HINI UWASI-BIADRCIMOWA ya-sfadoci MAFIYO 5:18 - Hini Uwasi-u-Biadrcimowa 1929

¹⁸ Xvga tapilo gi talapwv nelv, Brluhi manqvtwi macimi vsisgi-drmqa wa hvsanu, mvtv nakuti gcimrlacihi walr nakuti-paqa wa hini kutaladewa-nagi uci wiahisi vsanwi, brluhi jrivhki wiahi wah mahciludota.

HINI UWASI-BIADRCIMOWA ya-sfadoci MAFIYO 5:18 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 10:15

Tapilo gi tala-pwv nelv, Hini wa hvliwi grgilwa-wafeiv ini Srtvmewi vsisgi macimi ini Kumrlvwi vsisgi ini tvh jaiahqvh-kuwawi gesagigi, notv yomv udawa.

HINI UWASI-BIADRCIMOWA ya-sfadoci MAFIYO 10:23

Pvyaqv nihki ufrmhal-wrqa yomv udawa-nagi, lasi-muku ini mrlrqvhi kutvgi : xvga gi tala-pwv nelv, Mvtv ki tvh mahci srbwe-pwv nili ut udawanv Iswelv, brluhi inv bia-wv u Qihfvli ilani.

HINI UWASI-BIADRCIMOWA ya-sfadoci MAFIYO 10:42

Chena goqa-nafv-grci wah melrli wvhsi manalici nakuti iuhumv macilofilici nakuti taphikv pahi tahkvgi napi, in u wefowa-nagi kvgahgimrfv, tapilo gi talapwv nelv, mvtv wa hinv wiahisi wvntu u taphufewa.

HINI UWASI-BIADRCIMOWA ya-sfadoci MAFIYO 11:11

Tapilo gi talapwv nelv, Alagenv nihki iqahi na-neginakucki mvtv mah’ pvfaqi ntvsi vlikv ya-lafitv Jrneli inv Fvfvhqi-ulalhiwawanv : pvyaqv inv macilofitv betiga ini wafapvh-kvmigigi ugimrwi-drmqa vlikv ilafi notv inv.

HINI UWASI-BIADRCIMOWA ya-sfadoci MAFIYO 13:17

Xvga tapilo gi talapwv nelv, yasi maci mrmosigesqacki macimi tapvsvwi ’laneki mrtvwi na-muwrci nili wiahi gelvwv na-namayaqa, macimi mvtv u namanrwv nili.

HINI UWASI-BIADRCIMOWA ya-sfadoci MAFIYO 16:28

Tapilo gi tala-pwv nelv, Hvbeki nihki nrlatv na-nepv-wicki utvsi, nihgeni mvtv wah wiahi si ku-tvdr-nrwv nabowa, brluhi nihki wah nawr-wrli nili u Qihfvli ilani pami biawv ini u gimrwewa-nagi.

HINI UWASI-BIADRCIMOWA ya-sfadoci MAFIYO 17:20

Xvga mrcqrfi ki dapwahsawa-nwv : tapilo gi tala-pwv nelv, Xvga bonv-maqa gelvwv dapwahsawa brsi nakuti paqa mvstvdewi menkv, Yoci vlvina hrla itv-maqa yomv maqvhgigi, macimi ini wa haiv; chena mvtv wiahi wah mvtvyaci-wvtwi geyrwrgi, u talvhi.

HINI UWASI-BIADRCIMOWA ya-sfadoci MAFIYO 18:18

Tapilo gi tala-pwv nelv, Goqa-nahsi wiahi gelvwv ga gijepila-nrwv usgi-drmqa wa gijepita betiga wafapvh-kvmigigi; macimi goqa-nahsi wiahi gah palhr-nrwv usgi-drmqa wa palhota betiga wafapvh-kvmigigi.

HINI UWASI-BIADRCIMOWA ya-sfadoci MAFIYO 18:3

chena, Tapilo gi tala-pwv nelv, Waciwaphi gelvwv kutaqe-yaqa, macimi ilafi-yaqa brsi vpaluhfafvki, mvtv gelvwv gah wiahisi becfr-pwv ini wafapvh-kvmigigi ugi-mrwi-drmqa, isiwa inv.

HINI UWASI-BIADRCIMOWA ya-sfadoci MAFIYO 19:23

Chena Tapilo gi tala-pwv nelv, Gesanr-tatwi ini wvhsi bec-frci pvwawi ’lani ini wafapvh-kvmigigi ugimrwi-drmqa, u talvhi Jesise u kvgahgimrfhi.

HINI UWASI-BIADRCIMOWA ya-sfadoci MAFIYO 19:28

Macimi Jesise, Tapilo gi tala-pwv nelv, gelvwv naiahkv na-nakvsi-yaqa, mi lrpi-lanvwawewa-nagi ina inv u Qihfvli ilani wa ipvpi ini u wvhfrci-makufewa uci ugimrwi-vhpvbewa, nahfrpi gelvwv ga ipvpi-nrwv matvhfwi-gita-neswi ugimrwi-vhpvbewanv, pamvh-kuwrlr-wrki nihki matvhfwi-gita-neswi u dwalo-wanhi Iswelv, u talvhi.

HINI UWASI-BIADRCIMOWA ya-sfadoci MAFIYO 21:21

Chena rpvfsa Jesise macimi, Tapilo gi talapwv nelv, Qahqi bonv-maqa dapwah-sawa, macimi tagi rnwah-saku, mvtv ini gicimesi ya-panvdo-dagi pahi gah si lvwe-pwv, wakv weginrqi qahqi yomv maqvhgigi, Mvmo-fulu macimi ini msi-na-pigi ipvgilo-fulu, ga hidr-nrwv, ini wa ipanvdota.

HINI UWASI-BIADRCIMOWA ya-sfadoci MAFIYO 21:31

Dr-nvwa nihki neswi yasi tahalici u fvli si lvwi? u talvhi. Hinv nhihtv, iwvki nihki. Tapilo gi talapwv nelv, yasi nihki daxewi-mrwvtu-nigah-feki macimi nihki nrkvhowi-iqaki becfr-wrci ini Mv-natu ugimrwi-drmku-mi ya-lvhfvme-yaqa gelvwv.

HINI UWASI-BIADRCIMOWA ya-sfadoci MAFIYO 23:36

Tapilo gi ta-lapwv nelv, Jrivhki yolumv wiahi wa hutfaku yrmv inugi sqewanv.

HINI UWASI-BIADRCIMOWA ya-sfadoci MAFIYO 24:2

Pvyaqv rpvfsa macimi, Hv mvtv ki nama-nrwv vlv-yomv jrivhki wiahi? tapilo gi tala-pwv nelv, Mvtv utvsi wa skunofu nakuti vpiwv s-ekunv usgici kutvkvli, wvh’ bur panano-futv, u talvhi nihi.

HINI UWASI-BIADRCIMOWA ya-sfadoci MAFIYO 24:47

Tapilo gi talapwv nelv, nili wah tvlwvh-fwrli inv jrivhgi ba-bonvgi.

HINI UWASI-BIADRCIMOWA ya-sfadoci MAFIYO 25:12

Pvyaqv inv rpvfsa macimi, Tapilo gi talapwv nelv, mvtv gi wrkuma-lapwv, u talvhi.

HINI UWASI-BIADRCIMOWA ya-sfadoci MAFIYO 25:40

Macimi inv Ugimv wa hrpvfsa chena, Tapilo gi talapwv nelv, xvga yasi ini panv-laqa nakuti iuh-kumv ni janinrki, weginrqi iuhkumv gahci-macilo-ficki, nelv ini kit panv-sipwv, wa hilvhi.

HINI UWASI-BIADRCIMOWA ya-sfadoci MAFIYO 25:45

Hina inv wa hrpvftv-wvhi nihi, Tapilo gi talapwv nelv, xvga yasi bur gelvwv ini panv-laqa nakuti iuhkumv gci-macilo-ficki, mvtv ini kit panv-sipwv nelv; wa hilvhi.

HINI UWASI-BIADRCIMOWA ya-sfadoci MAFIYO 5:26

Tapilo gi tala nelv, Mvtv gah wiahisi ini-uci luhfv gelv, brlu’ hini jaiahqi msqvkqa gah mahci taphiga.

HINI UWASI-BIADRCIMOWA ya-sfadoci MAFIYO 6:16

Chena nuhgi ina fvfvhqi-ucigayaqa gelvwv, tagi ilafiki, brsi nvya-luhcilvwecki, mvcilabwr-pasgrki : xvga nihki u wivgrcidonrwv u ta Irbawanwv, wvhsi manvwv’ hilanihi nvukuwrci yasi fvfvhqi-ucigawrci. Tapilo gi talapwv nelv, Naiahkv nihki utfakunrwv u taphufewanwv.

HINI UWASI-BIADRCIMOWA ya-sfadoci MAFIYO 6:2

Hina waciganvhi gelv gisrcigawa silvweivna, tagi ulwahdolu papiqv ya-lvhfvmeivni, brsi nihki nvya-luhcilvwecki yr-silvwewrci betiga nili msi-kvmiku macimi nili Ir udawani-myawvli, wvhsi nihki manvwvhi bonvmuwrci u wvhfrci-makufewanwv ilaneki. Tapilo gi talapwv nelv, Naiahkv nihki utfakunrwv u taphufewanwv.

HINI UWASI-BIADRCIMOWA ya-sfadoci MAFIYO 8:10

Chena Jesise iah notvgi ini, mvivci-taha, macimi, Tapilo gi talapwv nelv, mvtv ni ma’ mkv yone si mahsrgi dapwahsawa, mvtv, mvtv Irqv Ir Iswelv, u talvhi nihi na-nakvlakuci.

YA-SFADOCI MRKV 10:15

Tapilo gi tala-pwv nelv, Goqa-nafv-grei mvtv u tvhsi utvhpanv ini ugimrwi-drmkumi Mvnatu brsi cvgi vpaluhfafv, mvtv ivh wiahisi becfa ’n’tvsi, u talvhi.

YA-SFADOCI MRKV 10:29

Tapilo gi tala-pwv nelv, iwv Jesise, Mvtv ilani vpiwv mviahci nvkvtvkv wegiwv, walr ujaninrnhi, walr utqami-mvhi, walr ugali, walr ufimrli, walr vpalufhi, walr vsisgi-wvli, nelv uci macimi ini uwasi-biadrcimowa uci,

YA-SFADOCI MRKV 11:23

Tapilo gi tala-pwv nelv, Goqa-nafv-grci Mvmo-fulu macimi ini msi-napigi ipvgilo-fulu, wa hitv vlv-yomv maqvhgigi; macimi mvtv wa pipahci taha u tahigi, wakv wah dapwahtv ini ya-iuci wvhsi biamikvgi; inv wah bonv ini.

YA-SFADOCI MRKV 12:43

Chena u tah wih-kumvhi u kvgahgimrfhi, macimi Tapilo gi tala-pwv nelv, Yrmv gita-mv sekvwi-iqa u becfa pvgitv vlikv tfwi notv jrivhki nihki bami ini si becfa pvgitv-giki munigr-nagi :

YA-SFADOCI MRKV 13:30

Tapilo gi tala-pwv nelv, Yrmv inugi sqewanv mvtv wa hvsanwv, brlu’ jrivhki yolumv wiahi wah macdrqvtu.

YA-SFADOCI MRKV 14:18

Chena yasi lamvtvpi-wrci macimi pami wihfani-wrci, Jesise Tapilo gi tala-pwv nelv, Nakuti gelvwv nah masdru-haqv, datapilvhi inv wa-wihpumitv, iwv.

YA-SFADOCI MRKV 14:25

Tapilo gi tala-pwv nelv, mvtv gidani nah mana ini mvwifowa ini tatapvhtaqi uci, brlu’ hina grsagigi manaiv ini wasgigi betiga ini ugimrwi-arkumi Mvnatu, u talvhi.

YA-SFADOCI MRKV 14:30

Tapilo gi tala nelv, yasi irmgi gesagigi, tapilvhi inugi tapahgiga, wihsi-bur nesana kvlhotvgi inv nrbaiv, nfana gah mahci gircimi, u talrli Jesise.

YA-SFADOCI MRKV 14:9

Chena tapilo gi tala-pwv nelv, Goqa-tvsi-grci ini uwasi-biadrcimowa wah nvnvhi-mi-wapi mafhega ini ya-lakuqvh-kvmigigi, hini nahfrpi yrmv iqawv mviahci lvweci wa hrtudota wvhsi u mr-mkvwalamo-fowa-nici.

YA-SFADOCI MRKV 3:28

Tapilo gi talapwv nelv, Jrivhki u mvjesilvwewanwv wah pvg-falatvmr-qihi nihi u qihfwvhi ilaneki, macimi u pvhdrmowa-nwv goqa-nahi grci nihki wah si pvhdr-moki :

YA-SFADOCI MRKV 6:11

Chena goqa-grci-tvsi mvtv ga hutvhpana-gopwv, macimi mvtv nihki ga hvhkvwah-drku-wrki, yasi ini uci wapfa-yaqa, pvpvwv-tanv-muku ini paqi ya-dagi sebrci ki fidwrgi wvhsi u dabwawani-wrci nihki.

YA-SFADOCI MRKV 8:12

Chena mvci-lapwv ulrmi u tasi tahawa-nagi, macimi Gociwa yrmv sqe-lanvwa u nvtunahv giginolowa? tapilo gi talapwv nelv, Mvtv giginolowa wah melofu yrmv sqe-lanvwa, isiwa.

YA-SFADOCI MRKV 9:1

Chena Tapilo gi tala-pwv nelv, Hvbeki utvsi nrlatv na-nepv-wicki mrlrqvhi, nihgeni mvtv wiahi si wah kutvdr-nrwv nabowa br-luhi wah nama-nrwv ini ugimrwewa Mvnatu wah biaiv gilagi wrsi-kvgi, u talvhi.

YA-SFADOCI MRKV 9:41

Xvga goqa-nafv-grci gah mela-kuwv taphikv-nagi napi wvh’ mana-yaqa, xvga Klvisde welv gelvwv, tapilo gi tala-pwv nelv, mvtv inv wiahisi u tvh wvntu u taphufewa.

YASFADOCI LOKU 11:51

ini u mskumi Apvle uci brlu’ hini u mskumi Sakulriv, ya-iqinatv lvlvqi ini botafvmrcikv chena ini ufapi-kvmiqi : hvnkv, gi talapwv nelv, ini brbiaci wah lalatv-mrqi yrmv inugi sqelanvwa.

YASFADOCI LOKU 12:37

Gisrda-lamakufeki cahi nahga vlolrkvnvki, nihi inv dabalamiwa-tv ina birta wa mkvwvhi bami gcitvwrpilici : tapilo gi talapwv nelv, wa gitvpitu weiv inv, chena wah lamvtvphvhi nihi wvhsi wihfanilici, macimi wah biawv chena wah gisrcilutv-wvhi nihi.

YASFADOCI LOKU 13:35

Wrpvtvmuku yadr-yaqa wegiwv gi nvkvtvmr-gopwv lekvtvh-kvmikvtwi : chena gi talapwv nelv, Mvtv kitvh nawipwv, brluhi Gisrda-lamakufi ca hinv ba-birtv ini u wefowa-nagi inv Dabalamiwatv, ga hiupwv.

YASFADOCI LOKU 16:17

Pvyaqv ini vliwi wacihi manqvtwi macimi vsisgi-drmqa wvhsi vsagi, notv wvhsi ini kutaladewa uci nakuti vnhiwawi mrlacihi panfagi.

YASFADOCI LOKU 18:17

Tapilo gi talapwv nelv, goqanafvgrci mvtv brsi vpaluhfafv wah si utvhpanv ini ugimrwi-drmkumi Mvnatu, mvtv inv wah wiahisi becfa ’n’tvsi, iwvpi.

YASFADOCI LOKU 18:29

Macimi u talvhi nihi, Tapilo gi talapwv nelv, Mvtv ilani vpiwv mviahci nvkvtvkv wegiwv, walr wewvli, walr ujan-inrnhi, walr gahgirmhi, walr vpalufhi, ini ugimrwi-drmkumi Mvnatu uci,

YASFADOCI LOKU 23:43

Macimi inv, Taiplo gi tala nelv, Hinugi grsagigi gah weci vbemi Tvh manwi lanvwawigi, u talrli nili.

YASFADOCI LOKU 4:24

Macimi, Tapilo gi talapwv nelv, Mvtv-lrqv mrmosigesqatv manwa-lamofu nahvl-wrkv ut vsisge-magi.

YA-SFADOCI JRNE 1:51

Chena Tapilo, tapilo, gi tala nelv, Gah namanrwv ini manqvtwi wah tvwaskv, macimi nihi ut ancvle-mhi Mvnatu bami vgofiwalici chena bami lrsiwalici usgici nili u Qihfvli Ilani, u talrli.

YA-SFADOCI JRNE 10:1

Tapilo, tapilo, gi talapwv nelv, Inv mvtv mi sqrta waci becfrtv ini u wvghowa-nwv nihki magefvki, wakv pvivgilv Irqv udrfiwa, yonv grgimotakv inv macimi jekuniwahfi.

YA-SFADOCI JRNE 10:7

Jesise waciganvhi u talvhi nuhgi, Tapilo, tapilo, gi talapwv nelv, neiv ini u sqrdamwv nihki magefvki.

YA-SFADOCI JRNE 12:24

Tapilo, tapilo, gi talapwv nelv, Waciwaphi nakuti paqa kvwvsqi ini vsisgegi si panfaga macmi naboyrga, ini nrnsihkv pahi vbeiv; wakv qahqi ini naboiv, maci mvwifowa ini uci neginwi.

YA-SFADOCI JRNE 13:16

Tapilo, tapilo, gi talapwv nelv, Hvlolrkv mvtv vlikv ilafi dabalamakuci; mvtv nuhgi wiyafv wa-wrwenas-kvwatv vlikv ilafi nili wa-wrwenasgrkuci.

YA-SFADOCI JRNE 13:38

Jesise rpvfsa, Hv gah sagfatvwi gi ta lanvwa-wewa? Tapilo, tapilo, gi tala nelv, Mvtv inv nrbaiv wah kvlho-tvmwv, brluhi nfana gah mahci gircimi, u talrli.

YA-SFADOCI JRNE 14:12

Tapilo, tapilo, gi talapwv nelv, Inv da-dapwahsatv nelv, nili pakvtafewanv ya-silvweiv wah silvwi nahfrpi; macimi vlikvsi pakvtafewanv notv yolumv wah silvwi; xvga nelv inv Ufimv nitv.

YA-SFADOCI JRNE 16:20

Tapilo, tapilo, gi talapwv nelv, gah wihfvqapwv, macimi gah mvwapwv, wakv inv yalakuwvh-kvmigi-gi wa husvsilapwv : gelvwv gah mvcilabwrwafipwv, pvyaqv ki mvcilabwrwa-nwv usvsilabwrwa-nagi wah si kutakunota.

YA-SFADOCI JRNE 16:23

Chena ina grsagigi gah nvtuhtvwipwv mvtv-wiahi. Tapilo, tapilo, gi talapwv nelv, Qahqi gelvwv gah nvtutvmvwrwv wiahsi wiahi inv Ufimv, inv gah melakuwv ini ni wefowa-nagi.

YA-SFADOCI JRNE 21:18

Tapilo, tapilo, gi tala nelv, Hina iah mvyrnafivni gelv, gi gr-gitvpido geiv, macimi lrqv gi tasi brmfa yasi tahaivni gelv : pvyaqv ina pvsidofiwivna, mr gah si jegingala gi laciwvli, macimi kutvkv ga gitvpilaqv, macimi lrqv gah si walaqv buryr gelv si tahaivni.

YA-SFADOCI JRNE 3:11

Tapilo, tapilo, gi tala nelv, Ni kvlvwipa ini wvyrkutvmrga, chena ni pvh-nemapa dab-wawa ini mviahci namayrga; macimi gelvwv mvtv ki utvhpanr-nrwv ni dabwawananv.

YA-SFADOCI JRNE 3:3

Jesise rpvfsa macimi, Tapilo, tapilo, gi tala nelv, Waci-waphi wiyafv mvivgi usgi-lanvwawita, mvtv inv u tvh kvtvwi nama ini ugimrwi-drmkumi Mvnatu, u talrli.

YA-SFADOCI JRNE 3:5

Rpvfsa Jesise, Tapilo, tapilo, gi tala nelv, Waciwaphi wiyafv napi macimi nili Ucvjrlvh-qvli uci usgilanvwawita, mvtv inv u tvh kvtvwi becfvtv ini ugim-rwi-drmkumi Mvnatu.

YA-SFADOCI JRNE 5:19

Waciganvhi Jesise rpvfsa, macimi, Tapilo, tapilo, gi talapwv nelv, Inv Uqihfimv mvtv-wiahi ivh kvtvwi si lvwi pasiqi weiv, wakv wiahi na-namagi inv nili Ufimrli bami si lvwelici : xvga goqa-nahi-grci si wiahi inv si lvwi, yoloni nahfrpi inv Uqihfimv si lvwi ufapi ivskv ini.

YA-SFADOCI JRNE 6:26

Ud rpvftvwvhi Jesise macimi, Tapilo, tapilo, gi talapwv nelv, Ki nvtunawhipwv, mvtv ya-namayaqa xvga giginolowanv uci, wakv xvga ki mecinrwv nili wapsqadawvli macimi ki dabholupwv.

YA-SFADOCI JRNE 6:32

Waciganvhi Jesise, Tapilo, tapilo, gi talapwv nelv, Mvtv inv Mosise wafapvh-kvmigigi waci melalwrqa ini tvkuwhv; wakv n’ Uhfv g’ uci wafapvh-kvmigigi melakuwv ini mvyrwi tvkuwhv.

YA-SFADOCI JRNE 6:47

Tapilo, tapilo, gi talapwv nelv, Inv da-dapwahsatv u bonv goqa-lrqvsi lanvwawewa.

YA-SFADOCI JRNE 6:53

Waciganvhi Jesise, Tapilo, tapilo, gi talapwv nelv, Waciwaphi meciyaka ini u wivufami inv u Qihfvli ilani macimi manayaqa u mskumi, mvtv ki bonrnrwv lanvwawewa geyrwrgi, u talvhi.

YA-SFADOCI JRNE 8:34

Hud rpvftvwvhi Jesise, Tapilo, tapilo, gi talapwv nelv, Jrgi wiyafv ma-mvcilvwetv mvjesilvwewa, mvjesilvwewa u geganikv-nvli nili.

YA-SFADOCI JRNE 8:51

Tapilo, tapilo, gi talapwv nelv, Qahqi ilani kjetunvga ni kvlv-wewa, inv mvtv-lrqv wah nama iqinvmowa.

YA-SFADOCI JRNE 8:58

Tapilo, tapilo, gi talapwv nelv, wihsi-bur negici Aplahame, nit vpi nelv, u talvhi Jesise.