HINI UWASI-BIADRCIMOWA ya-sfadoci MAFIYO 9:15 - Hini Uwasi-u-Biadrcimowa 1929

¹⁵ Chena Jesise, Hv wih kvtvwi nihki ini uci uqihfi-mrki mvivgi-nhrkvna-iqawikv mvwaki, lrqvsi ya-bemaku-wrci nili mvivgi-nhrkv-nvli? pvyaqv nili grsagiki wah biaiv, ina nili mvivgi-nhrkv-nvli wah mvmr-qeki, macimi ina uwa wah fvfvhqi ucigaki, u talvhi nihi.

HINI UWASI-BIADRCIMOWA ya-sfadoci MAFIYO 9:15 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 9:14

Hina uwa utfr-wrli nihki Jrne u kvgahgimrfhi, Gociwa gi-tvwilvhi nelvwa chena nihki Palaseki ni fvfvhqi ucigapa, wakv gi kvgahgimrfvki mvtv ucigaki? iwvki.

HINI UWASI-BIADRCIMOWA ya-sfadoci MAFIYO 9:16

Chena mvtv ilani u drsi bonv mrlaghi usgi-mutv gahtv betanikv-nagi; xvga wv hini si uhqih-fagi mv-mr-gaiv ini betanikv uci, macimi vlikv si la-lgah-grgi macdota.

YA-SFADOCI MRKV 2:19

Macimi Hv wih kvtvwi fvfvhqi ucigaki nihki ini uci uqihfi-mrki mvivgi-nhrkvnah-qawigr-nagi, ia-haiahi nili mvivgi-nhrkvnvli weci vbemaku-wrci? Irqvsi ba-bonr-wrci nili mvivgi-nhrkvnvli u weci vbemaku-wrli nili, mv-tv ivh kvtvwi fvfvhqi ucigaki, u talvhi Jesise.

YA-SFADOCI MRKV 2:20

Pvyaqv nili grsagiki wah biaiv, ina nili mvivgi-nhrkvnvli wah mvmr-qeki, ina chena wah fvfvhqi ucigaki ina grsagigi.

YASFADOCI LOKU 17:22

Chena u talvhi nihi kvgahgimrfhi, Nili grsagiki wah biaiv, ina gelvwv gah mrtvwi namanrwv nakuti nili u kvgesakv-namv inv u Qihfvli ilani, macimi mvtv gah namanrwv ini.

YASFADOCI LOKU 5:34

Macimi Jesise, Hv kih kvtvwi uciga-hr-wrki nihi u qifhi inv mvivgi-nhrkvnah-qawikv, iahaiahi nili mvivgi-nhrkvnvli weci gamaku-wrci?

YASFADOCI LOKU 5:35

Wakv wah biaiv grsa-gigi; macimi ina nili mvivgi-nhrkvnvli wah mvmrqeki nihki, ina uwa wa hucigaki, u talvhi.

YA-SFADOCI JRNE 16:6

Pvyaqv xvga gi mahci kvlolalapwv yolumv wiahi, mvcilabwrwa uqihfanwi ki tahiwv.

YA-SFADOCI JRNE 3:29

Hinv ba-bonrtv nili mvivgi-nhrkvnah-qali mvivgi-nhrkvnv inv : wakv nili wih-grnvli inv mvivgi-nhrkvnv, na-nepvwilici macimi nodrkuci, msi-usvsilabwrli xvga ini mvivgi-nhrkvnv u ta sihsimowa : yone yomv waciganvhi nelv n’usvsilabwrwa uqrwi sdota.