HINI UWASI-BIADRCIMOWA ya-sfadoci MAFIYO 28:18 - Hini Uwasi-u-Biadrcimowa 1929

¹⁸ Chena Jesise utfvhi nihi macimi u kvlo-lvhi, Jrivhgi simakufewa ni mahci mela-gopi betiga wafapvh-kvmigigi macimi usgi-drmqa.

HINI UWASI-BIADRCIMOWA ya-sfadoci MAFIYO 28:18 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 11:27

Jrivhki wiahi naiahkv ni mahci biaci pvgfanv-mrqv n’ Uh-fv : macimi mvtv nakuti u wrku-mrli nili Uqihfi-mrli, waciwaphi inv Uhfimv; mvtv nuhgi svpkvhi wiyafv u wrku-mrli nili Uhfi-mrli, waciwaphi inv Uqih-fimv, macimi inv goqa-nafvligrci inv Uqihfimv si taha wvhsi pvhginvmv-wrci nili.

HINI UWASI-BIADRCIMOWA ya-sfadoci MAFIYO 16:28

Tapilo gi tala-pwv nelv, Hvbeki nihki nrlatv na-nepv-wicki utvsi, nihgeni mvtv wah wiahi si ku-tvdr-nrwv nabowa, brluhi nihki wah nawr-wrli nili u Qihfvli ilani pami biawv ini u gimrwewa-nagi.

HINI UWASI-BIADRCIMOWA ya-sfadoci MAFIYO 26:64

Gi mahtuwa, u talrli Jesise : Pvyaqv gi talapwv nelv, Yoci inugi gah nawrwv gelvwv inv u Qihfvli ilani pami lamvtvpi tv hini mvyrwen-gigi Wrsikvgi, macimi pami biawv usgici nili manqvtwi uci brfqvki u talrli nili.

YASFADOCI LOKU 10:22

Jrivhki wiahi ni mahci biaci pvgfanv-mrqv n’Uhfv : macimi mvtv wiyafv u wrkumrli si wiyafv inv Uqihfimv, waci-waphi inv Ufimv; macimi si wiyafv inv Ufimv, waciwaphi inv Uqihfimv, macimi inv goqanafvli-grci inv Uqihfimv si taha wvhsi pvhginvmv-wrci nili.

YA-SFADOCI JRNE 13:3

Jesise, dawv’ hu wrkutv yasi nili Ufirnrli u laciwvli si mahci meliwalici jrivhki wiahi, chena Mvnadoli umagi inv, macimi Mvnadoli hrci,

YA-SFADOCI JRNE 17:2

datapilvhi yasi inv melvci gelv simakufewa wvhsi makufihtvgi jrivhki wivufi, wvhsi jrivhki nihi mviahci melvci, melrci goqalrqvsi lanvwawewa.

YA-SFADOCI JRNE 3:31

Hinv spamagi wa-makv sbalamakufi jrivhki : hinv ini vsisgi-drmqa waciwitv ini vsisgi-drmqa uciwi, macimi ini vsisgi-drmqa ud rtutv : inv manqvtugi wa-makv sbalamakufi jrivhki.

YA-SFADOCI JRNE 3:35

Hinv Ufimv ut vhqalamrli nili Uqihfimrli, macimi u laciwilici si meliwa jrivhki wiahi.