HINI UWASI-BIADRCIMOWA ya-sfadoci MAFIYO 27:24 - Hini Uwasi-u-Biadrcimowa 1929

²⁴ Waciganvhi iah namagi Brlvde yasi brmaci grjekv tvtv-wrn-gawa pami pvfaqe-yrlici, u tah mvma napi, macimi gifi-lacv ya-lvhfv-melici nihi mahsa-lalici, Ni fvfvyr-gifi ini u mskumi yrmv tapvsvwi-lani : gelvwv mamaginr-pvtv-muku, isiwa.

HINI UWASI-BIADRCIMOWA ya-sfadoci MAFIYO 27:24 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 26:5

Pvyaqv, Tagi ini lrqvsi wa-wihfanci-gagi, belapa tvtvwrngawa wah pvfaqeiv alagnev nihki lanvwaki, iwvki.

HINI UWASI-BIADRCIMOWA ya-sfadoci MAFIYO 27:19

Chena ia-haiahi ini tapuwawi-vhpvbewa-nagi lamvtv-pici, wewvli biaci wrwen-gali, Tagi wiahi bonvnu wv ipanv-lvci inv tapvsvwi-lani : xvga ni mahci vhqinv maci wiahi vhpuwawa-nagi inugi grsa-gigi, u tagoli.

HINI UWASI-BIADRCIMOWA ya-sfadoci MAFIYO 27:23

Macimi, Gociwa, nahiwa ma-jrfigi si mahci lvwi inv? isiwa. Pvyaqv nihki vnhiwa-wvhotv-moki, Welrni wi hrsitaf-hofu, lvhotv-moki.

HINI UWASI-BIADRCIMOWA ya-sfadoci MAFIYO 27:4

Ni mvci-lvwi yasi mahci masdru-doiv fvfv-yrgi msqi, isiwa. Pvyaqv nihki, Nahiwa ini nelvwa si? gelv ini ma-maginr-pvtvnu, u takuhi.

HINI UWASI-BIADRCIMOWA ya-sfadoci MAFIYO 27:54

Huwa inv kvpdenv, chena nihki weci nili bami gcitvwrpv-mrcki Jesiseli, iah namu-wrci ini vsisgi-nomas-grwa macimi nili wiahi ya-ipanvdo-daki, vnhiwawi kupanaki, Dabwawa yrmv nileni u Qihfvli Mvnatu, iwvki.

HINI UWASI-BIADRCIMOWA ya-sfadoci MAFIYO 27:9

Hina uwa uqrufadota ini yasi kv-lvwigi srpwi Calamriv inv mrmosiges-qatv, Macimi u mvma-nrwv nili nfwrpitvgi baxkvhki wrpi-mnui, ini yala-lamakufici inv ini ya-lvgimo-futv, nili ya-lvgimr-wrci nihki nr-nakuti ut vpaluhfa-mhi Iswelv,

YA-SFADOCI JRNE 13:9

Dabalamiwatv, mvtv ni fitvli pahi, wakv ni laciwvli nahfrpi macimi nesi, u talrli Svimvn’ Betv.

YA-SFADOCI JRNE 19:4

Chena Brlvde luhfa nuhgi, macimi, Wrpvmahku, gi biaci luhfvdolapwv inv, wvhsi gel-vwv manvwvhi wrkutvmaqa yasi bur nelv mkvmv weyrgi mvcilv-wewa, u talvhi nihi.