Evvan 14:24 - Skolt Koltta Gospel of John 1988

²⁴ Kååʹtt ij rääʹǩǩest muu, ij jäkktõõl saaʹnään. Tät iʹlla jiõččan mainstumuš, pâi Eeʹjj, kååʹtt lij muu vuõlttääm.

Evvan 14:24 ပူးပေါင်းရင်းမြစ်များ

Evvan 14:10

Jiõk-a ton ååsk, što mon leäm Eeʹjjest da Eʹčč lij muʹst? Jiõm mon maainâst jiõččan jurddjään, leša Eʹčč lij muʹst da reâugg muu pääiʹǩ.

Evvan 14:15

«Ko tij räʹǩsteʹped muu, tij jäkktõõllveʹted muu päkkmuužžään.

Evvan 14:25

Leäm mainstam tän tiʹjjid ååʹn, ko veâl leäm tijvuiʹm õõutsââʹjest.

Evvan 3:11

Tuõđi, tuõđi mon ceälkam tuʹnne: mij mainstep tõn, mõõn tieʹttep, da tuõđštep tõn, mõõn leäʹp vuäinnam, leša tij jeäʹped priim mij tuõđštõõzzeen.

Evvan 3:34

Son, koon Vuâsppåʹd lij vuõlttääm, särnn Vuâsppååʹd saaʹnid, ij-ǥa Vuâsppåʹd käʹccmõõđ uʹvdded Jiõggâs.

Evvan 5:19

De Isõs vaʹsttii da cieʹlǩi siʹjjid: «Mon ceälkam tiʹjjid, što Päʹrnn ij vueiʹt ni mâiʹd tuejjeed jiijjâs täättast, pâi tõn, mõõn son vuäinn, što mâiʹd Eʹččes tuejjad. Mâiʹd Eʹččes tuejjad, tõn Päʹrnn še tuejjad.

Evvan 5:38

Suu sääʹn tij jeäʹped vääʹld vuâstta, ko tij jeäʹped ååsk suu, koon Eʹčč lij vuõlttääm.

Evvan 7:16

Isõs vaʹsttii siʹjjid da cieʹlǩi: «Muu mättʼtõõzz jiâ leäkku muu, a suu, kååʹtt lij muu vuõlttääm.

Evvan 7:28

De Isõs säärnai ceerkvest da čuârvai kõrr jiõʹnne: «Tij tobddveʹted muu da tieʹttveʹted, koʹst mon leäm puättam. Leša mon jiõm leäkku puättam jiõččan täättast, a tõt ǩii lij muu vuõlttääm, lij vuõigg vuõltteeja, da suu tij jeäʹped toobd.

Evvan 8:26

Muʹst leʹčči jiânnai teeʹst mainstemnalla da vuäitčem suudâd tiʹjjid; leša son, kååʹtt lij muu vuõlttääm, lij tuõtt, da mon teâđtam maaiʹlme tõn, mâiʹd leäm kuullâm suʹst.»

Evvan 8:28

Isõs cieʹlǩi siʹjjid: «Ko ââʹleʹped Oummu Pääʹrn, mättjeʹped tieʹtted, što mon leäm tõt, ǩii mon leäm. Mon jiõm tuejjad ni mâiʹd jiõččan täättast, a säärnam, mâiʹd Eččam lij muʹnne mättʼtam.

Evvan 8:38

Mon mainstam tiʹjjid, mâiʹd leäm vuäinnam Eččan åʹrnn. Tij še tuejjeʹped tõn, mâiʹd tij leäʹped kuullâm eʹjsteed.»

Evvan 8:42

Isõs vaʹsttii: «Jõs Vuâsppåʹd leʹčči tij Eʹččed, tij räʹǩsteʹččid muu, tõn diõtt ko mon leäm puättam Vuâsppååʹd åʹrnn. Jiõm mon leäkku puättam jiõččan täättast, leša son lij muu vuõlttääm.