HINI UWASI-BIADRCIMOWA ya-sfadoci MAFIYO 19:21 - Hini Uwasi-u-Biadrcimowa 1929

²¹ Wesv mafafi-ivna, nhrla, myagilu ba-bonv-mvni, macimi meli inv gitamrfv, chena gah bonv pvwrwa betiga wafapvh-kvmigigi : macimi birlu nakvsilu, u talrli Jesise.

HINI UWASI-BIADRCIMOWA ya-sfadoci MAFIYO 19:21 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 16:24

Hina uwa Jesise u talvhi u kvgahgimrfhi, Qahqi wiyafv ilani nib wesv nakvlaqv, welrni inv girda-latvga weiv, chena u mvma ud rsitahfage-mi, macimi ni nakvlaqv.

HINI UWASI-BIADRCIMOWA ya-sfadoci MAFIYO 19:20

Jrivhki yolumv naiahkv ni gjetvwafi : nahiwa gawvgi ni notkufi? u tagoli Jesise nili mvyrni’laneli.

HINI UWASI-BIADRCIMOWA ya-sfadoci MAFIYO 19:22

Pvyaqv inv mvyrni’lani iah notvgi ini iyowa, wapfa mvci-lapwv; xvga inv nakuti mahsi bonvkv pvwrwanv.

HINI UWASI-BIADRCIMOWA ya-sfadoci MAFIYO 19:28

Macimi Jesise, Tapilo gi tala-pwv nelv, gelvwv naiahkv na-nakvsi-yaqa, mi lrpi-lanvwawewa-nagi ina inv u Qihfvli ilani wa ipvpi ini u wvhfrci-makufewa uci ugimrwi-vhpvbewa, nahfrpi gelvwv ga ipvpi-nrwv matvhfwi-gita-neswi ugimrwi-vhpvbewanv, pamvh-kuwrlr-wrki nihki matvhfwi-gita-neswi u dwalo-wanhi Iswelv, u talvhi.

HINI UWASI-BIADRCIMOWA ya-sfadoci MAFIYO 4:19

Chena Birku nrwvluskvwiku gelvwv, macimi ilanihi na-nvmafgrlrcki ga shalapwv, u talvhi nihi.

HINI UWASI-BIADRCIMOWA ya-sfadoci MAFIYO 5:48

Gah mafafipwv waciganvhi gelvwv, yasi inv mafafici wafapafitv k’ Uhfwv.

HINI UWASI-BIADRCIMOWA ya-sfadoci MAFIYO 8:22

Pvyaqv Jesise, Nakvsilu; macimi nvkvsi nihki napagiki wvhsi lakunrwrci nahvlwrkv u nabowanwrli, u talrli nili.

HINI UWASI-BIADRCIMOWA ya-sfadoci MAFIYO 9:9

Chena yasi ini uci pamfaci Jesise, u nawrli ilaneli, Ma-fiyo yr-lofoli, bamvhga-pilici yr-tvh mrwvtuno-dagi taphi-gawa : macimi Nakvsilu, u talrli. Macimi inv pvfaqi chena u nakv-lrli.

YA-SFADOCI MRKV 10:21

U ta Irpvmrli Jesise macimi ut vhqala-mrli, Nakuti wiahi gi notqelafi : ’n’hrlu, myagilu goqa-nahi-grci gi bonv, chena meli inv gitamrfv, macimi gah bonv pvwawa betiga wafapvh-kvmigigi : macimi birlu, nakv-silu, u talrli.

YA-SFADOCI MRKV 2:14

Chena yasi mrlrqvhi pamfaci u nawrli Lefryeli nili u qihfvli Adfivs’ bami lamvtv-pilici yr-tv hini daxhiwagi, macimi Nakvsilu, u talrli. Chena inv pvfaqi macimi u nakvlrli.

YA-SFADOCI MRKV 8:34

Chena u tah wihkumvhi nihi mahsa-lalici gilagi u kvgahgimrfhi, chena u talvhi, Qahqi wiyafv ilani wesv weda-mita, welrni wih girdaladr-weiv, macimi wih mvma ud rsitahfage-mi, chena nih nakvlaqv.

YASFADOCI LOKU 12:33

Myagiku ini ba-bonv-maqa, macimi gisrci si meliwaku; husdoku pasiqi gelvwv muni-bedrkvnv buryr vlvlikv si gahdayrki, pvwawa betiga nili manqvtu buryr notqvhki, yrtvh bur mrlrqv hrci grgimotakv, mvtv nuhgi mvnadolafv mvci-lvweci.

YASFADOCI LOKU 14:33

Yone yagi waciganvhi inv goqa-nafv-grci vpiwv gelvwv buryr pvgida-latvkv jrivhgi ini ba-bonvgi, mvtv-yaciwi inv nitv hu kvgahgimr-fimi.

YASFADOCI LOKU 16:9

Chena gi talapwv nelv, Pasiqi geyrwrgi si wihgrnatih-gaku ini mvjelafewa uci pv-wawa vwaku; wvhsi, ina wah mvtv-yaciwafeiv ini, manvwvhi nihki betiga si utvhpanal-wrqv nili goqa-lrqvsi rjewi-kvmiku.

YASFADOCI LOKU 18:22

Macimi Jesise iah nodrgaci ini, Nakuti wiahi gawvgi gi notkufi : myagilu jrivhki ba-bonvmvni, macimi lalskunvmvwi inv gitamrfv, macimi gah bonv pvwrwa manqvtugi : chena birlu, nakvsilu, u talrli.

YASFADOCI LOKU 5:27

Chena vhkuwihi ina yolumv wiahi via wapfa, macimi vlikv u nawrli daxewi-mrwvtunigah-feli, Lefri sifoli, bami lamvtv-pilici ini yr-tvh daxhiwagi, chena, Nakvsilu, u talrli.

YASFADOCI LOKU 6:40

Hinv kvgahgimrfv mvtv vliwi lspi makufi ga-gahgi-makuci : wakv jrgi wiyafv iah mahci ludofuci brsi ga-gahgimakuci wa hilafi.

YASFADOCI LOKU 9:23

Chena jrivhki u talvhi, Qahqi wiyafv ilani nih biaci vhgoqv welrni inv girda-latvga weiv, chena u kuqitanv ud rsitahfage-mi tfana wrpvgi, macimi ni nakvlaqv.

YA-SFADOCI JRNE 10:27

Ni magefamvki u nodrnrwv ni ta sihsimowa, chena ni wrkumrki, macimi ni nakvla-goki nihki :

YA-SFADOCI JRNE 12:26

Qahqi wiyafv ilani mesvmvwita, welrni inv nakvsita; macimi nelv tv hvpiv, nahfrpi ntvsi wa hvpi-wv ni mesvmrgamv : qahqi wiyafv ilani mesvmvwita, nileni inv Ufimv wa hutvgalamrli.