Evvan 14:6 - Skolt Koltta Gospel of John 1988

⁶ Isõs vaʹsttii: «Mon leäm čuâǥǥas, tuõđšvuõtt da jieʹllem; jeeʹresnalla ij ni ǩii piâzz Eeʹjj årra.

Evvan 14:6 ပူးပေါင်းရင်းမြစ်များ

Evvan 1:14

Sääʹnn šõõddi ooumžen da jeälsti mij kõõskâst. Mij vuõiʹnim suu čuõvvâdvuõđ, koon Eʹčč leäi ouddam oʹdinakai Pärnnses. Son leäi tiudd äärm da tuõđšvuõđ.

Evvan 1:17

Vuâsppåʹd uuʹdi Moʹssai pääiʹǩ lääʹjj, leša äärm da tuõđšvuõđ puuʹti Isõs Kristõs.

Evvan 1:4

Suʹst leäi jieʹllem da jieʹllem leäi oummui čuõvv.

Evvan 10:28

Da mon ooudam âʹǩǩpâjjsaž jieʹllem. Sij jiâ jääʹm ni kuäʹss.

Evvan 10:7

Nuʹt Isõs veâl cieʹlǩi siʹjjid: «Tuõđi, tuõđi mon ceälkam tiʹjjid: mon leäm saauʒi uhss.

Evvan 10:9

Mon leäm uhss. Tõt, kååʹtt mâânn sizz muu pääiʹǩ, son kaʹjjââvv. Son vuäitt mõõnnâd da pueʹtted sizz da son käunn ǩeeʹdd.

Evvan 14:19

Siõmmna ääiʹj ǩeeʹjjest maaiʹlm ij teäʹnab vueiʹn muu, leša tij vueiʹnnveʹted. Ko mon jeälam, tij še vuäǯǯveʹted jieʹlled.

Evvan 15:1

«Mon leäm tuõđi vijnnmuõrr, da Eččam lij muõrršõddeeja.

Evvan 18:37

Tâʹl Pilatõs kõõjji: «Ton šât tâʹl leäk kâʹl koonǥõs?» Isõs vaʹsttii: «Jiõčč âiʹdde cieʹlǩǩiǩ muu koonǥõssân. Mon šõʹddem da puõʹttem maaiʹlme tuõđšvuõđ peäʹlest mainstem diõtt. Jueʹǩǩkaž, kååʹtt lij tuõđšvuõđâst, kooll muu jiõnnan.»

Evvan 5:21

Seämmanalla ko Eʹčč cåunn jaaʹmjid da rääjj jieʹllʼjen, de nuʹt še Päʹrnn rääjj jieʹllʼjen, ǩeäiʹd son tätt.

Evvan 6:33

Vuâsppååʹd leiʹbb lij son, kååʹtt puätt vuâlas ââʹlmest da oudd maaiʹlme jieʹllem.»

Evvan 6:51

Mon leäm ââʹlmest puättam jieʹllem leiʹbb. Tõt, kååʹtt påårr tän leiʹbb, jeäll âʹǩǩpââjas. Jieʹllem leiʹbb, koon mon ooudam, lij muu råʹpp. Mon ooudam tõn, što maaiʹlm vuäǯǯči jieʹlled.»

Evvan 6:57

Eʹčč, kååʹtt jeäll, lij muu vuõlttääm, da suʹst mon še leäm vuäǯǯam jieʹllem. Nuʹt še tõt, kååʹtt påårr muu, jeäll âʹǩǩpââjas.

Evvan 6:68

Semman Pietar vaʹsttii suʹnne: «Šurr, ǩeän årra mij vuäitčep mõõnnâd? Tuʹst liâ âʹǩǩpâjjsaž jieʹllem sääʹn.

Evvan 8:32

Tâʹl tij mättjeʹped tobddâd tuõđšvuõđ, tuõđšvuõtt rääjj tiʹjjid luõvâs.»

Evvan 8:51

Tuõđi, tuõđi mon ceälkam tiʹjjid: kååʹtt åskk muu saaʹnään, son ij jääʹm ni kuäʹss.»