HINI UWASI-BIADRCIMOWA ya-sfadoci MAFIYO 21:31 - Hini Uwasi-u-Biadrcimowa 1929

³¹ Dr-nvwa nihki neswi yasi tahalici u fvli si lvwi? u talvhi. Hinv nhihtv, iwvki nihki. Tapilo gi talapwv nelv, yasi nihki daxewi-mrwvtu-nigah-feki macimi nihki nrkvhowi-iqaki becfr-wrci ini Mv-natu ugimrwi-drmku-mi ya-lvhfvme-yaqa gelvwv.

HINI UWASI-BIADRCIMOWA ya-sfadoci MAFIYO 21:31 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 12:50

Xvga goqa-nafv-grci wa hini silvwi u tasi tahawa n’ Uhfv ya-pitv wafapvh-kvmigigi, hinv ni janinv, chena nit iqamv, macimi ni giv, iwv.

HINI UWASI-BIADRCIMOWA ya-sfadoci MAFIYO 18:3

chena, Tapilo gi tala-pwv nelv, Waciwaphi gelvwv kutaqe-yaqa, macimi ilafi-yaqa brsi vpaluhfafvki, mvtv gelvwv gah wiahisi becfr-pwv ini wafapvh-kvmigigi ugi-mrwi-drmqa, isiwa inv.

HINI UWASI-BIADRCIMOWA ya-sfadoci MAFIYO 20:16

Waciganvhi inv udrnr-gefv wa nhihdrwi, macimi inv nhihdrfv wa hudr-nrgiwi.

HINI UWASI-BIADRCIMOWA ya-sfadoci MAFIYO 21:30

Chena nili mvwi-neswi hawv, macimi ivskv ini ya-iuci. Chena inv rpvfsa macimi, Ni nahv, yalaniwivni, u tagoli : macimi mvtv nhawv.

HINI UWASI-BIADRCIMOWA ya-sfadoci MAFIYO 5:18

Xvga tapilo gi talapwv nelv, Brluhi manqvtwi macimi vsisgi-drmqa wa hvsanu, mvtv nakuti gcimrlacihi walr nakuti-paqa wa hini kutaladewa-nagi uci wiahisi vsanwi, brluhi jrivhki wiahi wah mahciludota.

HINI UWASI-BIADRCIMOWA ya-sfadoci MAFIYO 5:46

Xvga qahqi vhqalamaqa nihki ya-vhqalamalwrqa, nahiwa si taphufewa ki bonrnrwv? hv datapilv’ hini-ivskv silvweki nihki daxewi mrwvtunigahf eki?

HINI UWASI-BIADRCIMOWA ya-sfadoci MAFIYO 6:5

Chena ina gelvwv mvmrtumayaqa, tagi brsi nihki nvya-luhcilvwecki ga hilafipwv : xvga nihki ut vhqaladrnrwv wvhsi nepvwiwrci macimi mvmrtumrwrci betiga nili msi-kvmiku chena nili tvh be-bojayrgi nili udawani-myawvli, wvhsi manvwvhi nihki nvukuwrci ilanihi. Tapilo gi talapwv nelv, Naiahkv nihki utfakunrwv u taphufewanwv.

HINI UWASI-BIADRCIMOWA ya-sfadoci MAFIYO 7:21

Mvtv jrgi wiyafv, Dabalamiwatv, Dabalamiwatv, ya-sitv wah becfa ini wafapvh-kvmigigi ugimrwi-drmqa; hinv wakv yasi lvwetv ini u tasi tahawa n’ Uhfv yapitv wafapvh-kvmigigi.

HINI UWASI-BIADRCIMOWA ya-sfadoci MAFIYO 9:9

Chena yasi ini uci pamfaci Jesise, u nawrli ilaneli, Ma-fiyo yr-lofoli, bamvhga-pilici yr-tvh mrwvtuno-dagi taphi-gawa : macimi Nakvsilu, u talrli. Macimi inv pvfaqi chena u nakv-lrli.

YASFADOCI LOKU 15:10

Data-pilvhi yone, gi talapwv nelv, vhdawi ’n’tvsi uwasilabwrwa ini ut vbewanwrgi nihki ut ancvlemhi Mvnatu yasi nakuti ma-jelafitv cah’ mvtveni si tahaci.

YASFADOCI LOKU 19:22

Nahvlwrkv gelv gi doni ga hutvh-kuwrlala, gelv wanrtafitv vlolrkv. Gi wrkutv yasi kufaqrci lani-wiv, ni kuqitanv ini buryr nelv sagfadoiv, macimi ni kvwvsqhrwa ini buryr nelv vhdoiv;

YASFADOCI LOKU 7:29

Chena nihki jrivhki lanvwaki macimi nihki daxewi-mrwvtu-nigah-feki iah nodrga-wrci, u tapvsvuhr-wrli Mvnadoli, dawvhi mahci fvfvh-qi-ulalho-foki ini u fvfvhqi-ulalhiwawa Jrne.

YA-SFADOCI JRNE 3:3

Jesise rpvfsa macimi, Tapilo, tapilo, gi tala nelv, Waci-waphi wiyafv mvivgi usgi-lanvwawita, mvtv inv u tvh kvtvwi nama ini ugimrwi-drmkumi Mvnatu, u talrli.

YA-SFADOCI JRNE 3:5

Rpvfsa Jesise, Tapilo, tapilo, gi tala nelv, Waciwaphi wiyafv napi macimi nili Ucvjrlvh-qvli uci usgilanvwawita, mvtv inv u tvh kvtvwi becfvtv ini ugim-rwi-drmkumi Mvnatu.