Evvan 15:10 - Skolt Koltta Gospel of John 1988

¹⁰ Tij ko jäkktõõllveʹted muu päkkmuužžään, tij põõššveʹted muu räʹǩsvuõđstan, nuʹt mäʹhtt mon leäm jäkktõõllâm Eččan päkkmuužžid da põõžžam suu räʹǩsvuõđstes.

Evvan 15:10 ပူးပေါင်းရင်းမြစ်များ

Evvan 10:18

Ij ni ǩii tõn vääʹld, leša mon ooudam tõn jijstan. Muʹst lij väʹldd uʹvdded tõn, da muʹst lij väʹldd väʹldded tõn väʹst; tõn päkkmuužž mon leäm vuäǯǯam eʹjstan.»

Evvan 12:49

Jiõm mon leäkku mainstam jijstan, leša Eʹčč, kååʹtt lij muu vuõlttääm, lij jiõčč mieʹrrääm, mâiʹd mon mainstam.

Evvan 14:15

«Ko tij räʹǩsteʹped muu, tij jäkktõõllveʹted muu päkkmuužžään.

Evvan 14:21

Tõt, kååʹtt jäkktââll muu päkkmuužžään, rääʹǩǩast muu. Muu Eʹčč rääʹǩǩast tõn, kååʹtt rääʹǩǩast muu. Mon še räʹǩstam suu da iʹlmmtam jiõččan suʹnne.»

Evvan 14:23

Isõs vaʹsttii da cieʹlǩi suʹnne: «Kååʹtt-ne ko rääʹǩǩast muu, son jäkktââll saaʹnään. Muu Eččam rääʹǩǩast suu, da Eʹčč da mon pueʹttep suu årrses da jeälstep suu åʹrnn.

Evvan 14:31

Leša maaiʹlm âlgg vuäǯǯad tieʹtted, što mon räʹǩstam Eeʹjj da tuejjääm nuʹt, mäʹhtt son lij päkkam. Kaggõõttâd, vueʹlǧǧep tääiʹben.»

Evvan 17:4

Mon leäm čuäʹjtam tuu čuõvvõõzzad määdd âʹlnn; leäm teuddam tuâj, koon uʹvddiǩ muʹnne.

Evvan 4:34

Isõs cieʹlǩi siʹjjid: «Muu porrmõššam lij tõt, što mon tuejjääm, mâiʹd vuõltteejam tätt, da teâudam tõn tuâj, koon son lij alttääm.

Evvan 8:29

Son, ǩii lij muu vuõlttääm, lij muiʹn; son iʹlla kuâđđam muu õhttu, ko mon pâi tuejjääm tõn, mii lij suʹnne miõl mieʹldd.»

Evvan 8:55

jeäʹped-ǥa toobd suu; leša mon toobdam suu. Da jõs mon ceälkčem, što jiõm toobd suu, leʹččem mon seämmanallšem ǩeeʹles, mâʹte tij leäʹped; leša mon toobdam suu da ååskam suu sääʹn.