HINI UWASI-BIADRCIMOWA ya-sfadoci MAFIYO 16:20 - Hini Uwasi-u-Biadrcimowa 1929

²⁰ Hina uwa u tapinvlaqi-mvhi nihi kvgahgimrfhi wvhsi bur nihki wetvmvwr-wrci ilaneli yasi inv-wici nili Klvisdeli.

HINI UWASI-BIADRCIMOWA ya-sfadoci MAFIYO 16:20 ပူးပေါင်းရင်းမြစ်များ

HINI UWASI-BIADRCIMOWA ya-sfadoci MAFIYO 1:16

chena Jakvbe u nejrninrli Joseli nili wahsici Male, inv na-neginrtv Jesiseli, Kivisde yr-lofulici.

HINI UWASI-BIADRCIMOWA ya-sfadoci MAFIYO 16:16

Macimi Svimvn’ Betv rpvf-sa, Inv Klvisde gelv, nili u Qihfli inv ya-pitv Mvnatu, u talrli.

HINI UWASI-BIADRCIMOWA ya-sfadoci MAFIYO 17:9

Chena yasi pami biaci brlvcsinu-wrci ini maqvhgigi uci, Jesise u tapimvhi nihi, Tagi ini sinvmowa wetvmv-wahku ilani, brluhi inv u Qihfvli ilani nili na-palici uci unsgrta, u talvhi.

HINI UWASI-BIADRCIMOWA ya-sfadoci MAFIYO 8:4

Macimi, Wrpvtvnu tagi wetvmvwi ilani; wakv nhrla, wrpvtasi geiv inv mkvtaukulvia, macimi pvgfanvnu ini meliwawa da-pigamuci Mosise, wvhsi uci dabwawaniwrci nihki, u talrli Jesise.

YA-SFADOCI MRKV 8:30

Macimi u tapinvlaqi-mvhi wvhsi tagi wetvmvwr-wrci ilaneli weiv.

YA-SFADOCI MRKV 9:9

Chena yasi biaci brlvcsinu-wrci ini maqvhgigi uci, u tapi-nvlaqi-mvhi nihi wvhsi nihki bur wetvmvwr-wrci ilaneli ini wiahi mviahci namu-wrci, waciwaphi ina inv u Qihfvli ilani wih mahci unskv nili napalici uci.

YASFADOCI LOKU 2:11

xvga ’n’tvsi lanvwawi gelvwv inugi grsagigi ini Dapide ut udawa-nagi Wrpvn-sewanv, Klvisde inv inv Dabalamiwatv.

YASFADOCI LOKU 9:21

Pvyaqv ud ryeci-mvhi macimi u tapimvhi wvhsi bur yomv wetvmvwr-wrci ilaneli;

YASFADOCI LOKU 9:36

Chena iah biayrgi ini klvwih-simowa, nrnsihkv mgofu Jesise. Macimi nola-weki nihki, chena mvtv u wetvmvwr-wrli ilaneli ini uci wiahi mviahci namu-wrci nala grsagiki.

YA-SFADOCI JRNE 1:41

Hinv u mkvwrli nhihtv nhvlwrkv u janinrli Svimvneli, macimi Ni mkvwrpa inv Masriv naiahkv, u talrli nili, (Klvisde iyowa ini ya-lrbrci kvlvwigi).

YA-SFADOCI JRNE 1:45

Filvbe u mkv-wrli Nafanivleli, macimi Ni mahci mkvwrpa inv ini u kutaladewa-nagi Mosise macimi nihki mrmosigesqacki yatvlvwigrlrwrci, Jesise, Nrsalafe uci, u qihfvli Jose, u talrli.

YA-SFADOCI JRNE 11:27

Hvnkv, Dabalamiwatv; naiahkv ni dapwahsa yasi geiv-wivni inv Klvisde, nili u Qihfvli Mvnatu, datapilvhi inv ba-birtv ini yalakuqvh-kvmigigi, u talrli Mrfa.

YA-SFADOCI JRNE 20:31

wakv yolumv vwigapi, wvhsi gelvwv manvwvhi dapwahsayaqa yasi Jesise inv Klvisde-wici, nili u Qihfvli Mvnatu; macimi wvhsi dapwahsawiyaqa manvwvhi gelvwv bonvmaqa lanvwawewa u wefowa-nagi.