HINI UWASI-BIADRCIMOWA ya-sfadoci MAFIYO 9:17 - Hini Uwasi-u-Biadrcimowa 1929

¹⁷ Mvtv nuhgi ilaneki u drsi bonr-nrwv mvivgi wveni gahtv wvenewi-bodr-lr-wvhi : belaba nihki wiahsi-wrki puhgicas-grki, macimi ini wveni fegahkv, chena nihki wiahsi-wrki myrla-feki : wakv u drsi bonr-nrwv nihki mvivgi wveni was-gilici wvenewi-bodrlr-wvhi, macimi nayeswi gifusgr-deiv.

HINI UWASI-BIADRCIMOWA ya-sfadoci MAFIYO 9:17 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 9:16

Chena mvtv ilani u drsi bonv mrlaghi usgi-mutv gahtv betanikv-nagi; xvga wv hini si uhqih-fagi mv-mr-gaiv ini betanikv uci, macimi vlikv si la-lgah-grgi macdota.

HINI UWASI-BIADRCIMOWA ya-sfadoci MAFIYO 9:18

Iaha-iahi kvlo-lrci nihi yomv wiahi, wrpvmahku, biawv ’ntvsi ya-lrpvmatv, macimi usvsilvwa-hrli nili, Ni drnahfv datapilvhi uwa iqelafi : pvyaqv birlu chena usgici inv gah si bonv gi laci, macimi inv wah lanvwawi, isiwa.

YA-SFADOCI MRKV 2:22

Chena mvtv ilani u tvhsi bonv mvivgi wveni gahtv wvenewi-bodrlr-wvhi; belapa ini wveni wah puhgi-casgrku-nrwv nihki bodrlr-wrki, macimi ini wveni myrlafeiv, chena nihki bodrlr-wrki : wakv mvivgi wveni usgi wvnewi-bodrlr-wvhi u drsi bonr-nrwv nihki.

YASFADOCI LOKU 5:37

Chena mvtv ilani u tvh si bonv wasgigi wveni gahtv bodrlr-wvhi; belaba ini wasgigi wah puhgicas-grku-nrwv nihki bodrlr-wrki, macimi ini wah fegfa-nwi, macimi nihki bodrlr-wrki wah myrlafeki.

YASFADOCI LOKU 5:38

Wakv wasgigi wveni qelvhi mvivgi wvenewi bodrlr-wrki si bonota.