HINI UWASI-BIADRCIMOWA ya-sfadoci MAFIYO 25:34 - Hini Uwasi-u-Biadrcimowa 1929

³⁴ Hina uwa inv Ugimv wa hilvhi nihi u mvyrwen-gigi, Birku, gelvwv ga-gisrdala-mrci n’Uhfv, lrpi u welrmiku ini ugimrwi-drmqa mviahcfadofu-yaqa ina mahtvhgah-fanwi ini ya-lakuqvh-kvmigigi uci :

HINI UWASI-BIADRCIMOWA ya-sfadoci MAFIYO 25:34 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 13:35

wvhsi manvwv’ hini uqihfagi ya-iugi srpwi inv rar-mosigesqatv, Pamrtuwawanv nah si tvwanv ni doni; Na hrtutv wiahi gigifoiv ina uskvh-gahfanwi ini ya-laku-qvh-kvmigigi uci.

HINI UWASI-BIADRCIMOWA ya-sfadoci MAFIYO 19:29

Chena jrgi wiyafv mviahci nvkvtvkv wegiwr-pvli, walr ujaninrnvhi, walr utiqami-mvhi, walr ufimrli, walr ugali, walr vpalufhi, walr vsisgi-wvli, xvga ni wefowa uci, wa hutfaku tabawa-tfwagfanwi, macimi wah lrpsinwv goqa-lrqvsi ianvwawewa.

HINI UWASI-BIADRCIMOWA ya-sfadoci MAFIYO 20:23

Svpkvhi gah mana-pwv ni taphikv : pvyaqv wvhsi lamvtvpi-yaqa ni mvyrwen-gigi, chena ni nvmvjen-gigi, mvtv nelv ini wvhsi meli-waiv, wakv nihgeni welvwv ini nihi naiahkv mviahci nvnvsfatv-wrci n’Uhfv, u talvhi.

HINI UWASI-BIADRCIMOWA ya-sfadoci MAFIYO 21:5

Wetvmv-wahku gelvwv nili u drnah-fvli Srivni, Wrpvmi, g’Ugimr-mv g’utfaqv, Nvnvhbr-jelafi, chena u pami nvia-goli jagefvli, Macimi usgici mvhgotala-fvli u nejrnvli jagefv : iupi.

HINI UWASI-BIADRCIMOWA ya-sfadoci MAFIYO 25:21

G’uwasi Ivwi cahi, uwasi macimi tapvsvwi vlolrgrfv : gi mahci tapvsvwafi lrkufwe-mahi wiahi, maci wiahi gah tvlwvh-fala nelv : becfrlu gelv ini uwasi-labwrwa-nagi dabala-mahkv, u tagoli dabalama-kuci.

HINI UWASI-BIADRCIMOWA ya-sfadoci MAFIYO 25:23

G’uwasi Ivwi cahi, uwasi macimi tapvsvwi vlolrgrfv; gi mahci tapvsvwafi Irkufwe-mahi wiahi, maci wiahi gah tvlwvh-fala nelv : becfrlu gelv ini uwasi-labwrwa-nagi dabala-mahkv, u tagoli dabalama-kuci.

HINI UWASI-BIADRCIMOWA ya-sfadoci MAFIYO 25:40

Macimi inv Ugimv wa hrpvfsa chena, Tapilo gi talapwv nelv, xvga yasi ini panv-laqa nakuti iuh-kumv ni janinrki, weginrqi iuhkumv gahci-macilo-ficki, nelv ini kit panv-sipwv, wa hilvhi.

HINI UWASI-BIADRCIMOWA ya-sfadoci MAFIYO 25:41

Hina uwa nahfrpi wa hilvhi nihi ini u nvmvjen-gigi, Nelv uci srwaku, gelvwv pvhtvhgr-fvki, ini hrku goqa-lrqvsi skuta mviahc-fado-fuci inv mvci-mvnatu macimi ut ancvle-mhi :

HINI UWASI-BIADRCIMOWA ya-sfadoci MAFIYO 27:37

Chena u tah bonr-nrwv nihki spama-fagi welagi uci inv u cvhtvwrcimo-fowa mahtv-wigrta, VLV-YRMV INV JESISE NILI UGIMR-MWRLI NIHKI JOSVKI, Ivwigrta.

HINI UWASI-BIADRCIMOWA ya-sfadoci MAFIYO 3:2

Mvtveni si tahaku gelvwv; xvga ini wafapvh-kvmigigi ugimrwi-drmqa uwa mrlrqvhi, pami iwv.

HINI UWASI-BIADRCIMOWA ya-sfadoci MAFIYO 5:19

Waciganvhi goqa-nafv-grci wah puskunv nakuti yolumv gcimacqrfiki tapigamowanv macimi yone wah si kvgahgimrci ilanihi, gcimrcilofi wa hrlofu betiga ini wafapvh-kvmigigi ugimrwi-drmqa : wakv goqa-nafv-grci wah silvwi macimi wah kvgahgimiwa nili, hinv mahselafi wa hrlofu betiga ini wafapvh-kvmigigi ugimrwi-drmqa.

YA-SFADOCI MRKV 10:17

Chena yasi via wapfaci ini ya-hrci, nakuti ’n’tvsi biap-doli, macimi u nvtuhdr-goli, Uwasi Ga-gahgimiwa, nahiwa nah si Ivwi wvhsi manvwvhi lrpi-tabalatvmv buryr jaiahqrgi lanvwa-wewa? u tagoli.

YA-SFADOCI MRKV 10:40

wakv wvhsi lamvtvpi-yaqa ni mvyrwen-gigi walr ni nvmvjen-gigi mvtv nelv ini wvhsi meliwaiv; wakv nihki welvwv ini ya-kvwrcfado-fucki, u talvhi Jesise.

YASFADOCI LOKU 11:28

Pvyaqv, Hvnkv grjekv, gisrciweki nihki na-notvgiki ini u kvlvwewa Mvnatu macimi u gjetunr-nrwv ini, isiwa.

YASFADOCI LOKU 11:50

wvhsi ini u mskumwv jrivhki nihki mrmosigesqacki, fa-feghodagi ina vlamvhgah-fanwi ini ya-lakuqvh-kvmigigi uci, manvwvh brbiaci lalatvmv-waci yrmv inugi sqelanvwa;

YASFADOCI LOKU 12:32

Tagi kutv-muku, cvgi nakudwalo-fvki; xvga ini yasi uwasi manwi-tahawa-nici k’Uhfwv wvhsi melal-wrqa ini ugimrwi-drmqa.

YASFADOCI LOKU 19:38

Gisrda-lamakufi ca hinv Ugimv ba-biatv ini u wefowa-nagi inv Dabalamiwatv : grmrnelafewa cahi betiga wafapvh-kvmigigi, macimi wvhfrci-makufewa ini wihkuci lspi, iwvki.

YA-SFADOCI JRNE 1:49

Nafanivle ud rpvftvwrli, Labrye, nili Mvnatu u Qih-fvli gelv; Ugimrmvli Iswelv gelv, u talrli.

YA-SFADOCI JRNE 12:13

u mvmanrwv nili pvwefvlvni-mesa uci nili pvhgaivkuki, chena wapfaki u mvwi nvxkvwrwrli nili, macimi, Hosanv : Gisrdala-makufi inv ba-birtv ini u wefowa-nagi inv Dabalamiwatv, datapilvhi nili Ugimrmvli Iswelv, lvhotvmoki.

YA-SFADOCI JRNE 17:24

Ufimv, nihki mviahci melivni gelv, skvtv ni tasi taha wvhsi tv hvpiv, nihki nahfrpi manvwvhi weci vpimiwrci, wvhsi nihki manvwv’ hilrpvtvmuwrci ni wvhfrci-makufewa, mviahci gelv melivni : xvga git vhqalami wihsi-bur ini uskvh-kvmigigi ini yalakuqvh-kvmigigi.

YA-SFADOCI JRNE 19:15

Nihki waciganvhi, Vlikv si walahku, vlikv si walahku, rsitafhuhku ! lvhotvmoki. Hv na hrsitafwhv k’ Ugimrmwv? u talvhi Brlvde. Nihki ugimrwi mkv-taukulvyaki rpvfsaki, Mvtv ni bonrpa ugimv Sesv pvyaqv.