HINI UWASI-BIADRCIMOWA ya-sfadoci MAFIYO 9:27 - Hini Uwasi-u-Biadrcimowa 1929

²⁷ Chena yasi ini uci pamfaci Jesise, neswi kvgabeqawi-lani-hi u nakvla-kuhi, pami wivkv-hotv-muhi, Bonv-mvwi-nrga gitaminrqa-ladewa, gelv u qihfvli Dapide, lvhotv-muhi.

HINI UWASI-BIADRCIMOWA ya-sfadoci MAFIYO 9:27 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 1:1

Yomv ini awigrdagi ut vnvnkvwi nhvlwaladewa Jesise Kivisde, nili u qihfvli Dapide, nili u qihfvli Aplahame.

HINI UWASI-BIADRCIMOWA ya-sfadoci MAFIYO 11:5

nihki ga-gabeqacki utfakunrwv tapinvmowa, chena nihki ma-myrlvkvtuwi-grdacki pamodaki, nihki wa-sgilhvga-magicki fvfvyrghofoki, chena nihki ga-gabsaki nodrgaki, chena nihki na-pagiki unsgrnofoki, chena nihki gitamrfvki u bonrnrwv uwasi-biadrcimowa nvnvhimofoki.

HINI UWASI-BIADRCIMOWA ya-sfadoci MAFIYO 15:22

Macimi wrpv-mahku, Ganvnewi-iqawv biaci luhfa nala sqriv uci, chena, Bonvmv-wilu gitaminrqa-ladewa,

HINI UWASI-BIADRCIMOWA ya-sfadoci MAFIYO 17:15

Dabalamiwatv, bonv-mvwi gitaminrqa-ladewa ni qihfv : xvga inv mr-mrtvkuskv, macimi mvmyanrni vhqi-nvmwv : mosvgi lrqv xvga ini skudagi yr-sfa, chena mosvgi ini napigi.

HINI UWASI-BIADRCIMOWA ya-sfadoci MAFIYO 20:29

Chena yasi nihki luhfr-wrci Calago uci, maci mahsa-lalici u nakvla-kuhi.

HINI UWASI-BIADRCIMOWA ya-sfadoci MAFIYO 21:15

Pvyaqv nihki ugimrwi mkvtaukulv-yaki chena nihki yr-ivwigacki iah namu-wrci nili lvkuqahdrni wiahi yasi Ivwelici nili, macimi nihi vpalufhi, Hosanv cahi inv u qihfvli Dapide, bami lvhotv-malici betiga ini mvmrtumawi-kvmiqi, gisfadewa mrci-tahaki nihki,

HINI UWASI-BIADRCIMOWA ya-sfadoci MAFIYO 21:9

Chena nihki mahsa-lagiki yala negr-nelici, macimi udrnrgi wa-malici, Hosanv cahi inv u qihfvli Dapide. Gisrda-lamakufi ca hinv ba-birtv ini u wefowa-nagi inv Dabalamiwatv; Hosanv cahi wihkuci Ispi, lvhotv-moki

HINI UWASI-BIADRCIMOWA ya-sfadoci MAFIYO 9:28

Chena betiga ini we-giwv iah birci, utfa-kuhi nihi kagabeqawi-lanihi : macimi Jesise, Hv ki dapwahsa-pwv gelvwv yasi dabela-fiv wvhsi yomv si lvweiv? u ta-lvhi. Hvnkv, Dabalamiwatv, u talr-wrli nihki.

YA-SFADOCI MRKV 11:10

Gisrtatiwi cahi ini ugimrwi-drmqa ba-biayrgi, ini u gimrwi-drm-kumi k’uhfanv Dapide : Hosanv cahi ini wihkuci Ispi, Ivhotv-moki.

YA-SFADOCI MRKV 9:22

Chena mosvgi lrqv nili u tv ipvgila-goli ini skudagi macimi ini napigi, wvhsi mvci-ludr-kuci weiv : pvyaqv gelv kvtvwi wiahi si-wevna, bonvmvwi-nrga gitaminrqa-ladewa macimi nrtvmvwi-nrga, u tagoli.

YASFADOCI LOKU 17:13

chena nihki upvtanr-nrwv u tvsimowa-nwv, Jesise, Mastala, bonvmvwi-nrga gitaminrqa-ladewa, isiwaki.

YASFADOCI LOKU 20:41

Chena, Nahiwa iwvki nihki yasi Dapide u qihfici nili Klvisdeli? u talvhi nihi.

YASFADOCI LOKU 7:21

Hina ini yr-tafvgi maci u gegahvhi silugawanv uci macimi ipanawanv chena mvci-lahfihi uci; chena maci ga-gabe-qalici u tah bonv tapinvmowa.

YA-SFADOCI JRNE 7:42

Hv mvtv ini tapilo awigrdagi mahtuwaiv wvhsi inv Klvisde umagi ini u menkv Dapide, macimi Paflihame uci, ini udawanahi tv hvpici Dapide? iwvki.