Evvan 12:17 - Skolt Koltta Gospel of John 1988

¹⁷ Tõk, kook leʹjje leämmaž Isõõzz mieʹldd, mainste, mäʹhtt son leäi kåččam Lasarõõzz ääuʹdest da counnâm suu jaaʹmmjest, da tuõđšte suʹst.

Evvan 12:17 ပူးပေါင်းရင်းမြစ်များ

Evvan 1:19

Da tät lij Evvan tuõđštõs, ko juudlažneeʹǩǩ vuõlttee Jerusaaʹlmest paappid da leeʹvilaid Evvan årra kõõččâd, ǩii son tuõđi leäi.

Evvan 1:32

Evvan tuõđšti: «Mon vuõiʹnnem Jiõgg luâšttõõttâm ââʹlmest vuâlas mâʹte låådda da pääʹccem suu oolâs.

Evvan 1:34

Mon vuõiʹnnem tõn da tuõđštam, što tät lij Vuâsppååʹd Päʹrnn.»

Evvan 11:31

Ko juudlažneeʹǩǩ, kook leʹjje põõrtâst lâʹddmen Määʹrj, vuõiʹnne suu sõrgg kaggõõttâm da vueʹlǧǧem åålǥas, da sij mõʹnne suu mieʹldd da juʹrdde, što Mäʹrjj mõõni ääuʹd årra reäkkad.

Evvan 11:42

Mon kâʹl teâđam, što ton kuulak muu, leša säärnam täi oummi diõtt, što sij ååskče, što ton leäk vuõlttääm muu.»

Evvan 12:9

Jõnn joukk juudlažneeʹǩǩ kuʹlle, što Isõs leäi Betaniast. De sij puõʹtte tåk, jiâ pâi Isõõzz diõtt, leša še Lasarõõzz diõtt, koon Isõs leäi counnâm jaaʹmmjest.

Evvan 19:35

Tän lij mainstam son, kååʹtt lij tõn vuäinnam, da suu tuõđštõs lij raavâs. Son teâtt, što maainast tuõđ, nuʹt što tij še ååskčid.

Evvan 21:24

Son lij tõt mättʼtõspäärnaž, kååʹtt tuõđašt täʹst da lij ǩeeʹrjtam tän puk. Mij tieʹttep, što suu tuõđštõssʼses vuäitt naʹddjõõttâd.