Evvan 14:12 - Skolt Koltta Gospel of John 1988

¹² Tuõđi, tuõđi mon ceälkam tiʹjjid: kååʹtt åskk muu, son pâstt tuõđi tuejjeed tõn, mõõn mon še, da jeäʹnab veâl, tõn diõtt ko mon mõõnam väʹst Eččan årra.

Evvan 14:12 ပူးပေါင်းရင်းမြစ်များ

Evvan 14:28

Tij kuulid, mâiʹd mon cieʹlǩǩem: ’Mon mõõnam meädda, leša puäđam mååusat årrseed’. Ko tij räʹǩsteʹččid muu, teeʹst leʹčči rämm tõʹst, što mon mõõnam Eččan årra, tõn diõtt, Eʹčč lij šoorab ko mon.

Evvan 16:7

Mon säärnam tiʹjjid tuõđšvuõđ: tiʹjjid lij pueʹrab, što mon mõõnam meädda. Jõs mon jiõm mõõn, ij Vieʹǩǩteeja puäʹđ årrseed. Ko mon leäm mõõnnâm, vuõlttääm suu tij årra.

Evvan 4:37

Tät sääʹnn lij tuõtt: nuʹbb kâlvv leša nuʹbb čuâpp.

Evvan 5:20

Eʹčč rääʹǩǩast Pääʹrn da čuäʹjat suʹnne puk, mâiʹd son jiõčč tuejjad. Son čuäʹjat Pärnnses veâl šoorbid tuâjaid, koiʹd tij vuäǯǯveʹted õõmtõõššâd.

Evvan 7:33

Isõs cieʹlǩi: «Leäm veâl siõmmna ääiʹj tij luʹnn da tâʹl mõõnam suu årra, kååʹtt lij muu vuõlttääm.

Evvan 7:39

Leša son õõlǥti Jiõgg, koon tõk, kook suu oskku, mâŋŋa vuäǯǯče. Tõn ääiʹjest Jiõgg iʹlleäm veâl uvddum, ko Isõs iʹlleäm veâl mõõnnâm suu čuõvvâdvuõʹtte.