HINI UWASI-BIADRCIMOWA ya-sfadoci MAFIYO 28:7 - Hini Uwasi-u-Biadrcimowa 1929

⁷ Chena nhrkuna wa-watapi, chena wetvmv-wahku u kvgahgimrf-hi, Unskv inv nili na-pa-lici uci; chena sci, Galalegi si negrni gelvwv; ’n’tvsi gah na-wrwv : sci, naiahkv gi wetvmo-lapwv, u talvhi nihi iqahi.

HINI UWASI-BIADRCIMOWA ya-sfadoci MAFIYO 28:7 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 24:25

Wrpvtv-muku, gi mahci wetvmo-lapwv grsv.

HINI UWASI-BIADRCIMOWA ya-sfadoci MAFIYO 26:32

Pvyaqv mahci nelv unskrno-fuiv, Galalegi nahv mviuhqrci gelvwv, u talvhi.

HINI UWASI-BIADRCIMOWA ya-sfadoci MAFIYO 28:10

Huwa Jesise, Tagi grwilv-waku : nhrkuna wetvmv-wahku ni janinrki wvhsi nihki Galalegi hrwrci, macimi ’n’tvsi nah nvu-goki u talvhi nihi.

HINI UWASI-BIADRCIMOWA ya-sfadoci MAFIYO 28:8

Chena nihki wawatapi ini nabowrlv-kugi uci wapfaki gilagi grwilv-waki chena msi uwasi-labwrki, macimi mama-qeki wvhsi biatvwr-wrci kv-lvwewa u kvgahgimrfhi inv.

YA-SFADOCI MRKV 14:28

Pvyaqv mahci unsgr-niga nelv, Galalegi gah si negrnihala-pwv, u talvhi.

YA-SFADOCI MRKV 16:10

Hinv wapfa macimi u wetvmv-wvhi nihi mviahci pvh wedfa-mrcki nili, yasi nihki mvwa-wrci macimi wihfvqa-wrci.

YA-SFADOCI MRKV 16:13

Chena nihki wapfaki macmi ini u wetvmvwr-wvhi nihi mvisi nrlatv : mvtv nuhgi nihki u dapwahtvwr-wvhi nihi.

YASFADOCI LOKU 24:34

Inv Dabalamiwatv unskv svpkv-hi, macimi u mahci tapinvukufih-tvwrli Svimvneli, isiwaki.

YA-SFADOCI JRNE 14:29

Chena uwa gi mahci wetvmolapwv wihsi-bur ini biamikvgi, wvhsi, ina ini biarnikvga, manvwvhi gelvwv dapwahsayaqa.

YA-SFADOCI JRNE 16:4

Pvyaqv yolumv wiahi gi mahci kvlolalapwv, wvhsi ina ud rtafvmowa-nwv biayrga, manvwvhi gelvwv mkvwalatvmaqa nili, yasi wetvmolvku. Chena ina wasgi uci mvtv yolumv wiahi gi talapwv, xvga gi pvh-wed-famalapwv.