HINI UWASI-BIADRCIMOWA ya-sfadoci MAFIYO 5:11 - Hini Uwasi-u-Biadrcimowa 1929

¹¹ Ki gisrdalamakufipwv gelvwv ina ilaneki vhtalalwrqa, chena nrnuh-grchalwrqa, macimi jrivhki yagi majrfigi si nrnhrci-malwrqa nelv uci.

HINI UWASI-BIADRCIMOWA ya-sfadoci MAFIYO 5:11 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 10:18

hvnkv macimi ya-lvhfvme-wrci kvpanvleki chena ugimrki gah si biala-gopwv xvga nelv uci, wvhsi xvga nihki dabwawa-ngr-wrci chena nihki Nvnvhkvwi-laneki.

HINI UWASI-BIADRCIMOWA ya-sfadoci MAFIYO 10:22

Chena gah sega-lamakufe-maku-wrki jrivhki ilaneki xvga ni wefowa uci : pvyaqv inv nvhekv ya-iqi wesigi-tahatv, henv wah wrpvnas-hofu.

HINI UWASI-BIADRCIMOWA ya-sfadoci MAFIYO 10:25

Dapi ini wvhsi inv kvgahgimrfv ilafici brsi ga-gahgima-kuci, macimi inv vlolrkv brsi dabala-makuci. Qahqi nihki Pialsipvli mahci sinrwrta nili ini uci wegiwv mastalali, drniwa si vlikv nihi ya-drlici uci !

HINI UWASI-BIADRCIMOWA ya-sfadoci MAFIYO 10:39

Hinv ma-mkvkv u ta lanvwawewa wah wvntu ini; macimi inv wa-wvndotv u ta lanvwawewa nelv uci wa mkv ini.

HINI UWASI-BIADRCIMOWA ya-sfadoci MAFIYO 19:29

Chena jrgi wiyafv mviahci nvkvtvkv wegiwr-pvli, walr ujaninrnvhi, walr utiqami-mvhi, walr ufimrli, walr ugali, walr vpalufhi, walr vsisgi-wvli, xvga ni wefowa uci, wa hutfaku tabawa-tfwagfanwi, macimi wah lrpsinwv goqa-lrqvsi ianvwawewa.

HINI UWASI-BIADRCIMOWA ya-sfadoci MAFIYO 24:9

Hina uwa gesanrci-nvmowa-nagi gah si pvgfa-naku-wrki nihki, macimi gah nfaku-wrki : chena gah segalama-kufe-maku-wrki nihki jrivhki dfwa-lanv si lanvwaki xvga ni wefowa uci.

HINI UWASI-BIADRCIMOWA ya-sfadoci MAFIYO 27:39

Chena nihki bamfacki u pagisgimr-wrli, u pami pvpvu-qahtvwr-wrli,

YA-SFADOCI MRKV 13:13

Chena gah segalamakufe-maku-wrki gelvwv jrivhki ilaneki xvga ni wefowa uci : pvyaqv inv nvhekv iahqi wesigi-ta-hatv, henv inv wah wrpvnas-hofu.

YA-SFADOCI MRKV 13:9

Pvyaqv geyrwrgi mvmaku gcitvwrfewa : xvga tapuwawanv nihki gah si pvgfanaku-wrki; chena betiga msi-kvmiku ga p’pvgtahugo-pwv; macimi ya-lvhfvme-wrci kvpanvleki chena mvgi ugimrki gah nepwi-pwv xvga neiv uci, wvhsi nihki u dabwami-wrci.

YA-SFADOCI MRKV 4:17

chena mvtv u bonr-nrwv weyrwrgi ujapkvh-kvtwi, wakv mrlrqvsi wesigif eki; uwa, ina gesanrci-nvmowa walr nrnuhgrc-hadewa iah pvfaqe-yrlici xvga ini kvlvwewa uci, walanv nihki utvgikvh-sinoki.

YA-SFADOCI MRKV 8:35

Xvga goqa-nafv-grci wesv wrpvnastu u ta lanvwawewa wah wvntu ini; ma-cini goqa-nafv-grci wah wvntu u ta lanvwawewa nelv macimi ini uwasi-biadrcimowa uci wah wrpvnastu ini.

YASFADOCI LOKU 21:12

Pvyaqv wihsi-bur jrivhki yolumv wiahi igi, gah masana-kuwrki nihki, macimi gah nrnuhgrcha-kuwrki, nili msi-kvmiku chena giphudewi-grnv gah si pvgfana-kuwrki, yalvhfvmelici mvgi ugimvhi macimi kvpanvlihi gah si biala-kuwrki xvga ni wefowa uci.

YASFADOCI LOKU 21:17

Chena gah segalamakufipwv gelvwv yacsiwrci jrivhki ilaneki xvga ni wefowa uci.

YASFADOCI LOKU 6:22

Ki gisrda-lamaku-fipwv cahi gelvwv, ina ilaneki gah sega-lamaku-wrki, macimi nihki u wihgrn-wvhi ga huci nuh-bianaku-wrki, macimi lsgimal-wrqa, chena luhfa-pvgitv-mol-wrqa ki wefowa-nwv brsi ma-jrfigi, xvga nili u Qihfvli ilani uci.

YASFADOCI LOKU 9:24

Xvga goqa-nafv-grci wi wrpvnastu u ta lanvwawewa wah wvntu ini; wakv goqa-nafv-grci wah wvntu u ta lanvwawewa xvga nelv uci, henv wa wrpvnastu ini.

YA-SFADOCI JRNE 15:21

Wakv jrivhki yolumv wiahi ga ipanvlakuwrki nihki xvga ni wefowa uci, xvga nihki mvtv u wrkumrwrli nili wa-wrwenas-kvwilici.

YA-SFADOCI JRNE 9:28

Macimi nihki u Isgimr-wrli nili, chena Hv u kvgahgimrfvli gelv; wakv nelvwa Mosise u kvgahgimrfhi, iwvki.