HINI UWASI-BIADRCIMOWA ya-sfadoci MAFIYO 27:63 - Hini Uwasi-u-Biadrcimowa 1929

⁶³ Yalani-wivni, ni mkvwala-drpa yasi inv wa-nigamu, ia-haiahi gawvgi lanvwa-wici, Mahci nfukunv-giga na hunskv nuhgi iuci.

HINI UWASI-BIADRCIMOWA ya-sfadoci MAFIYO 27:63 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 16:21

Hina lrqv uci ut vlami wrpvta-lvhi Jesise u kvgahgimrfhi, wvhsi qelvhi Culosalame hrci, macimi vhqi-nvgi maci wiahi nihi uci gigi-lanihi chena ugimrwi mkvtaukulviahi chena yr-ivwi-galici, macimi wvhsi nfaqici, chena ini nfwi grsagigi unsgrno-fuci.

HINI UWASI-BIADRCIMOWA ya-sfadoci MAFIYO 17:23

macimi nihki wa nfr-wrli nili, chena ini mawi nfuku-nvgigi wa hunsgr-nofu, u talvhi nihi. Chena nihki vn-hiwawi mvci-labwrki.

HINI UWASI-BIADRCIMOWA ya-sfadoci MAFIYO 20:19

chena wah si pvgfanr-wrli nihi Nvnvhkvwi-lanihi wvhsi wrpvlrchr-wrci, chena wvhsi lihfe-wvnwhr-wrci, macimi wvhsi vsitafwhr-wrci nili : chena ini mvwi-nfukunv-giga inv wa hunsgr-nofu, u talvhi.

HINI UWASI-BIADRCIMOWA ya-sfadoci MAFIYO 26:61

macimi Yrmv ilani, Ni dabelafi wvhsi lekvta-nvmv ini u mvmrtumawi-kvmiqi Mvnatu, macimi upvtanvmv ini nfuku iwv, isiwaki.

HINI UWASI-BIADRCIMOWA ya-sfadoci MAFIYO 27:64

Tapiga-mulu waciganvhi wvhsi ryeci gcitvwr-fegi brlu’ hini mvwi-nfukunv-giga, wvhsi bur gikvmoci u kvgahgimrfhi birlici chena gemiwalr-wrci nili, macimi Unskv inv nili na-palici uci, ilr-wrci lanvwahi : chena ini jaiahqi bemi-lvwewa vlikv wa hinwi notv ini nhihtv, isiwaki.

HINI UWASI-BIADRCIMOWA ya-sfadoci MAFIYO 28:6

Mvtv-lrqv inv utvsi; xvga unskv inv, datapilvhi ya-iuci. Birku, wrpvtv-muku ini tvh saxigi inv Dabalamiwatv.

YA-SFADOCI MRKV 10:34

macimi nihki wah wrpvlrchr-wrli, chena wah fe-faqrlr-wrli, chena wah lihfewvn-whr-wrli, macimi wa nfrwrli nili; chena mahci nfukunv-giga inv wa hunskv nuhgi, iwv.

YA-SFADOCI MRKV 8:31

Chena ut vlami kvgahgi-mvhi, wvhsi inv u Qihfvli ilani qe-lvhi vhqi-nvmuci maci wiahi, macimi rlvwinr-kuei nihi gigi-lanihi, chena nihi ugimrwi mkvtaukulviahi, chena nihi yrivwi-galici, macimi nfaci, chena mviuhqrci unsgrci nuhgi nfukunvgiga.

YA-SFADOCI MRKV 9:31

Xvga u kvgahgi-mvhi u kvgahgimrfhi, Inv u Qihfvli ilani uwa nihki u laci-wrki ilaneki si melatipi, chena wa nfr-wrli nihki nili; macimi ina nfaqita, mahci nfuku-nvgiga wa hunskv inv nuhgi u talvhi.

YASFADOCI LOKU 18:31

Chena u mvmvhi nihi matvhfwi-gita-neswi, macimi, Wrpvtv-muku, Culosalamegi kita kuqicsinapa, macimi nili jrivh-ki wiahi yawigagi srpwi nihki mrmosigesqacki wah macfadrqi inv u Qihfvli ilani.

YASFADOCI LOKU 18:33

chena wah lihfewvnwhr-wrli nihki macimi wa nfrwrli : chena ini mvwi-nfuku nvgiga inv wa hunskv nuhgi, u talvhi.

YASFADOCI LOKU 23:2

Macimi ut vlami vhtalrwrli, Ni mkvwrpa yrmv ilani bami bemi-lutvgi ni tfwalo-wananv, macimi bami kutasiwaci wvhsi Sesv si meliwagi daxhofo-wa, chena iwv inv yasi welv Klvisde-wici ugimv, iwvki nihki.

YASFADOCI LOKU 9:22

Hinv u Qihfvli ilani qelvhi wa hvhqi-nvmwv maci wiahi, macimi wa hrlvwina-kuhi nihi gigi-lanihi chena ugimrwi mkvtaukulviahi chena yr-ivwiga-lici, macimi wa nfaqi, chena ini mvwi-nfuku-nvgiga wa hunsgr-nofu, isiwa.

YA-SFADOCI JRNE 2:19

Jesise rpvfsa macimi, Lekvtanv-muku yomv mvmrtum-awi-kvmiqi, macimi nfuku ini na hupvtanv, u talvhi.

YA-SFADOCI JRNE 7:12

Macimi maci patfvkuwawa ntvsi alagenv nihki mahsalagiki nili uci : nrlatv, Uwasi ilani inv, iwvki; kutvkvki, Mvtv, wakv u wrniwalvhi nihi mahsalalici, iwvki.

YA-SFADOCI JRNE 7:47

Waciganvhi nihki Palaseki ud rpvftvwrwvhi nihi, Hv nahfrpi gelvwv ki wrni-walagopwv?