HINI UWASI-BIADRCIMOWA ya-sfadoci MAFIYO 4:23 - Hini Uwasi-u-Biadrcimowa 1929

²³ Chena mafhega Ir Galale brmfa Jesise, kvgahgimiwa betiga u msi-kvmikumwrgi, chena nvnvhimiwa ini ugimrwi-drmqa uci uwasi-biadrcimowa, chena gegahiwa jrivhki yagi kvtunawa, macimi jrivhki yagi vhqilugawa alagenv nihi lanvwahi.

HINI UWASI-BIADRCIMOWA ya-sfadoci MAFIYO 4:23 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 11:5

nihki ga-gabeqacki utfakunrwv tapinvmowa, chena nihki ma-myrlvkvtuwi-grdacki pamodaki, nihki wa-sgilhvga-magicki fvfvyrghofoki, chena nihki ga-gabsaki nodrgaki, chena nihki na-pagiki unsgrnofoki, chena nihki gitamrfvki u bonrnrwv uwasi-biadrcimowa nvnvhimofoki.

HINI UWASI-BIADRCIMOWA ya-sfadoci MAFIYO 12:9

Chena ini uci wapfa, macimi u msi-kvmikum-wrki si becfa :

HINI UWASI-BIADRCIMOWA ya-sfadoci MAFIYO 13:19

Hina wiyafv iah notvgi ini uci kvlvwewa ini ugimrwi-drmqa, macimi mvtv nanuhsa ini, ina inv uwa biawv mvci-wiyafv, macimi u qv-qvtanvmrgoli ini mviahci vhdodalici u tahigi. Hinv yrmv ya-vhci-gagi ini pvkvci-kvnv.

HINI UWASI-BIADRCIMOWA ya-sfadoci MAFIYO 13:54

Chena welv ut vsisge-magi si pami biawv u kvgahgi-mvhi nihi betiga u msi-kvmikum-wrki, waciganvhi nihki cihsi-tahaki, chena, Drniwa uci bonv yrmv ilani yomv laburwa macimi yolumv mv-geci pakvtaf ewanv? iwvki.

HINI UWASI-BIADRCIMOWA ya-sfadoci MAFIYO 14:14

Chena biaci wapfa inv, macimi u nawvhi maci mahsa-lalici, chena u gitaminr-qala-mvhi, chena u gegahtv-wvhi ut vhqiluga-milici.

HINI UWASI-BIADRCIMOWA ya-sfadoci MAFIYO 24:14

Chena yomv uwasi-biadrcimowa ini ugimrwi-drmqa uci wah nvnvhimi-wapi ini malsga ya-lakuqvh-kvmigigi wvhsi u dabwawani-wrci nihki jrivhki dfwa-lanv si lanvwaki; chena ina uwa wah biaiv ini jaiahqewa.

HINI UWASI-BIADRCIMOWA ya-sfadoci MAFIYO 3:2

Mvtveni si tahaku gelvwv; xvga ini wafapvh-kvmigigi ugimrwi-drmqa uwa mrlrqvhi, pami iwv.

HINI UWASI-BIADRCIMOWA ya-sfadoci MAFIYO 9:35

Chena mafhega nili udawanv macimi nili udawanafv brmfa Jesise, pami kvgahgimiwa u msi-kvmikum-wrki, chena pami nvnvhi-miwa ini uwasi-biadrcimowa ini ugimrwi-drmqa uci, macimi pami gega-hiwa jr-ivhgi si kvtunawa macimi jrivhgi si vhqi-lugawa.

YA-SFADOCI MRKV 1:14

Huwa Jrneli iah mahci masano-fulici, Jesise Galalegi si biawv, pami nvnvhi-miwa ini uwasi-u-biadrcimowa Mvnatu,

YA-SFADOCI MRKV 1:21

Chena nihki Gabrnivme haki; macimi qaiahqi becfa ini msikvmiqi ini vlwrkvhsi-grsagigi chena kvgahgi-miwa.

YA-SFADOCI MRKV 1:39

Chena mafhega Galale si srpwi u msi-kvmiku-mwrki hawv, pami nvnvhi-miwa macimi u pami luhfa-pvgi-lvhi wvninah-fihi.

YA-SFADOCI MRKV 3:10

xvga maci u mahci gega-hvhi; waciganvhi ya-tfwili-ci ba-bonv-malici vhqi-panawanv u fvgigahgr-kuhi wvhsi manvwvhga nihi pahsakuci.

YA-SFADOCI MRKV 6:2

Chena iah bia-yrgi ini vlwrkvhsi-grsagigi vlami kvgahgi-miwa betiga ini msi-kvmiqi : chena maci u notvwr-wrli cihfa-feki, Drniwa uci bonv-nrnv yrmv ilani yolumv wiahi? chena, Nahiwa si ini laburwa ma-melo-fuci yrmv ilani? macimi nahiwa iyoiv vlvini yaki mvgeci pakvtafewanv u laci-wvli uci pakvta-nrnv?

YA-SFADOCI MRKV 6:6

Chena u qvqahdrna-latvmv-wvhi u bur dapwahsawa-nilici. Chena gryrukv nili udawa-nafv brmfa pami kvgahgimiwa.

YASFADOCI LOKU 10:9

chena gega-hahku nihki ya-vqilugacki ’n’tvsi betiga ya-picki, macimi Ini ugimrwi-drmkumi Mvnatu uwa gelvwv mrlrqvhi biaiv, ilahku.

YASFADOCI LOKU 13:10

Chena bami kvgahgimiwaci betiga nakuti nili msi-kvmiku ini tv hvlwrkvhsi-gesagigi.

YASFADOCI LOKU 16:16

Hvhdawi ini kutaladewa macimi nihki mrmosigesqacki vbeki brluhi Jrne : ina Irqv uci nvnv-himiwapi ini uwasi-biadrcimowa yagi ini ugimrwi-drmkumi Mvn-atu, macimi jrgi ilani mvmelowi uttitv becfa ini.

YASFADOCI LOKU 20:1

Chena ini biamikvtwi, ina nakuti nili grsagiki, yasi pami kvgahgimrci nihi lanvwahi ini mvmrtumawi-kvmikugi, macimi ini uwasi-biadrcimowa bami kvgahgimiwaci, nihi ugimrwi mkv-taukulviahi chena nihi yrivwigalici gilagi nihi gigilanihi ’n’tvsi u bialudr-kuhi;

YASFADOCI LOKU 4:14

Chena Jesise patagi ini u wesikvtuwewa-nagi inv Ucvjrl-vhqv hawv Galalegi : macimi u ta lrcimakufewa mafhega si luhfaiv srpwi ini gryrukv tvsi.

YASFADOCI LOKU 5:17

Chena ini biamikvtwi nakuti tvh nala gesagiki, yasi pami kvgahgimiwaci; chena ’n’tvsi vbeki Palaseki chena kutaladewi drgtaleki bami pvkvci lamvtvpi-wrci, jrgi udawa-nahi Galalegi uci chena Cudiagi macimi Culosamegi waci biaci luhfrcki : macimi ini u wesikvtuwewa inv Dabalamiwatv u wejemaku inv wvhsi gegahi-waci.

YASFADOCI LOKU 6:17

chena u weci biaci brlvcsino-mvhi nihi, maci-mi Ir tapgigi nepvwi, chena maci mahsa-lalici u kvgahgimrfhi, chena maci tfweki nihki jrivhgi Cudia uci lanvwaki macimi Culo-salame, chena ini msi-napi sqrbia Dryr macimi Srtvne, nihgeni biaki wvhsi notvwr-wrci nili, macimi wvhsi gegahofu-wrci u tasi lugawa-nwv;

YASFADOCI LOKU 6:6

Chena ini biamikvtwi nuhgi kutvg tv hvlwrkvhsiwigi, yasi becfrci ini msi-kvmiqi macimi kvgahgimi-waci : chena ’n’tvsi vpiwv ilani, macimi u mvyrwen-gigi u laci vhkvpvtwili.

YASFADOCI LOKU 7:21

Hina ini yr-tafvgi maci u gegahvhi silugawanv uci macimi ipanawanv chena mvci-lahfihi uci; chena maci ga-gabe-qalici u tah bonv tapinvmowa.

YASFADOCI LOKU 7:22

Chena rpvfsa macimi, Nhrkuna macimi wetvmv-wahku Jrne nili wiahi gelvwv mviahci nama-yaqa macimi notv-maqa; nihki ga-gabe-qacki utfaku-nrwv u tapinvmowa-nwv, nihki ma-myrlvkv-tuwi-grdacki pamfaki, nihki wasgilhvga-magicki fvfvyrgho-foki, macimi nihki ga-gabsaki no-drgaki, nihki na-pagiki unsgrno-foki, nihki gitamr-fvki u bonrnrwv uwasi-biadrcimowanv nvnvhimo-foki.

YASFADOCI LOKU 8:1

Chena ini biamikvtwi palocihi mviuhqrci, yasi srpwi brmfaci gryrukv udawanv macimi udawanafv, pami nvnvhi-miwa macimi pami biatvwiwa nili uwasi-biadrcimowanv ini Mvnatu ugimrwi-drmkumi uci, chena weci nili nihki matvhfwi-gita-neswi,

YASFADOCI LOKU 9:11

Pvyaqv nihki mahsa-lagiki u pami moialadr-nrwv ini u nakvlr-wrli : macimi usilvwa-nvhi nihi, chena u kvlolvhi ini ugimrwi-drmkumi Mvnatu, chena nihi ya-grwrtvma-lici gega-hadewa u gega-hvhi.

YASFADOCI LOKU 9:60

Pvyaqv, Nvkvsi nihki na-pagiki wvhsi lakunr-wrci nahvlwrkv u nabo-mwvhi; wakv gelv nhrla macimi lfwrcimulu mafhega ini ugimrwi-drmkumi Mvnatu, u talrli nili.

YA-SFADOCI JRNE 18:20

Ud rpvftvwrli Jesise, Ni mahci tvwrci si kvlolv inv yalakuqvh-kvmigigi; mosvtvwi ni kvgahgimiwa msi-kvmikugi, chena ini mv-mrtumawi-kvmikugi, yr-tvh jrivhki nihki Josvki mrwvtwi bir-wrci; macimi mvtv wiahi ni gemi kvlvwi.

YA-SFADOCI JRNE 6:59

Betiga ini msi-kvmiqi iwv yolumv wiahi, yasi kvgahgimiwaci Gabrnivmegi.

YA-SFADOCI JRNE 7:1

Chena vhkuwihi ina yolumv wiahi Jesise brmfa Galalegi : xvga mvtv si taha wih brmfaci Cudiagi, xvga nihki Josvki u nvtunahrnrwv wvhsi nfrwrci nili.