HINI UWASI-BIADRCIMOWA ya-sfadoci MAFIYO 4:19 - Hini Uwasi-u-Biadrcimowa 1929

¹⁹ Chena Birku nrwvluskvwiku gelvwv, macimi ilanihi na-nvmafgrlrcki ga shalapwv, u talvhi nihi.

HINI UWASI-BIADRCIMOWA ya-sfadoci MAFIYO 4:19 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 16:24

Hina uwa Jesise u talvhi u kvgahgimrfhi, Qahqi wiyafv ilani nib wesv nakvlaqv, welrni inv girda-latvga weiv, chena u mvma ud rsitahfage-mi, macimi ni nakvlaqv.

HINI UWASI-BIADRCIMOWA ya-sfadoci MAFIYO 19:21

Wesv mafafi-ivna, nhrla, myagilu ba-bonv-mvni, macimi meli inv gitamrfv, chena gah bonv pvwrwa betiga wafapvh-kvmigigi : macimi birlu nakvsilu, u talrli Jesise.

HINI UWASI-BIADRCIMOWA ya-sfadoci MAFIYO 4:18

Chena brmfa pvkvci ini Galalewi msi-napi, inv u nawvhi neswi wa-janinrtihi, Svimvn’ Betv yr-lofutv, macimi u janinrli Andloli, bami ini msi-napigi ipvgitvmalici hrqvsqhrkv; xvga nr-nvmafgacki nihki.

HINI UWASI-BIADRCIMOWA ya-sfadoci MAFIYO 4:20

Chena nih-ki walanv u nvkvdrnrwv nili rqvsqhrkvnv, macimi u nakvlrwrli nihi.

HINI UWASI-BIADRCIMOWA ya-sfadoci MAFIYO 8:22

Pvyaqv Jesise, Nakvsilu; macimi nvkvsi nihki napagiki wvhsi lakunrwrci nahvlwrkv u nabowanwrli, u talrli nili.

HINI UWASI-BIADRCIMOWA ya-sfadoci MAFIYO 9:9

Chena yasi ini uci pamfaci Jesise, u nawrli ilaneli, Ma-fiyo yr-lofoli, bamvhga-pilici yr-tvh mrwvtuno-dagi taphi-gawa : macimi Nakvsilu, u talrli. Macimi inv pvfaqi chena u nakv-lrli.

YA-SFADOCI MRKV 2:14

Chena yasi mrlrqvhi pamfaci u nawrli Lefryeli nili u qihfvli Adfivs’ bami lamvtv-pilici yr-tv hini daxhiwagi, macimi Nakvsilu, u talrli. Chena inv pvfaqi macimi u nakvlrli.

YASFADOCI LOKU 5:27

Chena vhkuwihi ina yolumv wiahi via wapfa, macimi vlikv u nawrli daxewi-mrwvtunigah-feli, Lefri sifoli, bami lamvtv-pilici ini yr-tvh daxhiwagi, chena, Nakvsilu, u talrli.

YASFADOCI LOKU 9:59

Chena kutvkvli nuhgi, Nakvsilu u talrli. Pvyaqv, Dabalamiwatv, welrni la-lamilu wvhsi nhihtv nhriv macimi lakunvgi n’uhfv, isiwa inv.

YA-SFADOCI JRNE 1:43

Ini wvyrpvgi Galalegi wvhsi hrci si taha, macimi u mkv-wrii Filvbeli : chena nakvsilu u talrli Jesise.

YA-SFADOCI JRNE 12:26

Qahqi wiyafv ilani mesvmvwita, welrni inv nakvsita; macimi nelv tv hvpiv, nahfrpi ntvsi wa hvpi-wv ni mesvmrgamv : qahqi wiyafv ilani mesvmvwita, nileni inv Ufimv wa hutvgalamrli.

YA-SFADOCI JRNE 21:22

Qahqi nelv si tahaiv wvhsi inv nvkvhsigi brluhi biriv, nahiwa ini gelv si? nakvslu gelv, u talrli Jesise.