HINI UWASI-BIADRCIMOWA ya-sfadoci MAFIYO 21:15 - Hini Uwasi-u-Biadrcimowa 1929

¹⁵ Pvyaqv nihki ugimrwi mkvtaukulv-yaki chena nihki yr-ivwigacki iah namu-wrci nili lvkuqahdrni wiahi yasi Ivwelici nili, macimi nihi vpalufhi, Hosanv cahi inv u qihfvli Dapide, bami lvhotv-malici betiga ini mvmrtumawi-kvmiqi, gisfadewa mrci-tahaki nihki,

HINI UWASI-BIADRCIMOWA ya-sfadoci MAFIYO 21:15 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 20:24

Chena nihki matvhfwi iah notvmu-wrci ini, mrci-tahaki gisfadewa nihisi neswi ujaninr-nvhi.

HINI UWASI-BIADRCIMOWA ya-sfadoci MAFIYO 21:23

Chena iah birci betiga ini mvmrtumawi-kvmiqi, utfa-kuhi nihi ugimrwi mkvtaukulviahi chena nihi u gigilane-mwvhi nihki lanvwaki yasi pami kvgahgimi-waci, macimi Drniwa uci makufewa g’uci yolumv wiahi si Ivwi? chena nafvwa gi melaqv yomv si makufewa u takuhi.

HINI UWASI-BIADRCIMOWA ya-sfadoci MAFIYO 21:9

Chena nihki mahsa-lagiki yala negr-nelici, macimi udrnrgi wa-malici, Hosanv cahi inv u qihfvli Dapide. Gisrda-lamakufi ca hinv ba-birtv ini u wefowa-nagi inv Dabalamiwatv; Hosanv cahi wihkuci Ispi, lvhotv-moki

HINI UWASI-BIADRCIMOWA ya-sfadoci MAFIYO 22:42

Nahiwa gelvwv ki ta la-lamrwv inv Klvisde? nafvwa u qihfvli nili? u talvhi. Dapide u qihfvli nili, u talr-wrli nihki.

HINI UWASI-BIADRCIMOWA ya-sfadoci MAFIYO 26:3

Hina nihki ugimrwi mkvtaukulv-yaki, chena nihi u gigi-lane-mwvhi nihki lanvwaki mrwvsgrki, ini yr-tvh tapuwaci inv mospi-makufewi mkvtaukulvia, Gayafase yr-lo-fu;

HINI UWASI-BIADRCIMOWA ya-sfadoci MAFIYO 26:59

Huwa nihki ugimrwi mkvtaukulv-yaki macmi jrivhgi inv dapu-watv u nv-tunahr-nrwv myrsi dabwawa wv huci nvlr-wrci Jesiseli, wvhsi manv-wvhga nabowa-nagi si bonr-wrci nili;

HINI UWASI-BIADRCIMOWA ya-sfadoci MAFIYO 27:1

Huwa, iah whrpvgi, jrivhki nihi ugimrwi mkvtaukul-viahi chena nihi u gigi-lane-mwvhi nihki lanvwaki u tapuwr-lakuhi Jesise wvhsi nabowa-nagi si bona-kuci :

HINI UWASI-BIADRCIMOWA ya-sfadoci MAFIYO 27:20

Huwa nihki ugimrwi mkvtaukulv-yaki chena nihki gigi-laneki u kulapgrmr-wvhi nihi mahsa-lalici wvhsi nihki nvtumr-wrci Pvlapvseli, macimi mvci-lutvwr-wrci Jesiseli.

HINI UWASI-BIADRCIMOWA ya-sfadoci MAFIYO 9:27

Chena yasi ini uci pamfaci Jesise, neswi kvgabeqawi-lani-hi u nakvla-kuhi, pami wivkv-hotv-muhi, Bonv-mvwi-nrga gitaminrqa-ladewa, gelv u qihfvli Dapide, lvhotv-muhi.

YA-SFADOCI MRKV 11:18

Macimi nihki ugi-mrwi mkvtaukulvyaki chena nihki yr-ivwigacki nodr-gaki ini, macimi nvtunahi-gaki wvhsi manvw-vhga mvci-lutvwr-wrci nili : xvga u kufr-wrli, xvga jrivhki nihki mahsa-lagiki u cihfa-latvmvwr-wrli nili u kvgahgimiwawa-niiici.

YASFADOCI LOKU 20:1

Chena ini biamikvtwi, ina nakuti nili grsagiki, yasi pami kvgahgimrci nihi lanvwahi ini mvmrtumawi-kvmikugi, macimi ini uwasi-biadrcimowa bami kvgahgimiwaci, nihi ugimrwi mkv-taukulviahi chena nihi yrivwigalici gilagi nihi gigilanihi ’n’tvsi u bialudr-kuhi;

YASFADOCI LOKU 22:2

Chena nihki ugimrwi mkvtaukulvyaki macimi nihki yrivwigacki u nvtunahr-nrwv wvhsi manvwvhi nfrwrci nili; u kufrwvhi xvga nihi lanv-wahi.

YASFADOCI LOKU 22:66

Chena yasi kulr ini gesagigi, ini u mrwvsgrwa-nwv tapa-twi mrwvskvhi nihi u gigilane-mwvhi nihki lanvwaki, n ayes wa-lanv ugimrwi mkvtaukulvyaki chena yrivwigacki; macimi u tasi walrwrli nili u tapuwawa-nwrgi,

YA-SFADOCI JRNE 11:57

Huwa nihki ugimrwi mkvtaukulvyaki chena nihki Palaseki mahci meliwaki tapigamowa, wvhsi wiyafv ilani wrkutvga tv hvpilici nili, wi hini wrkutasiwa inv, wvhsi nihki manvwvhi masanrwrci nili.

YA-SFADOCI JRNE 12:19

Nihki Palaseki waciganv’ hideki alagenv welvwv, Wrpvtvmuku yasi gelvwv kulapkvmaqa mvtv-wiahi; scih, ini yalakuqvh-kvmigi-gi u nakvlaku inv.

YA-SFADOCI JRNE 4:1

Hina waciganvhi inv Dabalamiwatv iah wrkutvgi yasi nihi Palasihi mahci nodrgalici yasi Jesise bami ushrci macimi fvfvhqi-ulalhrci vlikv tfwi kvgahgimrfhi notv Jrne (waghi Jesise mvtv welv fvfvhqi-ulalhiwa, u kvgahgimrfhi wakv),

YA-SFADOCI JRNE 7:42

Hv mvtv ini tapilo awigrdagi mahtuwaiv wvhsi inv Klvisde umagi ini u menkv Dapide, macimi Paflihame uci, ini udawanahi tv hvpici Dapide? iwvki.