HINI UWASI-BIADRCIMOWA ya-sfadoci MAFIYO 18:19 - Hini Uwasi-u-Biadrcimowa 1929

¹⁹ Gi tala-pwv nuhgi, qahqi neswi gelvwv wah tvqrci-moki usgi-drmqa wiahi wvh’ nvtutvmu-wrci, ini wa ipanvtv-wrci n’Uhfv ya-pitv wafapvh-kvmigigi.

HINI UWASI-BIADRCIMOWA ya-sfadoci MAFIYO 18:19 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 21:22

Macimi jr-ivhki wiahi, goqa-nahi-grci gelvwv gah nvtudr-nrwv, mvmrtumawa-nagi, pami dapwahsa-yaqa, ga hutfaku-nrwv gelvwv, u talvhi.

HINI UWASI-BIADRCIMOWA ya-sfadoci MAFIYO 5:24

ntvsi nvkvtvnu gi daphadewa yalvh-fvmeyrgi ini botafvmrcikv, macimi nhrla, uwalrgomi nhihtv gi janinv, uwa ina chena birlu chena pvgfanigalu gi daphadewa.

HINI UWASI-BIADRCIMOWA ya-sfadoci MAFIYO 7:7

Nvtutvmrgaku, macimi ini gah melagopwv; nvtunahigaku, macimi ga mkvhfupwv; tuwvthigaku, macimi ini gah tvwanvmr-gopwv :

YA-SFADOCI MRKV 11:24

Waciganvhi gi tala-pwv nelv, Jrivhki wiahi goqa-nahi-grci ma-mvmrtumr-yaqa macimi na-tutvmrga-yaqa, dapwahsaku wvhsi utfaku-yaqa, macimi gah bonr-nrwv nili.

YA-SFADOCI JRNE 15:16

Mvtv gelvwv ki mvmipwv, wakv nelv gi mvmalapwv, macimi gi mvyrusi-malapwv, wvhsi gelvwv hryaqa macimi negidoyaqa mvwifowa, chena wvhsi ki mvwifowa-nwv vhdagi : wvhsi goqa-nahi-grci gelvwv gah nvtutvmvwrwv inv Ufimv ni wefowa-nagi, manvwv’ hinv melalwrqa ini.

YA-SFADOCI JRNE 15:7

Qahqi gelvwv neyrgi vpiyaqa, macimi ni kvlvwewanv vhdaga geyrwrgi, nvtuh-saku goqa-nahi-grci yasi tahayaqa, macimi ini ga ipanvlagopwv gelvwv.

YA-SFADOCI JRNE 16:23

Chena ina grsagigi gah nvtuhtvwipwv mvtv-wiahi. Tapilo, tapilo, gi talapwv nelv, Qahqi gelvwv gah nvtutvmvwrwv wiahsi wiahi inv Ufimv, inv gah melakuwv ini ni wefowa-nagi.