YA-SFADOCI MRKV 8:2 - Hini Uwasi-u-Biadrcimowa 1929

² Cah ni bonvmv-wrki gitaminrqala-dewa nihki mahsa-lagiki, xvga mosvtvwi ni wejema-goki uwa nfwi gesqa, macimi mvtv-wiahi u bonr-nrwv wvh meci-wrci :

YA-SFADOCI MRKV 8:2 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 14:14

Chena biaci wapfa inv, macimi u nawvhi maci mahsa-lalici, chena u gitaminr-qala-mvhi, chena u gegahtv-wvhi ut vhqiluga-milici.

HINI UWASI-BIADRCIMOWA ya-sfadoci MAFIYO 20:34

Chena Jesise, bami gitaminrqa-lamrci, u tah pahsanvmv-wvhi u sgesaku-wilici; macimi walanv nihki utfaku-nrwv u tapinvmowa-nwv, chena u nakv-lakuhi.

HINI UWASI-BIADRCIMOWA ya-sfadoci MAFIYO 9:36

Pvyaqv iah na-wrci nihi mahsa-lalici, u gitaminrqa-lamvhi nihi, xvga qelvhsi tahaki nihki chena lfwasgrki, brsi magefvki bur pami bonrcki gahcitv-wvhaku-wrci.

YA-SFADOCI MRKV 1:41

Chena pami mrci taha gitaminrqa-ladewa, mrsi jegin-galwv, chena u pahsa-nrli, chena Heni yasi tahaiv; fvfvyrgho-fulu u talrli.

YA-SFADOCI MRKV 5:19

Chena mvtv welrni u talala-mrli, wakv, Nhrla ya-drivni wegiwv gih grnvki, macimi wetvmvwi yasi msrgi wiahi inv Dabalamiwatv mviah-ci panv-lahgi, chena yasi bonvmo-lahgi gitaminrqa-ladewa, u talrli nili.

YA-SFADOCI MRKV 6:32

Chena nihki wapfaki ini ulvga-lagi nrnsihkv lr pvpsqvhgi tvsi haki.

YA-SFADOCI MRKV 6:34

Chena biaci wapfa welv, macimi u nawvhi maci mahsa-lalici, chena u gitaminrqa-lamvhi, xvga nihki brsi magefvki buryr bonrcki gahcitvwv-haku-wrci ilafeki : macimi ut vlami kvgah-gimvhi maci Vciahi.

YA-SFADOCI MRKV 8:3

chena qahqi vlikv laskvwvga yadr-wrci sqrlvwa-wrta, Irqv wa hvla magihku-feki; macimi nrlatv paluwi uci biaki u talvhi.

YA-SFADOCI MRKV 9:22

Chena mosvgi lrqv nili u tv ipvgila-goli ini skudagi macimi ini napigi, wvhsi mvci-ludr-kuci weiv : pvyaqv gelv kvtvwi wiahi si-wevna, bonvmvwi-nrga gitaminrqa-ladewa macimi nrtvmvwi-nrga, u tagoli.

YASFADOCI LOKU 15:20

Chena pvfaqi, macimi u bialutv-wrli u fvli. Pvyaqv iahaiahi gawvgi paluwihi vpici, u nvugoli u fvli, chena mrci-tahali gitaminrqa-ladewa, macimi mamaqeli, chena u qakvkv-nagi sfali, macimi u pvckvmagoli.

YASFADOCI LOKU 7:13

Macimi inv Dabalamiwatv iah nawrci nili iqali, u bonvmv-wrli gitaminrqa-ladewa, macimi Tagi wihfvqalu, u talrli.