HINI UWASI-BIADRCIMOWA ya-sfadoci MAFIYO 20:21 - Hini Uwasi-u-Biadrcimowa 1929

²¹ Chena, Nahiwa skvtv gelv? u talrli. Tapiga-mulu wvhsi iuhkumv neswi ni qihfvki manvwvh’ lamvtvpi-wrci, nakuti gi mvyrwen-gigi, chena nakuti gi nvmvjen-gigi g’ugimrwewa-nagi, u tagoli.

HINI UWASI-BIADRCIMOWA ya-sfadoci MAFIYO 20:21 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 18:1

Hina ini yrtafvgi utfr-wrli Jesiseli nihki kvgahgimrfv-ki, Nafvwa chena vliwi mselafi betiga ini wafapvh-kvmigigi ugimrwi-drmqa? isiwaki.

HINI UWASI-BIADRCIMOWA ya-sfadoci MAFIYO 19:28

Macimi Jesise, Tapilo gi tala-pwv nelv, gelvwv naiahkv na-nakvsi-yaqa, mi lrpi-lanvwawewa-nagi ina inv u Qihfvli ilani wa ipvpi ini u wvhfrci-makufewa uci ugimrwi-vhpvbewa, nahfrpi gelvwv ga ipvpi-nrwv matvhfwi-gita-neswi ugimrwi-vhpvbewanv, pamvh-kuwrlr-wrki nihki matvhfwi-gita-neswi u dwalo-wanhi Iswelv, u talvhi.

HINI UWASI-BIADRCIMOWA ya-sfadoci MAFIYO 20:22

Pvyaqv Jesise rpvfsa macimi Mvtv ki wrkudr-nrwv na-tutv-maqa. Hv ki dabelafi-pwv gelvwv wvhsi mana-yaqa inv taphikv wrsv nvwitu uwa manaiv? isiwa. Ni dabelafipa, u takuhi.

HINI UWASI-BIADRCIMOWA ya-sfadoci MAFIYO 20:32

Chena Jesise nola nepwi, macimi u tah wihku-mvhi, Nahiwa ki tasi tahapwv wv’ ipanvla-lvku? u talvhi.

YA-SFADOCI MRKV 10:51

Chena ud rpvftv-wrli Jesise, Nahiwa gi tasi taha wi ipanvlalv nelv? utalrli. Lapunrye, wvhsi manvwvhi nelv utfakuiv ni tapinvmowa, u talrli inv ga-gabeqatv ilani.

YA-SFADOCI MRKV 16:19

Waciganvhi uwa inv Dabalamiwatv Jesise, iah mahci kvlo-lrci nihi, manqvtugi si utvhpa-nofu, macimi ini tv hu mvyrwen-gici Mvnatu si lamvtvpiwv.

YA-SFADOCI MRKV 6:22

chena ina nili u drnahfvli Halotivse weci biaci becfali macimi manyaloli, u manwi-lapwvskv-wrli Heladeli inv chena nihi wa-wetvbe-makuci; macimi inv ugimv, Nvtutvmv-wiiu goqa-nahi-grci yasi taha-ivni, macimi ini gah melala u talrli nili iqafvli.

YASFADOCI LOKU 18:41

u nvtuhtvwrli, Nahiwa gi talalatv nelv wvhsi lvwihd-olv? Macimi, Dabalamiwatv, wvhsi nelv manvwv’ hutfakuiv ni tapinvmowa, isiwa inv.

YASFADOCI LOKU 19:11

Chena yasi nihi notvmalici yolumv wiahi, u golutu macimi kvlvwi pamrtuwawa, xvga mrlrqvhi Culosalamegi vpiwv, chena xvga nihki tuga si tahaki wvhsi ini ugimrwi-drmkumi Mvnatu walanv tapinvukugi.

YASFADOCI LOKU 22:24

Chena pvfaqeiv pagihgrdewa nahfrpi ’n’tvsi alagenv nihki, drnvwa nihki gci-mse-lvgimofu.

YA-SFADOCI JRNE 15:7

Qahqi gelvwv neyrgi vpiyaqa, macimi ni kvlvwewanv vhdaga geyrwrgi, nvtuh-saku goqa-nahi-grci yasi tahayaqa, macimi ini ga ipanvlagopwv gelvwv.