HINI UWASI-BIADRCIMOWA ya-sfadoci MAFIYO 28:10 - Hini Uwasi-u-Biadrcimowa 1929

¹⁰ Huwa Jesise, Tagi grwilv-waku : nhrkuna wetvmv-wahku ni janinrki wvhsi nihki Galalegi hrwrci, macimi ’n’tvsi nah nvu-goki u talvhi nihi.

HINI UWASI-BIADRCIMOWA ya-sfadoci MAFIYO 28:10 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 14:27

Pvyaqv walanv Jesise u talvhi, Uwasi-labwrku; nelv inv; tagi kih grwilvwa-pwv isiwa.

HINI UWASI-BIADRCIMOWA ya-sfadoci MAFIYO 25:40

Macimi inv Ugimv wa hrpvfsa chena, Tapilo gi talapwv nelv, xvga yasi ini panv-laqa nakuti iuh-kumv ni janinrki, weginrqi iuhkumv gahci-macilo-ficki, nelv ini kit panv-sipwv, wa hilvhi.

HINI UWASI-BIADRCIMOWA ya-sfadoci MAFIYO 25:45

Hina inv wa hrpvftv-wvhi nihi, Tapilo gi talapwv nelv, xvga yasi bur gelvwv ini panv-laqa nakuti iuhkumv gci-macilo-ficki, mvtv ini kit panv-sipwv nelv; wa hilvhi.

HINI UWASI-BIADRCIMOWA ya-sfadoci MAFIYO 26:32

Pvyaqv mahci nelv unskrno-fuiv, Galalegi nahv mviuhqrci gelvwv, u talvhi.

HINI UWASI-BIADRCIMOWA ya-sfadoci MAFIYO 28:16

Wakv nihki matvhfwi-gita-nakuti kvgahgimr-fvki Galalegi haki, ini maqvhgigi tvsi ya-wetvmv-wrci Jesise.

HINI UWASI-BIADRCIMOWA ya-sfadoci MAFIYO 28:5

Chena inv ancvli rpvfsa, Tagi grwilv-waku; xvga ni wrkutv yasi Jesise nvtuna-whaqa, inv mviahci rsitafho-futv.

HINI UWASI-BIADRCIMOWA ya-sfadoci MAFIYO 28:7

Chena nhrkuna wa-watapi, chena wetvmv-wahku u kvgahgimrf-hi, Unskv inv nili na-pa-lici uci; chena sci, Galalegi si negrni gelvwv; ’n’tvsi gah na-wrwv : sci, naiahkv gi wetvmo-lapwv, u talvhi nihi iqahi.

HINI UWASI-BIADRCIMOWA ya-sfadoci MAFIYO 28:9

Chena wrpv-mahku, Jesise u nvxkv-wvhi nihi, Huwasi-lrsvmv-mowa jrivhki cahi, isiwa. Chena biaki nihki macimi u tah foginvmr-kuhi u fitvli, chena u svsilvwaha-kuhi.

YA-SFADOCI MRKV 16:7

Wakv nhrkuna, wetvmv-wahku u kvgahgimrfhi macimi Betv, Galalegi gi tah negrni-hakuwv : ’n’tvsi gah nawrwv, ya-lalwrqa inv.

YA-SFADOCI JRNE 20:17

Tagi pahsanilu; xvga nelv mvtv gawvgi inv Ufimv ni ta kuqicfa : wakv ni janinrki hrlu, macimi, Nelv n’ Uhfv ni ta kuqicfa macimi gelvwv k’ Uhfwv, che-na nelv ni Mvnadomv macimi gelvwv ki Mvnadomwv, hisi nihki, utalrli Jesise.

YA-SFADOCI JRNE 6:20

Pvyaqv inv, Nelv, tagi grwilvwaku, u talvhi nihi.