HINI UWASI-BIADRCIMOWA ya-sfadoci MAFIYO 19:29 - Hini Uwasi-u-Biadrcimowa 1929

²⁹ Chena jrgi wiyafv mviahci nvkvtvkv wegiwr-pvli, walr ujaninrnvhi, walr utiqami-mvhi, walr ufimrli, walr ugali, walr vpalufhi, walr vsisgi-wvli, xvga ni wefowa uci, wa hutfaku tabawa-tfwagfanwi, macimi wah lrpsinwv goqa-lrqvsi ianvwawewa.

HINI UWASI-BIADRCIMOWA ya-sfadoci MAFIYO 19:29 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 10:22

Chena gah sega-lamakufe-maku-wrki jrivhki ilaneki xvga ni wefowa uci : pvyaqv inv nvhekv ya-iqi wesigi-tahatv, henv wah wrpvnas-hofu.

HINI UWASI-BIADRCIMOWA ya-sfadoci MAFIYO 13:23

Chena inv ya-vhcigagi ini uwasi vsisgegi, hinv yrmv na-notvkv ini kvlvwewa, macimi nanuhsa ini; yonv tapilo u negtu mvwifowa, macimi u biatu, nrlatv tabawa tfwag-fanwi, nrlatv nakudwrsi, nrlatv nfwr-pitvgi.

HINI UWASI-BIADRCIMOWA ya-sfadoci MAFIYO 13:8

chena kutvkvli ini uwasi vsisgegi si panfanu, macimi neginwi mvwifowa, nrlatv tabawa tfwagfanwi, nrlatv nakudwrsi, nrlatv nfwr-pitvgi.

HINI UWASI-BIADRCIMOWA ya-sfadoci MAFIYO 16:25

Xvga goqa-nafv-grci wih wesv wrpvnastu u ta lanvwawewa wa wvntu ini : chena goqa-nafv-grci wa wvntu u ta lanvwawewa xvga nelv uci wa mkv ini.

HINI UWASI-BIADRCIMOWA ya-sfadoci MAFIYO 19:16

Chena wrpv-mahku, nakuti wiyafvli utfa-goli, macimi, Ga-gahgimiwatv, nahiwa wa-uwasrgi wiahi nah si lvwi, wvhsi manvwvh’ bonvmv goqa-lrqvsi lanvwawewa? u tagoli.

HINI UWASI-BIADRCIMOWA ya-sfadoci MAFIYO 25:34

Hina uwa inv Ugimv wa hilvhi nihi u mvyrwen-gigi, Birku, gelvwv ga-gisrdala-mrci n’Uhfv, lrpi u welrmiku ini ugimrwi-drmqa mviahcfadofu-yaqa ina mahtvhgah-fanwi ini ya-lakuqvh-kvmigigi uci :

HINI UWASI-BIADRCIMOWA ya-sfadoci MAFIYO 25:46

Chena iuhkumv goqa-lrqvsi vludrfewa-nagi wa haki : wakv nihki ma-yrwela-ficki goqa-lrqvsi lanvwawewa-nagi wa haki.

HINI UWASI-BIADRCIMOWA ya-sfadoci MAFIYO 5:11

Ki gisrdalamakufipwv gelvwv ina ilaneki vhtalalwrqa, chena nrnuh-grchalwrqa, macimi jrivhki yagi majrfigi si nrnhrci-malwrqa nelv uci.

HINI UWASI-BIADRCIMOWA ya-sfadoci MAFIYO 6:33

Pvyaqv gelvwv nhihtv nvtunahvmuku ugimrwi u drmkumi, macimi u tapvsvwelaf ewa; macimi jrivhki yolumv wiahi gah goludrgopwv gelvwv.

YASFADOCI LOKU 14:26

Qahqi wiyafv ilani bialutvwita, macimi mvtv u segalamrli nahvhvrkv u fvli chena u gali, chena wewvli, chena ut vpaluhfamhi, chena u janinvhi, chena u tiqamhi, hvnkv, macimi nahvlwrkv u ta lanvwawewa nahfrpi, mvtv-yaciwi inv nitv hu kvgahgimrfimi.

YASFADOCI LOKU 5:11

Chena iah mahci nihki vsisgi si vqvhfado-wrci ulvgala-mwv, u nvkvdr-nrwv jrivhki, macimi u nakvlr-wrli nili.

YASFADOCI LOKU 6:22

Ki gisrda-lamaku-fipwv cahi gelvwv, ina ilaneki gah sega-lamaku-wrki, macimi nihki u wihgrn-wvhi ga huci nuh-bianaku-wrki, macimi lsgimal-wrqa, chena luhfa-pvgitv-mol-wrqa ki wefowa-nwv brsi ma-jrfigi, xvga nili u Qihfvli ilani uci.

YA-SFADOCI JRNE 15:19

Qahqi inv yalakuqvh-kvmigigi uciwiyaqa, inv yalakuqvh-kvmigigi wi hvhqalamrli u nhvlwrfewanvli : wakv xvga gelvwv mvtv inv yala-kuqvh-kvmigigi k’ uciwipwv, pvyaqv inv yalakuqvh-kvmigigi g’ uci maginalapwv, waciganv’ hinv yalakuqvh-kvmigigi gi sega-lamakuwv.

YA-SFADOCI JRNE 4:36

Hinv ga-kvwvsqhrwatv utfaku taphudewa, macimi u tasi mrwvtunv mvwifowa goqa-lrqvsi lanvwawewa-nagi; wvhsi inv ya-cigatv macimi inv ga-kvwvsqhrwatv manvwvhi tvqi usvsilab-wrwwci.