HINI UWASI-BIADRCIMOWA ya-sfadoci MAFIYO 26:39 - Hini Uwasi-u-Biadrcimowa 1929

³⁹ Chena vlikv si wapfa takvwihi, macimi mrsi ulamqi pvxinwv wadrbaci, chena mvmrtuma, N’Uhfahi, qahqi kvtvwi ini-ga, welrni yrmv taphikv pamfata neyrgi uci : pvyaqv, mvtv yasi tahaiv nelv, wakv gelv yasi taha-ivni, iwv.

HINI UWASI-BIADRCIMOWA ya-sfadoci MAFIYO 26:39 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 20:22

Pvyaqv Jesise rpvfsa macimi Mvtv ki wrkudr-nrwv na-tutv-maqa. Hv ki dabelafi-pwv gelvwv wvhsi mana-yaqa inv taphikv wrsv nvwitu uwa manaiv? isiwa. Ni dabelafipa, u takuhi.

HINI UWASI-BIADRCIMOWA ya-sfadoci MAFIYO 24:24

Xvga ’n’tvsi wah pvfaqeki myrsi Klvisdeki, chena myrsi mrmosigesqacki, macimi wah wrpvtasi-waki mvgi giginolowanv macimi qa-qahdr-niki; wvhsi bemi wasiwa-wrci, kvtvwi-iga, weginrqi nili ma-mo-fulici.

HINI UWASI-BIADRCIMOWA ya-sfadoci MAFIYO 26:42

Nuhgi mvwi-nesana wapfa, chena mvmrtuma, N’Uhfahi, qahqi yomv bur kvtvwi pamfa-yrga, waciwaphi nelv manaiv, gi tasi tahawa wa hisi lvwepi, iwv.

YA-SFADOCI MRKV 13:22

xvga wah pvfaqeki ’n’tvsi myrsi Klvis-deki chena myrsi mrmosigesqacki, macimi wah wrpvtasi-waki gigi no-lo wan v chena lvkuqahdrni-wiahi, wvhsi manvwvh’ bemi wasiwa-wrci nihki, qahqi kvtvwiga, nili mayruho-fulici.

YASFADOCI LOKU 17:16

macimi mrlrqvhi u fitvli si ulamqi-pvxinoli, niyrwa u melagilo : chena Samaliyawi-lanvwa inv.

YA-SFADOCI JRNE 11:41

Waciganvhi nihki vlikv uta si walrwrli nili sekunvli. Macimi Jesise spamagi lrpi u sgesaku, chena, Ufimv, niyrwa yasi gelv notvwivni.

YA-SFADOCI JRNE 14:31

wakv wvhsi inv yalakuqvh-kvmigigi manvwvhi wrku-tvgi yasi nelv vhqalamvgi inv Ufimv, macimi yasi inv Ufimv melici tapigamowa, datapilvhi yone ni ta silvwi. Pvfaqedrku, welrni yoci wapfadrku.

YA-SFADOCI JRNE 18:11

Jesise waciganv’, Hini bedrkvnagi si bonvnu ini gisg-hikv : hv mvtv nah mana inv taphikv, inv Ufimv mviahci melici, u talrli Betvli.

YA-SFADOCI JRNE 5:19

Waciganvhi Jesise rpvfsa, macimi, Tapilo, tapilo, gi talapwv nelv, Inv Uqihfimv mvtv-wiahi ivh kvtvwi si lvwi pasiqi weiv, wakv wiahi na-namagi inv nili Ufimrli bami si lvwelici : xvga goqa-nahi-grci si wiahi inv si lvwi, yoloni nahfrpi inv Uqihfimv si lvwi ufapi ivskv ini.

YA-SFADOCI JRNE 5:30

Mvtv-wiahi pasiqi ni tvh kvtvwi si lvwi : yasi nodrgaiv, ni talvhkuwa : macimi ni talvhkuwawa tapvsvwvtwi; xvga mvtv nelv ni tasi tahawa ni nvtunahv, wakv inv u tasi tahawa wa-wrwenaskvwitv.

YA-SFADOCI JRNE 6:38

Xvga nelv wafapvh-kvmigigi ni uci svhgigi bir, mvtv wvhsi nelv yasi tahaiv si lvweiv, ini u tasi tahawa wakv inv wa-wrwenaskvwitv.