HINI UWASI-BIADRCIMOWA ya-sfadoci MAFIYO 23:13 - Hini Uwasi-u-Biadrcimowa 1929

¹³ Pvyaqv ki mvci-labwrwa-nipwv cahi gelvwv, yr-ivwigacki chena Palaseki, naluhci-lvwi-wahfeki ! xvga gelvwv ki giphv-mvwr-wrki ilaneki ini wafapvh-kvmigigi ugimrwi-drmqa : mfahgrci mvtv ki becfrpwv gelvwv, mvtv-nuhgi welrni ki tala-lamr-wrki nihki bami uttvgiki wvhsi becfr-wrci.

HINI UWASI-BIADRCIMOWA ya-sfadoci MAFIYO 23:13 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 23:16

Ki mvci-labwrwa-nipwv cahi gelvwv, kvgabe-qawi nrgrnecki, Goqa-nafv-grci wa vdoci jegingamu ini mvmrtumawi-kvmiqi, mvtv-wiahi ini; wakv goqa-nafv-grci wa vdoci jegingamu ini mvmrtumawi-kvmiqi uci goli, ma-mosina-higatv inv, yr-iucki.

HINI UWASI-BIADRCIMOWA ya-sfadoci MAFIYO 23:23

Ki mvci-labwrwa-nipwv cahi gelvwv, yr-ivwigacki chena Pa-laseki, naluhci-lvwi-wahfeki ! xvga ki dr-daxhr-nrwv msawa-wvsqi macimi tili-wvsqi macimi kvmini-wvsqi, chena ki nvkvdr-nrwv mvtv mahci ludota nili vliwi qa-faqvki wiahi ini kutaladewa uci, ta-pvsvu-panvla-dewa, chena gitaminrqa-ladewa, chena dapwah-sawa : wakv gelvwv yoloni iu naiahkv kih mahci lvwepwv, macimi mvtv-iu ki tv hini kutvgi bur naiahkv mahci lvwepwv.

HINI UWASI-BIADRCIMOWA ya-sfadoci MAFIYO 23:25

Ki mvci-labwrwa-nipwv cahi gelvwv, yr-ivwigacki chena Palaseki, naluhci-lvwi-wahfeki ! xvga ki fr-fvfvyrg-hrwv inv taphikv frgici wvyatvhqa macimi ini saswi-lrkv, pvyaqv betiga nihki uqihfanwi seqidowafewa mvmelowi-lvwewa chena ufrmi-lvwewa.

HINI UWASI-BIADRCIMOWA ya-sfadoci MAFIYO 23:27

Ki mvci-labwrwa-nipwv cahi gelvwv, yr-ivwigacki chena Pa-laseki, naluhci-lvwi-wahfeki ! xvga wa-wrpdo-daki nabowanv yasi nrkufi-yaqa, uwasi-nrqvtu nili frgici uci, pvyaqv lrmagi uqihfanu nabowi ilaneki u kvna-mwv, macimi jrivhgi wa-ivgrjrgi.

HINI UWASI-BIADRCIMOWA ya-sfadoci MAFIYO 23:29

Ki mvci-labwrwa-nipwv cahi gelvwv, yr-ivwigacki chena Palaseki, naluhci-lvwi-wahfeki ! xvga gelvwv k’upvtanv-mvwr-wrki nili u nabowa-nwv nihki mrmosigesqacki, macimi ki nrswih-tvwr-wrki u nabowrlvku-mwv nihki ma-yrwela-ficki,

HINI UWASI-BIADRCIMOWA ya-sfadoci MAFIYO 3:7

Pvyaqv ina inv iah nawrci maci nihi Palasi-hi chena Satusihi bami bialutvmrkuci u fvfvhqi-ulalhiwawa, Nafvwa git vlanakuwv, gelvwv lawrki udosrkvnvki, wvhsi usitvmaqa ini vhqi-gidawa wrsv biayrgi? u talrli.

YASFADOCI LOKU 11:52

Mvci-labwrwa cahi gelvwv lvivki ! xvga kid rmwado-nrwv laburwawi tvwana-hikv : mvtv ki becfrpwv gelvwv, macimi k’utvmhr-wrki nihki bami becfrcki.

YA-SFADOCI JRNE 9:22

Yolumv wiahi hiwvhi u gahgirmhi, xvga nihki u kufrwvhi nihi Josvhi : xvga nihki Josvki mahdrcimoki naiahkv, wvhsi qahqi wiahsi ilani tapvsvwrcimrta nili yasi Klvisde-wilici, hinv wih luhfalgofu ini msi-kvmiqi uci.

YA-SFADOCI JRNE 9:24

Yone mvwi-nesana nihki utvhpi-mrwrli nili ilaneli iahgi ga-kvgabeqalici, chena Meli wvhfrci-makufewa Mvnatu : ni wrkudrpa yasi yrmv ilani mvjelafici, u talrwrli nili.

YA-SFADOCI JRNE 9:34

Hrpvfsaki nihki macimi, Malsga mvjesilvwewa-nagi gi negi gelv, macimi hv gi kvgahgimipa? u talrwrli nili. Macimi nili u luhfa-pvgilr-wrli nihki.