HINI UWASI-BIADRCIMOWA ya-sfadoci MAFIYO 16:27 - Hini Uwasi-u-Biadrcimowa 1929

²⁷ Xvga inv u Qihfvli ilani wah biawv ini u wvhfrci-makufewa-nilici u’Fvli gilagi lit ancvle-mhi; macimi ina uwa wah tapvsvwi me-lrli jrgi si ilaneli yasi Ivwewa-nilici.

HINI UWASI-BIADRCIMOWA ya-sfadoci MAFIYO 16:27 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 13:41

Hinv u Qihfvli ilani wah wrwenvhi uta an-cvle-mhi, macimi nihki ini u gimrwi-drmqa-mi wa huci mrwvtwi luh-fanr-nrwv jrivhki wiahi waci pami utvgikvh-sinagi, macimi nihi ma-jrfigi yasi Ivwelici,

HINI UWASI-BIADRCIMOWA ya-sfadoci MAFIYO 13:49

Yone wa higi ini ina jaiahqvh-kvmigiga : nihki ancvleki wah biaki, macimi wah pginr-wvhi nihi ma-jela-filici alagenv uci nihi ma-yrwela-filici,

HINI UWASI-BIADRCIMOWA ya-sfadoci MAFIYO 24:30

chena ina uwa manqvtugi wah tapinr-qvtwi ini u giginolowa inv u Qihfvli ilani : chena uwa ina jrivhki lanv-wa u dfwalowanv ini usgi-drmqa uci wah mvwa, macimi nihki wah na-wr-wrli nili u Qihfvli ilani pami biali usgici nili manwvtuwi brfqvhki gilagi wrsikvgi chena mahsrgi wvhfrci-makufewa.

HINI UWASI-BIADRCIMOWA ya-sfadoci MAFIYO 25:31

Pvyaqv ina inv u Qihfvli ilani wah biawv u wvhfrci-maku-fewa-nagi, chena jrivhki nihki ancvleki weci nili, hina uwa wa ipvpi ini ugimrwi vhpvbewa u wvhfrci-makufewa uci :

HINI UWASI-BIADRCIMOWA ya-sfadoci MAFIYO 26:64

Gi mahtuwa, u talrli Jesise : Pvyaqv gi talapwv nelv, Yoci inugi gah nawrwv gelvwv inv u Qihfvli ilani pami lamvtvpi tv hini mvyrwen-gigi Wrsikvgi, macimi pami biawv usgici nili manqvtwi uci brfqvki u talrli nili.

HINI UWASI-BIADRCIMOWA ya-sfadoci MAFIYO 8:20

Macimi Jesise, Nihki wrkucahfeki u bonrnrwv wrsrlvku, chena nihki ini manqvtwi uci wisgiluhfvki u bonrnrwv ufihfvnv; wakv inv u Qihfvli ilani mvtv u bonv wvhtvh sagfadoci wesi, u talrli.

YA-SFADOCI MRKV 14:62

Macimi Jesise, Neiv inv : macimi gah nawrwv gelvwv inv u Qihfvli llani pami lamvtvpita ini u mvyr-wengigi Wrsikvgi, chena pami biaci wedatvga nili brfqvhki manqvtugi uci isiwa.

YA-SFADOCI MRKV 8:38

Xvga goqa-nafv-grci nah taqa-haqv macimi ni kvlvwewa-nv alagenvc yomv wa-wrpvsiphiga-wafe-yrgi chena majelafe-yrgi sqe-lanvwawewa, nileni inv u Qihfvli ilani wah taqa-hrli ina birta ini u Fvli u wvhfrci-makufewa-nagi gilagi nihi ufapi ancvlihi.

YASFADOCI LOKU 21:27

Macimi ina uwa nihki wah nawr-wrli nili u Qihfvli ilani brfqvhgegi pami biali gilagi wrsikvgi macimi msi wvhfrci-makufewa.

YASFADOCI LOKU 22:69

Pvyaqv yoci inugi inv u Qihfvli ilani wah lamvtvpi ini tvhi mvyrwengigi ini u wesikv-tuwewa Mvnatu, u talvhi nihi.

YASFADOCI LOKU 9:26

Xvga goqa-nafv-grci nah taqah-aqv macimi ni kvlvwewa, nileni inv u Qihfvli ilani wah taqahrli, ina birta nahvlwrkv u wvhfrci-makufewa-nagi, macimi ini u wvhfrci-makufewa inv Ufimv, chena nihki ufapi ancvleki.

YA-SFADOCI JRNE 21:22

Qahqi nelv si tahaiv wvhsi inv nvkvhsigi brluhi biriv, nahiwa ini gelv si? nakvslu gelv, u talrli Jesise.

YA-SFADOCI JRNE 21:23

Yomv iyowa waciganvhi wapfaiv alagenv nihki ujaninrnvki, wvhsi inv kvgah-gimrfv tagi napagi : waghi Jesise mvtv u talrli nili wvhsi tagi napalici; wakv, Qahqi nelv si tahaiv wvhsi inv nvkvhsigi brluhi biriv, nahiwa ini gelv si? u talrli.