Evvan 12:42 - Skolt Koltta Gospel of John 1988

⁴² Tõn diõtt še määŋgas juudlaž vueiʹvvoummu oskku Isõʹsse, leša farisõõzzi diõtt sij jiâ tuõsttâm tobdsted, ko siʹjjid leʹčče rätkkam ceerkvest.

Evvan 12:42 ပူးပေါင်းရင်းမြစ်များ

Evvan 11:45

Määŋgas juudlažniiʹǩǩin, kook leʹjje puättam Määʹrj årra da vuõiʹnne, mâiʹd Isõs tuejjii, oskku suu.

Evvan 12:11

tõn diõtt ko määŋgas juudlažneeʹǩǩ suu diõtt mõʹnne Isõõzz peälla da oskku suu.

Evvan 16:2

Juudlažneeʹǩǩ räʹtǩǩee tiʹjjid ceerkavkååʹddest. Da puätt veâl äiʹǧǧ, kuäʹss kååʹtt-ne kådd ǩeän-ne teeʹst da jordd, što sloož Vuâsppååʹd.

Evvan 19:38

Mâŋŋa tõʹst Jooʹsef, arimatianeǩ, kõõjji Pilatõõzzâst lååʹv väʹldded Isõõzz rååʹpp vuâlas riistâst. Son še leäi Isõõzz mättʼtõspäärnaž, håʹt peittast, tõn diõtt ko son põõli juudlažniiʹǩǩin. Pilatõs uuʹdi lååʹv, da Jooʹsef mõõni väʹldded Isõõzz rååʹpp riistâst.

Evvan 3:2

pueʹđi måtam iinn Isõõzz årra da cieʹlǩi: «Rabbi, mij tieʹttep, što Vuâsppåʹd lij tuejjääm tuu uʹčteeʹlen. Ij ni ǩii pââʹst tuejjeed nåkam õõmâstuâjaid mâʹte ton, iʹlleʹžže Vuâsppåʹd suin õõutsââʹjest.»

Evvan 7:13

Leša ni ǩii ij tuõsttâm mainsted suʹst õlmmsa, ko sij põʹlle juudlažniiʹǩǩin.

Evvan 7:31

Narood kõõskâst määŋgas oskku suu da kõõjjee: «Tuejjad-a ni Kristõs tän õõmâstuâjaid, tâʹl ko son puätt?»

Evvan 9:22

Nääiʹt suäna cieʹlǩǩe, ko suäna põʹlle juudlažniiʹǩǩin. Ko juudlažneeʹǩǩ leʹjje suåppâm kõskkneez, što tõt, ǩii ååskai suu Isõssân Kristõssân, õõlǥi räʹtǩǩeed ceerkvest.

Evvan 9:34

Farisõõzz vaʹsttee suʹnne da cieʹlǩǩe: «Ton leäk rieʹǩǩest šõddâm ooumaž. Ton-ǥo täʹst äälǥčiǩ miʹjjid mättʼted?» Da sij vuâjte suu åålǥas.