HINI UWASI-BIADRCIMOWA ya-sfadoci MAFIYO 25:40 - Hini Uwasi-u-Biadrcimowa 1929

⁴⁰ Macimi inv Ugimv wa hrpvfsa chena, Tapilo gi talapwv nelv, xvga yasi ini panv-laqa nakuti iuh-kumv ni janinrki, weginrqi iuhkumv gahci-macilo-ficki, nelv ini kit panv-sipwv, wa hilvhi.

HINI UWASI-BIADRCIMOWA ya-sfadoci MAFIYO 25:40 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 10:40

Hinv gelvwv wa-utvhpanalwrqa n’ utvhpanaqv nelv, macimi inv wa-utvhpanitv nelv utvhpanrli nili wa-wrwenilici.

HINI UWASI-BIADRCIMOWA ya-sfadoci MAFIYO 10:42

Chena goqa-nafv-grci wah melrli wvhsi manalici nakuti iuhumv macilofilici nakuti taphikv pahi tahkvgi napi, in u wefowa-nagi kvgahgimrfv, tapilo gi talapwv nelv, mvtv wa hinv wiahisi wvntu u taphufewa.

HINI UWASI-BIADRCIMOWA ya-sfadoci MAFIYO 18:10

Wrpvtv-muku wvhsi bur gelvwv segala-maqa nakuti iuhkumv ma-cilofi-ciki : xvga gi tala-pwv nelv, nihki ut ancvle-mwvhi betiga wafapvh-kvmigigi svpkvhi mosvtvwi u talrpvtv-mrkuhi u talrbawa n’Uhfv ya-pitv wafapvh-kvmigigi.

HINI UWASI-BIADRCIMOWA ya-sfadoci MAFIYO 25:34

Hina uwa inv Ugimv wa hilvhi nihi u mvyrwen-gigi, Birku, gelvwv ga-gisrdala-mrci n’Uhfv, lrpi u welrmiku ini ugimrwi-drmqa mviahcfadofu-yaqa ina mahtvhgah-fanwi ini ya-lakuqvh-kvmigigi uci :

HINI UWASI-BIADRCIMOWA ya-sfadoci MAFIYO 25:39

Chena drniwa lrqv ki nvu-lapa git vhqi-luga, walr gi giphu, macimi ki nvuha-lapa? wa hisiwaki.

HINI UWASI-BIADRCIMOWA ya-sfadoci MAFIYO 25:45

Hina inv wa hrpvftv-wvhi nihi, Tapilo gi talapwv nelv, xvga yasi bur gelvwv ini panv-laqa nakuti iuhkumv gci-macilo-ficki, mvtv ini kit panv-sipwv nelv; wa hilvhi.

HINI UWASI-BIADRCIMOWA ya-sfadoci MAFIYO 28:10

Huwa Jesise, Tagi grwilv-waku : nhrkuna wetvmv-wahku ni janinrki wvhsi nihki Galalegi hrwrci, macimi ’n’tvsi nah nvu-goki u talvhi nihi.

YA-SFADOCI MRKV 9:41

Xvga goqa-nafv-grci gah mela-kuwv taphikv-nagi napi wvh’ mana-yaqa, xvga Klvisde welv gelvwv, tapilo gi tala-pwv nelv, mvtv inv wiahisi u tvh wvntu u taphufewa.

YASFADOCI LOKU 19:38

Gisrda-lamakufi ca hinv Ugimv ba-biatv ini u wefowa-nagi inv Dabalamiwatv : grmrnelafewa cahi betiga wafapvh-kvmigigi, macimi wvhfrci-makufewa ini wihkuci lspi, iwvki.

YA-SFADOCI JRNE 20:17

Tagi pahsanilu; xvga nelv mvtv gawvgi inv Ufimv ni ta kuqicfa : wakv ni janinrki hrlu, macimi, Nelv n’ Uhfv ni ta kuqicfa macimi gelvwv k’ Uhfwv, che-na nelv ni Mvnadomv macimi gelvwv ki Mvnadomwv, hisi nihki, utalrli Jesise.