Evvan 11:28 - Skolt Koltta Gospel of John 1988

²⁸ Tän ko leäi ceälkkam, Määrf mõõni väʹst da kååččai sueʹleld vueʹbbes da cieʹlǩi: «Uʹčteeʹl lij tääiʹben da kåčč tuu.»

Evvan 11:28 ပူးပေါင်းရင်းမြစ်များ

Evvan 1:41

Son kaauni vuõššân viilljõs Semman da cieʹlǩi suʹnne: «Mij leäʹp kaunnâm Messiaazz», tõt lij jåårǥlââʹtteel: Kristõs.

Evvan 1:45

Iʹllep vuõiʹni Natanael da cieʹlǩi suʹnne: «Mij leäʹp kaunnâm suu, ǩeäʹst Moʹssai lääʹjjest da profeeʹtt liâ ǩeeʹrjtam, son lij Isõs Jooʹsef âʹlǧǧ Nasareeʹttest.»

Evvan 10:3

Suʹnne vahtt ääʹvad uus, da suu jiõn saauʒ tåʹbdde. Son čuârvv jiijjâs saauʒees nõõm mieʹldd da veekk tõiʹd åålǥas.

Evvan 11:20

Määrf ko kuuli, što Isõs leäi pueʹttmen, mõõni son suu vuâstta, leša Mäʹrjj kuâđđji domoi.

Evvan 11:29

Ko Mäʹrjj kuuli tõn, võʹllʼji son sõõrǥab da mõõni Isõõzz årra.

Evvan 11:30

Leša Isõs iʹlleäm veâl puättam siʹjdde, leša leäi leämmaž tõn pääiʹǩest, koʹst Määrf leäi suu vuäinnam.

Evvan 13:13

Tij ceäʹlǩǩveʹted muu uʹčteeʹlen da Šurrân. Tuõđ ceäʹlǩǩveʹted, tõt mon leäm.

Evvan 20:16

Isõs cieʹlǩi: «Mäʹrjj!» Mäʹrjj jåårǥli da cieʹlǩi: «Rabbuuni!». Hebreaǩiõʹlle tõt šâdd: uʹčteeʹl.

Evvan 21:7

Tâʹl tõt mättʼtõspäärnaž, koon Isõs räʹǩsti, cieʹlki Pietara: «Tõt lij Šurr!» Ko Pietar kuuli, što tõt leäi Šurr, son nââʹǩǩti pihttsees oolâs, tõn diõtt ko son leäi peâutää, da njuiʹǩǩii jäurra.