YA-SFADOCI MRKV 10:2 - Hini Uwasi-u-Biadrcimowa 1929

² Chena ’n’tvsi utfa-kuhi Palasihi, macimi u nvtuhdr-kuhi, Hv mvyrwvtwi ini kutaladewa-nagi ilani wvhsi pvgilrci wewvli? u takuhi, hu kucihgr-kuhi.

YA-SFADOCI MRKV 10:2 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 15:12

Hina uwa biaki nihki kvgahgimrfvki, macimi, Hv gi wr-kutv yasi nihki Palaseki gisfofuwrci, iah notvmu-wrci yomv iyo-wa? u talr-wrli.

HINI UWASI-BIADRCIMOWA ya-sfadoci MAFIYO 16:1

Chena nihki Palaseki chena Satuseki biaki, macimi u pami wesv kutvh-kuwrlr-wrli u kucimr-wrli wvhsi wrpv-talaku-wrci gigi-nolowa wafapvh-kvmigigi uci.

HINI UWASI-BIADRCIMOWA ya-sfadoci MAFIYO 19:3

Chena ’n’tvsi utfa-kuhi Palasihi, u pami kutvhkuwr-lakuhi, Hv ini mvyrwvtwi kutaladewa-nagi wvhsi ilani pgah-whrci wewv-li jrgi wiahi uci? u takuhi.

HINI UWASI-BIADRCIMOWA ya-sfadoci MAFIYO 22:35

Chena nakuti nihki, lviv, u nvtuhtv-wrli nvtuhdwrdewa, u pami kutvhkuwr-lrli :

HINI UWASI-BIADRCIMOWA ya-sfadoci MAFIYO 23:13

Pvyaqv ki mvci-labwrwa-nipwv cahi gelvwv, yr-ivwigacki chena Palaseki, naluhci-lvwi-wahfeki ! xvga gelvwv ki giphv-mvwr-wrki ilaneki ini wafapvh-kvmigigi ugimrwi-drmqa : mfahgrci mvtv ki becfrpwv gelvwv, mvtv-nuhgi welrni ki tala-lamr-wrki nihki bami uttvgiki wvhsi becfr-wrci.

HINI UWASI-BIADRCIMOWA ya-sfadoci MAFIYO 9:34

Pvyaqv nihki Palaseki, Nili ugimr-osrkvn-wrli nihki wvninah-feki uci kvtvwi luhfa-pvgi-lvhi wvninab-fihi, iwvki.

YA-SFADOCI MRKV 10:1

Chena ini uci pvfaqi, macimi ini sqriv Cudia si biawv ini Jrtane vlikv : macimi nuhgi u biaci mrwvdwa-ludr-kuhi mahsa-lalici; chena, yr-silvweci galv, nuhgi u kvgahgi-mvhi nihi.

YA-SFADOCI MRKV 10:3

Chena rpvfsa macimi Nahiwa gi tapima-kuwv Mosise? u talvhi.

YA-SFADOCI MRKV 8:11

Chena nihki Palaseki biaki, macimi ut vlami nvtuhtvwr-wrli, u pami nvtunahv-mvwr-wrli wafapvh-kvmigigi uci gigino-lowa, u pami kutvhkuwr-lrwrli.

YA-SFADOCI MRKV 8:15

Chena u tapinvlaqi-mvhi, Gcitvwr-feku mvhgani ini unvlascikv-nwv nihki Palaseki chena ini unvlascikv Halade, isiwa.

YASFADOCI LOKU 11:39

Macimi inv Dabalamiwatv, Huwa gelvwv nihki Palaseki ki fvfvyrghrwv ini frgici wiyatvhqa inv taphikv chena ini saswilrkv; wakv Irmagi laghi gelvwv uqihfanwi seqidowafewa macimi wvnrtafewa, u talrli nili.

YASFADOCI LOKU 16:14

Macimi nihki Palaseki, ivhqalatvgiki muni, nodrgaki jrivhki yolumv wiahi; chena u wrpvlrci-mrwrli nili.

YASFADOCI LOKU 5:30

Chena nihki Palaseki macimi ud awigam-wvhi u pagihkvwr-wvhi u kvgahgimrfhi, Goeiwa gelvwv ki wihpumr-wrki macimi ki wedrpuwamr-wrki nihki daxewi-mrwvtunigah-feki macimi ma-jelaficki? isiwaki.

YASFADOCI LOKU 6:7

Macimi nihki yr-ivwigacki chena nihki Palaseki u gcitv-wrpvmr-wrli nili, qahqi tuga inv wih gegahiwa ini tv hvlwrkvsiwigi; wvhsi manvwvhga mkvmu-wrci wvhsi masdrwimr-wrci nili.

YASFADOCI LOKU 7:30

Wakv nihki Pa-laseki macimi nihki lvivki welvwv si ud rlvwinr-nrwv ini u kv-gahgimowa Mvnatu, dawvhi mvtv u fvfvhqi-ulalhaku-wrli nili.

YA-SFADOCI JRNE 11:47

Nihki ugimrwi mkvtaukulvyaki waciganvhi chena nihki Palaseki u mrwvtunrnrwv mrwvsgrwa, macimi, Nahiwa silv-wedrku? xvga yrmv ilani maci giginolowanv silvwi.

YA-SFADOCI JRNE 11:57

Huwa nihki ugimrwi mkvtaukulvyaki chena nihki Palaseki mahci meliwaki tapigamowa, wvhsi wiyafv ilani wrkutvga tv hvpilici nili, wi hini wrkutasiwa inv, wvhsi nihki manvwvhi masanrwrci nili.

YA-SFADOCI JRNE 7:32

Nihki Palaseki u notvwrwvhi nihi mahsalalici bami pagihkvmalici yomv wiahi nili si; chena nihki ugimrwi mkvtaukulvyaki macimi nihki Palaseki u ta laskvwrwvhi wiahsi-makufewanhi wvhsi masanrwrci nili.

YA-SFADOCI JRNE 7:48

Hv wiyafv nihki mahsigiluhtv-wiwacki mahci dapwahsa nili, walr nihki uci Palaseki?

YA-SFADOCI JRNE 8:6

Macimi wacitv nihki yomv iwvki, u kuchrwrli nili, wvhsi manvwvhi bonvmuwrci wv huci cvhtvwrci-mrwrci nili. Pvyaqv Jesise svhgigi si wrgi, macimi u lajali uci vwiga ini vsisgegi.