HINI UWASI-BIADRCIMOWA ya-sfadoci MAFIYO 20:1 - Hini Uwasi-u-Biadrcimowa 1929

¹ Xvga ini wafapvh-kvmigigi ugimrwi-drmqa brsi ilani inwi dabalatvkv wegiwv, inv luhfa ini qa-lvhwhr-pvgi u pv hvlolvhi wvh pakvta-filici u mfvlomi-gitigr-nagi.

HINI UWASI-BIADRCIMOWA ya-sfadoci MAFIYO 20:1 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 13:24

Kutvgi nuhgi pamrtuwawa u tah pvgfanvmvwvhi ya-lvhfvmelici nihi, Hini wafapvh-kvmigigi ugimrwi-drmqa brsi ilani ya-dotv uwasi menkv u gitigr-nagi si tvqa-lama-qvtwi :

HINI UWASI-BIADRCIMOWA ya-sfadoci MAFIYO 13:31

Nuhgi kutvgi pamrtuwawa u tah pvgfanvmv-wvhi ya-lvhfv-melici nihi, Hini wafapvh-kvmigigi ugimrwi-drmqa brsi nakuti-paqa mvstvdewi menkv inwi, ma-mvmagi ilani, macimi u titu u gitigr-nagi :

HINI UWASI-BIADRCIMOWA ya-sfadoci MAFIYO 13:33

Nuhgi kutvgi pamrtuwawa u kvlo-lvhi nihi; Hini wafapvh-kvmigigi ugimrwi-drmqa brsi ini unvlascikv ma-mvmagi iqawv inwi, macimi u gigitu nfwi tapvcikv-nagi lughrnv, brlu’ hini jrivhgi unata, iwv.

HINI UWASI-BIADRCIMOWA ya-sfadoci MAFIYO 13:47

Nuhgi, ini wafapvh-kvmigigi ugimrwi-drmqa brsi rqvsqhrkv inwi, ya-ipvgido-dagi ini msi-napigi, macimi mrwvtuni-gaiv jrgi ya-talici :

HINI UWASI-BIADRCIMOWA ya-sfadoci MAFIYO 20:2

Chena iah mahdrcimo-mrci nihi br-pakvta-filici nakuti salani nakuti gesqa, u talaskv-wvhi u mfvlomi-gitigr-nagi.

HINI UWASI-BIADRCIMOWA ya-sfadoci MAFIYO 21:28

Pvyaqv nahiwa ki tasi taha-pwv gelvwv? Nakuti ilani u bonvhi neswi u qifhi; chena nhawv nili nhihtv, Uqihfimv, nhrla pakvta-filu inugi grsagigi ini mfvlo-mi-gtigr-nagi, u talrli.

HINI UWASI-BIADRCIMOWA ya-sfadoci MAFIYO 22:2

Hini wafapvh-kvmigigi ugimrwi-drmqa nr-nakuti ugimv si tvqa-lamaqvtwi, mviac-fatv-wrtv u qihfvli wechadewi wihfanci-gawa,

HINI UWASI-BIADRCIMOWA ya-sfadoci MAFIYO 23:37

O Culosalam’, Culosalam’, nr-nfrtv nihi mrmosiges-qalici, macimi sr-sekun-whrtv nihi ba-bialkvmv-waci ! drniwa tfana ni mahci mrwvtu-nrki git vpaluhfa-mvki datapilvhi brsi palawv yrsi mr-wvtu-nrci u pala-famhi Irmagi u laqvnv, macimi mvtv ki tasi taha-pwv !

HINI UWASI-BIADRCIMOWA ya-sfadoci MAFIYO 25:1

Hina uwa ini wafapvh-kvmigigi ugimrwi-drmqa brsi matvh-fwi sasgi-iqafvki wah si tvqa-lamaqvtwi, ma-mrcki u netvwrkv-nwvhi, macimi wapfaki u pvh nvxkvwr-wrli nili mvivgi nhrkvnvli.

HINI UWASI-BIADRCIMOWA ya-sfadoci MAFIYO 25:14

Xvga brsi galv inwi ilani, kutvgi vsisgegi ya-wesv hrci, u wihku-mvhi nahvlwrkv ut vlolrgrfhi, macimi u tah pvgfa-nvmv-wvhi nihi u wiahe-mi.

HINI UWASI-BIADRCIMOWA ya-sfadoci MAFIYO 3:2

Mvtveni si tahaku gelvwv; xvga ini wafapvh-kvmigigi ugimrwi-drmqa uwa mrlrqvhi, pami iwv.

YA-SFADOCI MRKV 13:34

Brsi ina ilani inwi ini, pam’ rmi kutvgi vsisgegi, u pami mahci nvkvtv ya-drci wegiwv, macimi u mahci melvhi simakufewa ut vlolrkvnhi, mosv nakuti u pakv-tafewa, nahfrpi u tapimrli nili sqrta-gahcitvwvh-dolici wvhsi gcitvwr-pilici.

YA-SFADOCI JRNE 15:1

Neiv ini mvyrwi tatapvhtaqi, macimi n’ Uhfv inv gitigawi-lani.