HINI UWASI-BIADRCIMOWA ya-sfadoci MAFIYO 26:63 - Hini Uwasi-u-Biadrcimowa 1929

⁶³ Pvyaqv Jesise nolawi. Chena inv mospi-maku-fewi mkvtaukulvia Gi mvyrwi vhdoci-mala inv la-nvwawitv Mvnatu, wvhsi gelv wetvmvwi-yrga qahqi tuga geiv inv Klvisde, nili u Qihfvli Mvnatu u talrli.

HINI UWASI-BIADRCIMOWA ya-sfadoci MAFIYO 26:63 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 16:16

Macimi Svimvn’ Betv rpvf-sa, Inv Klvisde gelv, nili u Qihfli inv ya-pitv Mvnatu, u talrli.

HINI UWASI-BIADRCIMOWA ya-sfadoci MAFIYO 26:62

Chena inv mospi-makufewi mkvtaukulvia pvfaqi macimi, Hv mvtv wiahi gid rpvftv? nahiwa ini iuhkumv ja-cvhtvwrci-mahgi? u talrli.

HINI UWASI-BIADRCIMOWA ya-sfadoci MAFIYO 27:12

Chena iah cvhtvwrci-makuci nihi ugimrwi mkvtaukulviahi chena gigi-lanihi, mvtv wiahi rpvfsa.

HINI UWASI-BIADRCIMOWA ya-sfadoci MAFIYO 27:14

Macimi mvtv u melrli rpvfsa-wa, mvtv muhci nakuti kvlvwewa : waciganvhi inv kvpanvli ulrmi mvivci-taha.

HINI UWASI-BIADRCIMOWA ya-sfadoci MAFIYO 27:40

macimi Gelv wvh lekvta-nvkv ini mvmr-tumawi-kvmiqi, macimi ini wv hupvta-nvkv nfuku, wrpvnas-dolu geiv : henv-wivna u Qihfvli Mvnatu, ini yr-sitahfagi uci qvsfrlu, u talr-wrli.

HINI UWASI-BIADRCIMOWA ya-sfadoci MAFIYO 27:43

Hu mfala-mrli-iu Mvnadoli; welrni uwa nili pvgfana-kuta, skvtv la-lamrta nili : xvga Neiv inv u Qihfvli Mvnatu iwv-iu, u takuhi.

HINI UWASI-BIADRCIMOWA ya-sfadoci MAFIYO 27:54

Huwa inv kvpdenv, chena nihki weci nili bami gcitvwrpv-mrcki Jesiseli, iah namu-wrci ini vsisgi-nomas-grwa macimi nili wiahi ya-ipanvdo-daki, vnhiwawi kupanaki, Dabwawa yrmv nileni u Qihfvli Mvnatu, iwvki.

HINI UWASI-BIADRCIMOWA ya-sfadoci MAFIYO 4:3

Macimi inv kucilahfi biawv chena, Qahqi geyrwivna nili u Qihfvli Mvnatu, tapigamulu wvhsi iuhkumv sekunvki tvkuwhrni-wiwrci, u tagoli.

YA-SFADOCI MRKV 14:61

Pvyaqv ud ryetvtanv u nolawewa, macimi mvtv-wiahi rpvfsa. Nuhgi inv mospi-makufewi mkv-taukulvia u nvtuhtv-wrli, Hv geiv inv Klvisde, nili u Qihfvli inv Gisrciwafinv? u talrli.

YA-SFADOCI JRNE 1:34

Chena ni mahci nama, macimi ni mahci pvh-nema dabwawa yasi yolumv nileni u Qihfici Mvnatu.

YA-SFADOCI JRNE 1:49

Nafanivle ud rpvftvwrli, Labrye, nili Mvnatu u Qih-fvli gelv; Ugimrmvli Iswelv gelv, u talrli.

YA-SFADOCI JRNE 10:24

Nihki Josvki waciganvhi biaki gryrukv nili, macimi, Drniwa Irqvsi gelv git kvwrci foginipa? Qahqi geiv-wivna inv Klvisde, tapinvlaqi wetvmvwinrga, u talrwrli.

YA-SFADOCI JRNE 10:30

Neiv chena inv Ufimv ni nakudwepa.

YA-SFADOCI JRNE 10:36

hv Gi pvhdrmu gelv, ki talrwv inv nili inv Ufimv ya-yrphrci macimi ini yalakuqvh-kvmigigi ya-wrwenaskvwrci; hv xvga, Neiv inv u Qihfvli Mvnatu, ni taiu?

YA-SFADOCI JRNE 18:37

Waciganvhi, Hv uwa ugimv gelv? u talrli Brlvde. Jesise rpvfsa, Gi taiu gelv yasi ugimrwiv nelv. Yomv n’ uci mahci negi, macimi yomv n’ uci bir ini yalakuqvh-kvmigigi, wvhsi dabwaminakuiv ini dabwawa. Jrgi wiyafv ini dabwawa waciwitv u notv ni ta sihsimowa.

YA-SFADOCI JRNE 19:7

Ud rpvftvwrwrli nihki Josvki, Ni bonrpa kutaladewa, macimi ini kutaladewa qelvhi wi huci napwv inv, xvga inv nili u Qihfvli Mvnatu u ta sdo weiv.

YA-SFADOCI JRNE 19:9

macimi nuhgi in Pladolivme si becfa, chena inv, Drniwa uci gelv? u talrli Jesiseli. Pvyaqv Jesise mvtv u melrli rpvfsawa.

YA-SFADOCI JRNE 20:31

wakv yolumv vwigapi, wvhsi gelvwv manvwvhi dapwahsayaqa yasi Jesise inv Klvisde-wici, nili u Qihfvli Mvnatu; macimi wvhsi dapwahsawiyaqa manvwvhi gelvwv bonvmaqa lanvwawewa u wefowa-nagi.

YA-SFADOCI JRNE 6:69

Chena ni mahci dapwahsapa macimi ni wrkudrpa yasi gelr-wivni inv Wafapafitv Nakuti Mvnatu uci, u talrli.

YA-SFADOCI JRNE 8:25

Nihki waciganvhi, Nafvwa gelv? u talr-wrli. Datapilv’ hini mviahci nahfrpi kvlolalvku ina wasgi uci.