Evvan 10:18 - Skolt Koltta Gospel of John 1988

¹⁸ Ij ni ǩii tõn vääʹld, leša mon ooudam tõn jijstan. Muʹst lij väʹldd uʹvdded tõn, da muʹst lij väʹldd väʹldded tõn väʹst; tõn päkkmuužž mon leäm vuäǯǯam eʹjstan.»

Evvan 10:18 ပူးပေါင်းရင်းမြစ်များ

Evvan 10:11

Mon leäm tõt šiõǥǥ peâmmai. Šiõǥǥ peâmmai oudd jiõggâs saauʒees ooudâst.

Evvan 10:15

Nuʹt mäʹhtt Eʹčč tåbdd muu, toobdam mon Eččan; da mon ooudam jiõggan saauʒi ooudâst.

Evvan 10:17

Tõn diõtt Eʹčč rääʹǩǩast muu, ko leäm vaalmâš uʹvdded jiõggan, što vuäǯǯčem tõn väʹst.

Evvan 14:31

Leša maaiʹlm âlgg vuäǯǯad tieʹtted, što mon räʹǩstam Eeʹjj da tuejjääm nuʹt, mäʹhtt son lij päkkam. Kaggõõttâd, vueʹlǧǧep tääiʹben.»

Evvan 15:10

Tij ko jäkktõõllveʹted muu päkkmuužžään, tij põõššveʹted muu räʹǩsvuõđstan, nuʹt mäʹhtt mon leäm jäkktõõllâm Eččan päkkmuužžid da põõžžam suu räʹǩsvuõđstes.

Evvan 19:11

Isõs vaʹsttii: «Tuʹst iʹlleʹčče ni mii vaaʹldid muu ool, iʹlleʹjje Vuâsppåʹd tõn tuʹnne ouddam. Tõn diõtt muu ploottjeeja lij šoorab reäkksaž ko ton.»

Evvan 5:26

Eʹčč lij ouddam Pärnna seämma jieʹllemuʹvddi viõǥǥ, mii suʹst jijstes lij.

Evvan 5:30

Jiõm mon vueiʹt tuejjeed ni mâiʹd jiõččan täättast. Mon suudam tõn mieʹldd, mäʹhtt Eččam ceälkk. Tõk liâ vuõiggâd, ko mon jiõm tuejjad jiõččan täätt mieʹldd, pâi suu täätt mieʹldd, kååʹtt lij muu vuõlttääm.

Evvan 6:38

Jiõm mon puättam ââʹlmest tuejjeed mâiʹd jiõčč täättam, pâi suu täätt, kååʹtt lij muu vuõlttääm.