeäʹp fiʹtte, mâiʹd son särnn!»

Evvan 16:23

Tõn peeiʹv tij jeäʹped teäʹnab kõõjj ni mâiʹd. Tuõđi, tuõđi mon ceälkam tiʹjjid: ko tij äännveʹted Eeʹjj mâiʹd-ne muu nõõm diõtt, son oudd tõn tiʹjjid.

Evvan 16:26

Tõn peeiʹv tij moʹlidvâʹsttveʹted suu muu nõmstan. Jiõm mon cieʹlǩ, što mon moʹlidvââstam Eeʹjj tij peäʹlest.

Evvan 16:30

Ååʹn mij fiʹttjep, što ton teâđak puk. Ton teâđak juʹn ooudbeäʹlnn, mâiʹd oummu vuäitče tuʹst kõõččâd. Tõn diõtt mij åskkap, što leäk puättam Vuâsppååʹd åʹrnn.»

Evvan 21:17

Son kõõjji veâl kuälmad vuâra: «Semman, Evvan âʹlǧǧ, räʹǩstak-a muu?» Tâʹl Pietar samai täärmtõõvi, ko Isõs kuälmad vuâra kõõjji seämmanalla. «Šurr», son cieʹlǩi, «ton teâđak puk da tõn še, što mon räʹǩstam tuu.» Isõs cieʹlǩi: «Poorât muu saauʒään.

Evvan 6:61

Isõs tiõʹđi, što mättʼtõspäärna päʹnnee suu mainnâz diõtt, da kõõjji: «Čuõʒʒat-a tät tiʹjjid?

Evvan 7:33

Isõs cieʹlǩi: «Leäm veâl siõmmna ääiʹj tij luʹnn da tâʹl mõõnam suu årra, kååʹtt lij muu vuõlttääm.