HINI UWASI-BIADRCIMOWA ya-sfadoci MAFIYO 16:28 - Hini Uwasi-u-Biadrcimowa 1929

²⁸ Tapilo gi tala-pwv nelv, Hvbeki nihki nrlatv na-nepv-wicki utvsi, nihgeni mvtv wah wiahi si ku-tvdr-nrwv nabowa, brluhi nihki wah nawr-wrli nili u Qihfvli ilani pami biawv ini u gimrwewa-nagi.

HINI UWASI-BIADRCIMOWA ya-sfadoci MAFIYO 16:28 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 10:23

Pvyaqv nihki ufrmhal-wrqa yomv udawa-nagi, lasi-muku ini mrlrqvhi kutvgi : xvga gi tala-pwv nelv, Mvtv ki tvh mahci srbwe-pwv nili ut udawanv Iswelv, brluhi inv bia-wv u Qihfvli ilani.

HINI UWASI-BIADRCIMOWA ya-sfadoci MAFIYO 16:13

Huwa ini Sisvlia Filibri iah si birci Jesise, u nvtuhtv-wvhi u kvgahgimrfhi, Nafvliwa inv iwvki ilaneki nili u Qihfvli ilani? u talvhi.

HINI UWASI-BIADRCIMOWA ya-sfadoci MAFIYO 24:3

Chena yasi lamvtv-piei wahsatagi ini Vlifiwi mahqvgigi, u gemi utfa-kuhi nihi kvgahgmrfhi, Wetvmvwi-nrga, drniwa Irqv ina wa vdawv yolumv wiahi? chena nahiwa wah si giginolowa-niwi gi birwa, macimi ini jaiah-qrga ini ya-lakuqvh-kvmigigi? u takuhi.

HINI UWASI-BIADRCIMOWA ya-sfadoci MAFIYO 24:34

Tapilo gi talapwv nelv, yrmv inugi sqewanv mvtv wa hvsanwv, brlu’ jrivhki yolumv wiahi wah mahci ludota.

HINI UWASI-BIADRCIMOWA ya-sfadoci MAFIYO 24:42

Gcitvwr-piku waciganvhi : xvga mvtv ki wrkudr-nrwv si grsagigi tvh birci Dabalamal-wrqa.

HINI UWASI-BIADRCIMOWA ya-sfadoci MAFIYO 26:64

Gi mahtuwa, u talrli Jesise : Pvyaqv gi talapwv nelv, Yoci inugi gah nawrwv gelvwv inv u Qihfvli ilani pami lamvtvpi tv hini mvyrwen-gigi Wrsikvgi, macimi pami biawv usgici nili manqvtwi uci brfqvki u talrli nili.

HINI UWASI-BIADRCIMOWA ya-sfadoci MAFIYO 8:20

Macimi Jesise, Nihki wrkucahfeki u bonrnrwv wrsrlvku, chena nihki ini manqvtwi uci wisgiluhfvki u bonrnrwv ufihfvnv; wakv inv u Qihfvli ilani mvtv u bonv wvhtvh sagfadoci wesi, u talrli.

YA-SFADOCI MRKV 13:26

Macimi ina uwa nihki wah nawr-wrli nili u Qihfvli ilani pami biali brfqvhgegi gilagi msrwi wrsikvgi macimi wvhfrci-makufewa.

YA-SFADOCI MRKV 8:38

Xvga goqa-nafv-grci nah taqa-haqv macimi ni kvlvwewa-nv alagenvc yomv wa-wrpvsiphiga-wafe-yrgi chena majelafe-yrgi sqe-lanvwawewa, nileni inv u Qihfvli ilani wah taqa-hrli ina birta ini u Fvli u wvhfrci-makufewa-nagi gilagi nihi ufapi ancvlihi.

YA-SFADOCI MRKV 9:1

Chena Tapilo gi tala-pwv nelv, Hvbeki utvsi nrlatv na-nepv-wicki mrlrqvhi, nihgeni mvtv wiahi si wah kutvdr-nrwv nabowa br-luhi wah nama-nrwv ini ugimrwewa Mvnatu wah biaiv gilagi wrsi-kvgi, u talvhi.

YASFADOCI LOKU 18:8

Gi talapwv nelv, inv wah qvqi vlutvwvhi nihi. Pvyaqv, ina inv u Qihfvli ilani birta, hv wa mkv dapwah-sawa ini usgi-drmkugi?

YASFADOCI LOKU 2:26

Chena ini u mahci pvhginvmr-goli nili Ufapi Ucvjrlvh-qvli, wvhsi bur namagi nabowa wihsi-bur mahci nawrci inv Dabalamiwatv u Klvisde-mvli.

YASFADOCI LOKU 9:27

Pvyaqv dabwawa gi talapwv, Hvbeki nihki nrlatv na-nepvwicki utvsi, nihgeni mvtv wah wiahisi kutvdr-nrwv nabowa, brluhi u nama-nrwv nihki ini ugimrwi-drmkumi Mvnatu.

YA-SFADOCI JRNE 21:22

Qahqi nelv si tahaiv wvhsi inv nvkvhsigi brluhi biriv, nahiwa ini gelv si? nakvslu gelv, u talrli Jesise.

YA-SFADOCI JRNE 8:51

Tapilo, tapilo, gi talapwv nelv, Qahqi ilani kjetunvga ni kvlv-wewa, inv mvtv-lrqv wah nama iqinvmowa.

YA-SFADOCI JRNE 8:52

Nihki Josvki, Uwa ni wrkudrpa yasi bonvci wvninahfi. Aplahame napwv, chena nihki mrmosigesqacki; macimi, Qahqi ilani kjetunvga ni kvlvwewa, inv mvtv-lrqv wah kutvtv iqinvmowa, gi taiu gelv.